NOSABATMO 7:19 - KITAB NU TUMPU ALLA LELE MA'IMAI'

¹⁹ Tumpu nompoto'i hi Musa, “Pokaumo na i Harun mongala tokonnyo ka' opotadu mompatui iwi-iwi' na kaunyo to sepe-sepe' ka' to kola-kolam anu aiya i Mesir. Ueenyo timbalimo baso', ka' i songko-songko na lipu' ko baso'nyomo ka' mule' i toka-kas pongisian uee, ka' to gumba-gumbang batu.”

NOSABATMO 7:19 ပူးပေါင်းရင်းမြစ်များ

KAJADIAN 1:10

Tumpu nonsanggohimo tano' aijo' “Katano'an”, ka' posa'angu'an nu uee aijo' sinanggohan-Nyomo “Ambai”. Ka' Tumpu Allah sinanangmo na nontoa han aijo'.

2 TOMU-TOMUNDO' 4:29

I Elisa nosiloimo nokiijo' hi Gehazi lantas notatae “Palia-lia'! Ala mae na tokonku ka' lako'mo mamba hi laigan nu Pontina'on aiya. Boli okolilimi na monsalando'i mian anu nu kabot i jalan maumo pa' ihe. De mian monsalando'i beleyum boli o tanda'i pipin obalosije na salando'anyo. De beleyum tokamo i kiijo', sampa lia-lia' potimpas na tokonku aijo' i butong nu anak aijo'.”

NOSABATMO 10:12

Lantas Tumpu notataemo hi Musa, “Tangkakon na lima nu beleyum mokiita' mompatui Mesir. Iwi-iwi' na kihi-kihi' tokaje mae mongkaan iwi-iwi' na anu sinu'an, anu daagi' tinontuha' noko lapas na ujan eis.”

NOSABATMO 10:21

Tumpu notatae hi Musa, “Tangkakon na lima nu beleyum mokiita' da tano' nu Mesir nutuda'i mae nu balaa' pikat.”

NOSABATMO 14:16

Hangkat na tokon nu beleyum ka' tangkakon mokiijo' i ambai. Da uee mobagimo ka' mian nu Israel timbalimo motulu i lananyo nu ambai anu noti-notiismo.

NOSABATMO 14:21

Lantas tinangkakonmo i Musa na limanyo nokiijo' i ambai, sahingga Tumpu nompotimbalimo baleba' nu kabete'an anu makansang hondo so'mo nompuuhakon sahingga ambai nokekesmo. Sinampahu na pinuuhan nu baleba' aijo' sahingga ambai nongabali'mo, tinimbalimo katano'an.

NOSABATMO 14:26

Tumpu notataemo hi Musa, “Tangkakon na lima nu beleyum mokiijo' i ambai da uee po'ule' minsusule', ka' molomosi mian nu Mesir, to kale-kaleta ka' anu monsake'i.”

NOSABATMO 4:9

De aha ma'isa mule' mongka'oho' palesaya hi beleyum mau mule' nontoamo ohua' na anu okabangangi aiya, ka' aha madi' mongka'oho' montapali potatae nu beleyum, ala sangkiding na uee nu Kaunyo nu Nil ka' dudu'akon i tano'. Uee aijo' mongabali' timbalimo baso'.”

NOSABATMO 8:16

Tumpu notataemo hi Musa, “Pokau na i Harun monsapahi tano' nu tokonnyo, da songko-songko na lipu' nu Mesir abu'nyo mongabali' timbalimo momot.”

NOSABATMO 9:33

Lantas i Musa nompala'imo i tomundo ka' nambamo nosabat i kota; ikiijo' mae ia nontangkakonmo limanyo ka' binalado'amo hi Tumpu, sahingga tempo'nyo aitu madi'mo kino gohung, ujan eis ka' ujan.

YESAYA 5:25

Tumpu montambuha'imo bansa-Nyo. Ia binalasiapmo da mohukumo aha. To Bungku-bungkutnyo gayu'anmo; bangke' nu mian anu sinilakamo motanatamo susumo duhehe i tutuus jalan. Panyo Tumpu daagi' tataap motambuha' ka' mule' daagi ahi' mohukum.

HABAKUK 3:8

O Tumpu, pa' kalana ambai sahingga Belento pinusamo? Kabai o pa' kalana to Kau-kaunyo na nonsaduakon sahingga belento pinusamo? Sinake'anmo nu belento na kundom susumo ajahan, ka' kareta anu bau pahampate, salatan mian nu Belento anu pinalesayamo binee'anmo ka untungan nahampate.