NOSABATMO 7:11 - KITAB NU TUMPU ALLA LELE MA'IMAI'

¹¹ Kalana aitu i tomundo nolagamo to mia-miannyo anu pa ilimu' ka' pangatahuanon, lantas aha suele nombaumo sumo aijo' nu ilimu' nu aha.

NOSABATMO 7:11 ပူးပေါင်းရင်းမြစ်များ

KAJADIAN 41:8

Subu-subu mae i tomundo madi'mo sinanang na kinyonyoa, kalana aijo' pinalentahnyomo da olaga mae iwi-iwi' na anu pande montili'i ipion ka' mian anu ko ilimu'nyo i Mesir. Lantas sinisiknyomo na ipionnyo hi aha, panyo madi' ko samian pe'e na noko ala nontalangkan poso'nyo.

NOSABATMO 7:12

Aha nolumbu'akonmo tokon nu aha i tano' lantas tokon haha aijo' nongabali'mo tinimbali ulo. Panyo tokon nu aha i lonyomo nu tokon i Harun.

NOSABATMO 7:22

Panyo anu toto panga-pangatahuanon i Mesir nombaumo suele sumo aijo' nu ilimu' nu aha, sahingga i tomundo sabole-bole panggaga. Susumo anu tinaloakonmo nu Tumpu, i tomundo madi' mongka'oho' mohongo-hongo i Musa ka' i Harun.

NOSABATMO 8:18

Anu pa ilimu' nonsobakonmo ilimu' nu aha da suele mompodaagi' momot, panyo madi' pinoko bau nu aha. Iyaya mae daagi'mo ko momotnyo,

NOSABATMO 8:3

Kaunyo nu Nil mobuke'mo nu bahangkakak, sahingga binatang haha aijo' mosabat mae i uee ka' minsoop i laigan nu belento tomundo, i salipi' kahoyotan ka' i tampat kahoyotan nu belento, i uno nu laigan nu batu-batu mian anu ko pangkatnyo ka' layat, ka' mule' i tampat pombauan roti ka' i iwi-iwi' na kuhon.

NOSABATMO 8:7

Panyo to mia-mian anu pa ilimu' nompojalanmo ilimu' nu aha, panyo ola ahi' da nompaka panjoo' na bahangkakak haha aijo' i lubat i lipu' aijo'.

DANIEL 2:2

Kalana aijo' ilaganyomo na anu topo tahi'i, anu ko pangatahuan, to sando-sando ka' mule' to mia-mian anu ko ilimu' da mongalati'iakon ipionnyo aijo'.

DANIEL 2:27

Tinaaman i Daniel, “O, Tuanku, madi' ko mian anu ko ilimu' ka' mule' anu ko pangatahuan, topo tahi'i, kabai anu ko ilimu' monsumbu' mandala' na moko ala mompoto'i han aijo' hi belento Tuanku.

DANIEL 4:6

Lantas ilagangkumo na anu toto pande-pande kiijo' i Babel da montalangkan mae hi belengku alati'nyo nu ipion aijo'.

DANIEL 5:11

Kalana i uno nu kalaja'an nu belento Tuanku daagi' ko samian na mo'ane kinuasanmo nu roh nu to pilo-pilogot anu susui'. Tempo'nyo daagi' tuuma nu belento Tuanku na nompalentah, mian aijo' pande ka' ko bukuti'nyomo, timbali mongalati'i ka' mule' ko kapandean bapikin, anu susumo kapandean bapikin nu to pilo-pilogot. Tuuma nu belento Tuanku i Tomundo' Nebukadnezar nohangkatmo ia tinimbali polaya' nu topo tahi'i tiba anu ko pangatahuan ka' to mia-mian anu ko ilimu'nyo, ka' anu pande na montoa mandala'.

DANIEL 5:7

Ia noloboo'imo ka' nomoita da anu topo tahi'i ka' mule' anu ko ilimu' mompakuli ka' mule' anu ko pangatahuan, ka' mule' anu monsumbu' ilimu' nu mandala', iwi-iwi' aijo' pinaha lagamo. Salatan aha tinokamo mae tomundo' aijo' notataemo, “Ihehe na moko ala monsumbu' mombasa' tulisan aijo' ka' mompoto'i mae alati'nyo hi belengku ku bee'ije pakean nu kalaja'an sumo juba' anu mingkamumu' ka' olo' mosoni' da bau tanda kaholomatan. Ka' mule' ia ku pojadimo anu balakuasa ko totolu'nyo i uno nu kalaja'anku.”

MATIUS 24:24

Kalana tokaje mae na anu momposalamat padahan anu madi' totu'u, ka' to nabi-nabi anu madi' totu'u. Aha mombau palabuatan-palabuatan anu o palias, ka' hahan anu okabangangi bau pongakali, de timbali, mau mian anu palesayamo hi Tumpu suele.

GALATIA 3:1

To Utu-utus mian nu Galatia! Komiu talalo hondo ponga'! Pa' ihe na nonsale'i komiu? I Kristus sinilaka kalana sinalib pinotalangkumo sahondo-hondonyo hi komiu!

EFESUS 4:14

Sahingga kita madi'mo po'ule' mingana-anak anu sumo nupuuhi nu mombun oboa mokiijo' mo'uuka mae nu ngangahan nu solok nu pangajalan lengkat hi to mia-mian anu pande na mongakali. Aha mompotimbali mian ponga' nu kapandean nu aha mongakali.

2 TESALONIKA 2:9

Mian anu Ma'idek aijo' tokamo mae nu sa'angu' na kakuasa'an anu daka' lengkat hi Ibilis. Ia mompodaagi' iwi-iwi' na ngahan anu okabangangi ka' hahan anu madi' ko gampanyo, anu saja' mombaleko'i ka' mongakali.

2 TIMOTIUS 3:8

Susumo i Yanes ka' i Yambres nongewa' i Musa naipuan mae, sumo aitu mule' na mian haha aijo' mombahakon ajalan anu lengkat mae hi Tumpu. Pikilan nu aha na'idekanmo, ka' palesaya nu aha madi'mo nintuus.

2 TIMOTIUS 3:9

Panyo madi' ko anu nu pihumpa-humpak nu aha, kalana kaponga'an nu aha nu sumbu'mo nu mian iwi-iwi', sumomo anu ingoa'an i Yanes tiba i Yambres suele.

ANU PINOTO'I HI YOHANES 19:20

Sahingga binatang aijo' i hakopmo hingga-hinggat tiba to nabi-nabi anu madi' totu'u anu nombaumo hahan anu okabangangi i ahop nu binatang aijo'. (Anu okabangangi haha aijo' atina'mo na binatang haha aijo' anu nongakalimo to mia-mian anu ko tandanyo binatang aijo', ka' to mia-mian anu monsombah patong nu binatang aijo'.) Lantas binatang aijo' ka' to nabi-nabi anu madi' totu'u aijo' ingalinmo tumu-tumuu' i uno nu ndalangon apu anu banyela-nyelak ka' ko belelangnyo.

1 SAMUEL 6:2

aha mian nu Filistin nolagamo to ima-imam ka' anu pa'ilimu' lantas pinokilawamo nu aha, “Peti' Palajanjian nu Tumpu aijo' oposiantomo? De osule'akontomo i una'annyo momona mosia na kita mombau?”