NOSABATMO 6:8 - KITAB NU TUMPU ALLA LELE MA'IMAI'

⁸ Iwi-iwi' na potuunon nu Tumpu aijo' pinotokamo i Musa hi bansa Israel, panyo aha madi' mongka'oho' mompajuli i Musa, kalana aha binotuanan aijo' tahahumo kinabisa'an, sahingga nonsaduakonmo aha ingise-ise'mo na kinyonyoa kalana madi'mo moko ala mombau apa-apaa.

NOSABATMO 6:8 ပူးပေါင်းရင်းမြစ်များ

KAJADIAN 14:22

Panyo tinaaman i Abram, “Aku basumpa' i ahop nu Tumpu, Tumpu Allah Anu Matangkas hondo na kuasanyo, anu Nompotimbalimo langit ka' tano,

KAJADIAN 15:18

Tempo'nyo aijo' na Tumpu binalajanji'mo hi Abram. Notataemo na Tumpu, “Aku balajanji'mo mombee'mo hi lee' nu beleyum songko-songko na tano' aiya, lengkat pe'e mae i potempasan nu lipu' Mesir toka-toka mokiijo' mae i Kaunyo nu Efrat,

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

KAJADIAN 28:13

Ka' i sohipi'nyo tinuminjo na Tumpu ka' notatae, “Akumo na Tumpu, Tumpu Allah anu nu sombah i Abraham ka' i Ishak. Ku bee'mo hi beleyum ka' hi lee' nu beleyum na tano' tampat kinamale'an nu beleyum atina'.

KAJADIAN 35:12

Lipu' anu binee'-Kumo hi Abraham ka' hi Ishak, Ku bee'mo hi beleyum ka' hi lee' nu beleyum.”

NEHEMIA 9:15

Salatan aha no ohopmo ka' kinadagi'anmo i anu okaan, roti lengkat mae i langit tinau'mo mae nu Belento. Ka' batu anu maboat hondo, mahoson ka' mokut aijo' pinompolubatanmo mae nu Belento, uee anu matombo' hondo da nongingkoti megot. Pinokaumo nu Belento na aha da jojoong i tano', anu jinanji'mo nu belento hi aha ka' binau akonmo sumpa'.

NOSABATMO 13:5

Binasumpa' na Tumpu nonjanji'mo hi mompolee' nu belemiu mombee'mo hi belemiu lipu' nu bansa Kana'an, Het, Amori, Hewi, Yebus. De nuboamo nu Tumpu na belemiu i lipu' anu kaya ka' molumba' aijo', sataun toka sataun i bitu'on Abib, belemiu tionyo ahi' mombau lamean aiya.

NOSABATMO 32:13

Inau'akon mae na to posa-posaihon nu belento i Abraham, Ishak ka' i Yakub. O inau' nu belento binalajanji'mo ka' binasumpa'mo mombee'i aha lee' konjoo'nyo sumo mandala' i langit ka' mule' iwi-iwi' na tano' anu jinanji'mo nu belento aijo' timbalimo anu nu lee' nu aha na tumpunyo sampetoka sidu-sidutu'.”

NOSABATMO 6:2

Aku nanintoamo hi Abraham, hi Ishak ka' hi Yakub salaku Tumpu Allah Anu Daka' hondo na kuasanyo, panyo madi' pinosumbu'-Ku na butong-Ku hi aha; sanggong-Ku 'Tumpu'.

NOSABATMO 6:4

I hongong-Kumo na aha mian nu Israel talalomo sinansala kalana obotuani nu bansa Mesir, lantas tinonginau'mo na Aku i palajanjian-Ku aijo'.

NOSABATMO 6:6

Belemiu Ku potimbalimo mian anu palesayamo hi beleng-Ku ka' Aku timbalimo Tumpu Allah nu belemiu. Sahingga osumbu'mo nu belemiu taalu' Aku aiya Tumpu, Tumpu Allah nu belemiu, anu nompobebasmo belemiu binotuanan i Mesir.

YEHEZKIEL 20:15

I padang tampat anu kaho bone'nyo aijo' suele Aku nontambuha'imo tukoong-Ku bansa Israel madi'mo daagi' Ku boa minsoop itano' anu pinotoukakonmo hi aha aijo'mo tano' anu kaya ka' mule' ma'omuk ka' mule' anu ma'ima' hondo isongko-songko na dunia.

YEHEZKIEL 20:23

I padang tampat anu kaho bone'nyo aijo', suele Aku nompohosonmo nu sumpa' tukoong-Ku, Ku ga'a-ga'atakonmo na aha mamba isongko-songko na dunia,

YEHEZKIEL 20:28

Aku nombomo mae aha itano' anu jinanji'-Kumo hi aha. Salatan aha nontoamo puge'nyo haha aita' anu toto tangka-tangkas ka' mule' kau' anu toto tambo-tambok na honnyo aha nomsombahkonmo koloban itampat haha aijo'. Aha nonsaduakonmo da Aku notambuha' kalana koloban-koloban anu opotunu ka' mule' aha nonsombahkonmo anggur nu aha.

YEHEZKIEL 20:42

Bisuanyo belemiu Ku boamo minsusule' itano' nu Israel, tano' anu jinanji'Kumo hi mompolee' nu belemiu, sahingga nu sumbu'je nu belemiu taalu' Akumo ahi' na Tumpu.

YEHEZKIEL 36:7

Aku, Tumpu Anu Matangkas na Kuasanyo binasumpa'mo da bansa-bansa anu aitu mae mompaha ohani belemiu sueleje ahi' opopo'ambang.

YEHEZKIEL 47:14

Aku binasumpa'mo saba' tano' aijo' Ku bee'mo hi mompolee' nu beleyum. Kalana aijo' alamo na tano' aijo' ka' bagi adi-adin hi bubuu' belemiu.

NOMBILANGMO 10:29

I Musa notataemo hi dawoknyo, i Hobab anak i Rehuel aha mian nu Midian, “Kami mambaje i tampat anu pinoto'imo nu Tumpu obee' hi kami. Tumpu nonjanji'mo mombee'i anu ma'ima' hi aha mian nu Israel. Jadi batukimo mae, okanonongije mami na beleyum.”

NOMBILANGMO 11:12

Te aku na no hempuakon kabai nohampeakonmo aha aijo'? Kadaka' Belento nompokaumo aku da sumomo samian anu bau potamongi anak ise' ka' saja' montangkung, sahingga aku tionyo ahi' saja' montamongi aha sampetoka sidu-sidutu' mamba i lipu' anu jinanji'mo nu Belento hi mompolee' nu aha.

NOMBILANGMO 14:30

Kalana aijo' belemiu tionyo ahi' matemo ka' bangke' nu belemiu motanatamo i padang bola aiya. Olamo i Kaleb ka' i Yosua na anu daagi' tumuu', madi' ko samian pe'e anu atina' hi belemiu anu umunnyo uampulu'mo na taun mokiita' na timbali minsoop i lipu' anu jinanji'-Kumo hi belemiu.

NOMBILANGMO 23:19

Tumpu Allah madi' sumo manusia anu sampa mompele-pele' ka' mongka'ima'i baleko'. De Tumpu Allah balajanji' sabole-bole Nu ganapi! De Ia motataemo tantu tionyo ahi' jadi!

PO'ULE' INGULIT 32:40

Olamo posi pongka'oho'-Ku, Tumpu Allah anu tumuu', Ku tangkakon na limang-Ku ka' basumpa':

PO'ULE' INGULIT 4:31

Tumpu Allah nu belemiu atina'mo na Tumpu Allah anu talalo hondo mongkalibosi. Ia madi' mompala'i kabai mompatei belemiu, kabai mongkolilimi palajanjian-Nyo hi mompolee' nu belemiu.

YOSUA 24:13

Tano' anu binee'-Kumo hi belemiu, ingalamo nu belemiu mau madi' kinolawe apa-apaa. Ka' kota-kota anu binee'Kumo hi belemiu misa' belemiu na nombau. Panyo tempo' uuka aiya belemiumo na jinojoong ikiijo', ka' belemiumo na nongkaan bua' nu anggur ka' bua' nu zaitun padahan misa' belemiu na nonsu'an.’ ”

ANU PINOTO'I HI YOHANES 10:6

Ia binasumpa' tiba sanggo nu Tumpu anu tumuu' sampe toka sidu-sidutu', anu nompotimbalimo langit, dunia ka' ambai tiba batu-batu anu daagi' i unonyo. Malaikat aijo' notatae, “Tempo'nyo madi'mo daagi' o tunda!

1 SAMUEL 15:29

Anu Talasanggo hondo Tumpu Allah nu aha Israel madi' baleko' ka' madi' mule' mombabali'i apa na anu tinaloakon-Nyomo, kalana Ia misa' manusia.”