NOSABATMO 8:18 - KITAB NU TUMPU ALLA LELE MA'IMAI'

¹⁸ Anu pa ilimu' nonsobakonmo ilimu' nu aha da suele mompodaagi' momot, panyo madi' pinoko bau nu aha. Iyaya mae daagi'mo ko momotnyo,

NOSABATMO 8:18 ပူးပေါင်းရင်းမြစ်များ

KAJADIAN 41:8

Subu-subu mae i tomundo madi'mo sinanang na kinyonyoa, kalana aijo' pinalentahnyomo da olaga mae iwi-iwi' na anu pande montili'i ipion ka' mian anu ko ilimu'nyo i Mesir. Lantas sinisiknyomo na ipionnyo hi aha, panyo madi' ko samian pe'e na noko ala nontalangkan poso'nyo.

NOSABATMO 10:23

Mian nu Mesir madi'mo noko ala nontoa apa-apaa ka' tempo'nyo aitu madi'mo ko samian pe'e namba moyaya. Panyo i laigan nu aha mian Israel na tataap ahi' majingka.

NOSABATMO 7:11

Kalana aitu i tomundo nolagamo to mia-miannyo anu pa ilimu' ka' pangatahuanon, lantas aha suele nombaumo sumo aijo' nu ilimu' nu aha.

NOSABATMO 7:12

Aha nolumbu'akonmo tokon nu aha i tano' lantas tokon haha aijo' nongabali'mo tinimbali ulo. Panyo tokon nu aha i lonyomo nu tokon i Harun.

NOSABATMO 8:7

Panyo to mia-mian anu pa ilimu' nompojalanmo ilimu' nu aha, panyo ola ahi' da nompaka panjoo' na bahangkakak haha aijo' i lubat i lipu' aijo'.

NOSABATMO 9:11

Anu pa ilimu' madi'mo noko ala nangadap hi Musa, kalana songko-songko na butong nu aha kahomo bisun sumomo mian nu Mesir haha aijo' sangga'at.

YESAYA 19:12

O, tomundo' Mesir iyamo mae na tomia-mian anu toto pande-pande na mombee'i pokinde' i tomundo'? Ugaat nu sumbu' nu aha apaa na anu tinanga'anmo nu Tumpu Anu Daka' na Kuasanyo mongkona Mesir.

DANIEL 4:7

Panyo salatan anu topo tahi'i, anu ko pangatahuan, to mia-mian anu ko ilimu', ka' mule' anu ko ilimu' monsumbu' mandala', tinokamo mae sinisikumo na ipionku aijo' hi aha, madi' ko samian pe'e na anu noko ala nontalangkan alati'nyo.

DANIEL 5:8

Mian anu toto pande-pande nokiijo' mo i ahopnyo panyo madi' ko samian pe'e na noko ala nombasa tulisan aijo' kabai nompoto'i alati'nyo hi tomundo'.

LUKAS 10:18

I Yesus nontaami, “Aku nontoa Ibilis nanabu' lengkat mae i langit sumo kilat.