NOSABATMO 7:9 - KITAB NU TUMPU ALLA LELE MA'IMAI'

⁹ “De i tomundo mompoita belemiu mombau anu okabangangi salaku bukuti', pokau na i Harun mongala tokonnyo ka' olumbu'akon i tano' i ahop hi tomundo. Tokon aijo' mongabali'mo timbali ulo.”

NOSABATMO 7:9 ပူးပေါင်းရင်းမြစ်များ

NOSABATMO 10:13

I Musa nohangkatmo tokonnyo, ka' Tumpu nompotimbalimo mombun lengkat i kabete'an aijo'mo na nonsongkohi lipu' aijo' toka sansina-sinaa ka' sampahu-pahu. De subu-subumo mombun aijo' mompuhakonmo mae kihi-kihi' haha aijo'

NOSABATMO 4:17

Boa na tokon atina' kalana tiba tokon atina' beleyum timbalimo mombau anu okabangangi aijo'.”

NOSABATMO 4:2

Tumpu nompokilawamo hi Musa, “Apaa na atina' i lima nu beleyum?” Tinaaman i Musa, “Tokon”.

NOSABATMO 4:20

Lantas i Musa nonsale'imo bengkele'nyo ka' to ana-anaknyo ka' pinosake'mo na aha i keledai lantas aha nambamo hingga-hinggat nokiijo' i Mesir. Kalana palentah nu Tumpu, i Musa nomboa ahi' tokonnyo.

NOSABATMO 4:3

Notatae na Tumpu, “Alin mokiijo' i tano'.” I Musa nongalinmo, lantas tokon aijo' nongabali'mo tinimbali ulo ka' i Musa nalaimo madi'mo nonsasuhi.

NOSABATMO 7:8

Tumpu notatae hi Musa ka' hi Harun.

NOSABATMO 9:23

I Musa nontangkakonmo tokonnyo nokiita' sahingga Tumpu nompotokamo mae gohung ka' nontudunakonmo ujan eis, ka' kilat nontuda'mo dunia. Tumpu nompotokamo

YESAYA 7:11

“Poita da Tumpu Allah nu beleyum mombee'i mae sa'angu' na tanda hi beleyum pa' lengkat mae i dunia nu mian anu sinilakamo i aluknyo kabai lengkat mae aita ilangit.”

YEHEZKIEL 29:3

Tumpu Anu Matangkas na Kuasanyo nompokaumo mae aku da mompoto'i hi tomundo' Mesir potuunon sumo uuka, “Aku aiya sampobali' nu beleyum obuaa' daka-daka' hondo anu lewa' male' itotonga' nu kaunyo. Beleyum kinobubuunmo tukooyum beleyum na nombau ka' mule' tukooyum beleyumo na tumpunyo nu Kaunyo Nil aijo'.

MATIUS 12:39

“Palias na ko ideknyo ka' ko geguannyo na to mia-mian tempo' aiya!” tinaaman i Yesus. “Komiu mompoita Aku mombau anu okabangangi? Komiu madi' daagi' obee'i sa'angu' pe'e na anu okabangangi, ola ahi' anu okabangangi i Nabi Yunus.

YOHANES 10:38

Panyo kalana Aku mombau palentah-Nyo, opalesaya apaa na anu Kubau aijo', mau mule' komiu madi' mongka'oho' palesaya hi beleng-Ku. Atina'je ka' osumbu' miu, ka' mangalati' taalu' Tuuma tataap mosa'angu' tiba Aku, ka' Aku tataap mosa'angu' tiba Tuuma.”

YOHANES 2:18

To mia-mian anu mongkuasai Yahudi nonggagakon i Yesus, koonyo nu aha, “Soba pombau anu okabangangi salaku tanda hi kami, momponyata' taalu' Beleyum ko hak mombau sumo aiya.”

YOHANES 6:30

“Desumo aitu,” koonyo nu aha, “bukuti' apaa na anu timbali obee'to nu kita Tuuma da kami nontoa ka' palesaya hi kita Tuuma? Apaa na anu obaunto kita Tuuma?