NOSABATMO 6:7 - KITAB NU TUMPU ALLA LELE MA'IMAI'

⁷ Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

NOSABATMO 6:7 ပူးပေါင်းရင်းမြစ်များ

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

KAJADIAN 28:13

Ka' i sohipi'nyo tinuminjo na Tumpu ka' notatae, “Akumo na Tumpu, Tumpu Allah anu nu sombah i Abraham ka' i Ishak. Ku bee'mo hi beleyum ka' hi lee' nu beleyum na tano' tampat kinamale'an nu beleyum atina'.

1 TOMU-TOMUNDO' 20:28

Lantas tinokamo na nabi samian hi Tomundo' Ahab ka' nompoto'i, “Sumo uuka na pinoto'i mae nu Tumpu: 'Kalana mian nu Siria haha aijo' monsangka tukoonyo Aku ola mongkuasai bungkutnyo panyo' hatanyo madi', jadi Ku po'untungmo na belemiu mahampate mongewa suludadu nu aha anu talalo hondo manjoo'. Beleyum ka' mian anu nu palentah monsumbu'je taalu' Akumo na Tumpu.’ ”

1 TOMU-TOMUNDO' 8:60

Tiba jalan anu sumo aijo' iwi-iwi' na bansa i dunia aiya monsumbu'je taalu' ola-olamo ahi' Tumpu, na Tumpu Allah, madi' ko sangga'atannyo.

NEHEMIA 1:10

O Tumpu, kami aiya to posa-posaihon nu Belento, mian anu pinalesayamo hi belento anu pinosalamatmo nu Belento nu kuasa ka' kahosonan nu Belento anu daka' hondo.

MAZMUR 100:3

Boli okolilimi kalana Tumpu aijo', Tumpu. Ia na nompotimbali kita ka' kita aiya Ia na tumpu-Nyo; kita mian anu palesayamo hi Ia, bansa anu pinotuu'-Nyomo.

MAZMUR 81:6

Ia nombaumo sa'angu' na katantuan hi bansa Israel, tempo'nyo Ia nambamo nongewa Mesir. Aku nohongomo basa' anu madi' ku sumbu',

NOSABATMO 13:14

De saidi' mae i mihinyo anak nu belemiu mompokilawa apaa na alati'nyo iwi-iwi' aijo', belemiu tionyo ahi' montaami sumo uuka, 'Tiba kuasa nu Tumpu anu Daka' hondo nomboamo mae kita nosabat lengkat i lipu' nu Mesir, tampato binotuanan.

NOSABATMO 13:3

I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 14:18

Sahingga nusumbu'je nu mian nu Mesir taalu' Aku, Tumpu.”

NOSABATMO 14:4

Ku potimbalije na ia da panggaga sahingga ia mololoi'mo belemiu. Panyo Ku potoaje na kakuasa'an-Ku hi tomundo Mesir ka' hi suludadunyo, da nusumbu' nu aha taalu' Akumo na Tumpu.” Lantas binaumo nu aha mian Israel susumo anu pinalentahkonmo nu Tumpu hi aha.

NOSABATMO 15:16

Aha talalomo hondo nabuhuk nonsakisi'i kabaanian nu Tumpu. Tempo'nyo mian anupinalesayamo hi Belento notulumo, sampobali' madi' noko ala nongampang; i lau-lausmo na bansa anu pinobebasmo nu Belento.

NOSABATMO 15:2

Tumpu anu mahoson nontinjohimo mae aku; Iamo na anu nomposalamatmo mae aku. Iamo na Tumpungku, aku kahanda'mo mompuji' Ia, Tumpu Allah anu nusombah nu mompolee'ku, ku popodaka' na Ia.

NOSABATMO 16:12

“I hongong-Ku mo na mian nu Israel nososon. Poto'i hi aha de mamalomo aha mongkaanmo ponoha' ka' de daagi' subu aha mongkaanmo roti sampe mobosu. Sahingga nusumbu'je nu aha taalu' Akumo na Tumpu, Tumpu Allah nu aha.”

NOSABATMO 16:6

Lantas notataemo na i Musa ka' i Harun hi mian nu Israel iwi-iwi', “Mamalom uuka aiya osumbu'mo nu belemiu taalu' Tumpu na nomboa mae belemiu nosabat lengkat mae i Mesir.

NOSABATMO 2:11

Salatan i Musa tinu'anyomo, ia nambamo nompaha pia to mia-mian anu sa'a-sa'angu' na bansa tiba ia. Ia nontoamo aha mosia na aha opakisa mokalaja anu toto boa-boat. Tinoanyo mule' samian na mian nu Mesir nompateimo samian na mian nu Ibrani.

NOSABATMO 6:6

Belemiu Ku potimbalimo mian anu palesayamo hi beleng-Ku ka' Aku timbalimo Tumpu Allah nu belemiu. Sahingga osumbu'mo nu belemiu taalu' Aku aiya Tumpu, Tumpu Allah nu belemiu, anu nompobebasmo belemiu binotuanan i Mesir.

NOSABATMO 7:17

Kalana aijo', Tumpu notataemo sumo uuka, 'Pa' apaa na anu Ku bau atina'je ka' nusumbu' nu belento taalu' Akumo na Tumpu. Tiba tokon aiya ku sapahimo na kilit nu uee nu kaunyo, ka' mongabali'mo na ueenyo timbali baso'.

YESAYA 41:20

Sahingga iwi-iwi' na mian montoamo ka' monsumbu'mo taalu' Aku, Tumpu, na anu nompotimbalimo. Aha mompalahatikanmo ka' mule' mangalati'mo Tumpu nu Israel anu susi' na nompotimbali aijo' da jinadi.”

YESAYA 49:23

To tomu-tomundo' saidi' mae sumomo ahi' tuuma nu beleyum ka' to tomu-tomundo' boune sumomo ahi' posi tina. Aha saidi' mae tolodadupumo moholomati beleyum ka' mati'alukmo hi beleyum. Sahingga nu sumbu'je nu beleyum taalu' Akumo ahi' na Tumpu; miana nu montaha'imani Aku madi' mule' mompele-pele'.”

YESAYA 49:26

Ku potimbalimo na sampobali' nu beleyum da mangoa i baso', sahingga aha mompaha pate-pateimo. Jadi iwi-iwi' na manusia saidi' mae monsumbu'mo, taalu' Akumo ahi', na Tumpu Anu momposalamat beleyum; Anu Mahoson hondo, Tumpu i Yakub Anu nontobusmo beleyum.”

YESAYA 51:15

Kalana Akumo na Tumpu nu beleyum, anu nongkembongmo ambai sahingga bokonnyo nombuhokmo. Anu Daka' na Kuasanyo aijo'mo sanggong-Ku.

YESAYA 60:16

Beleyum nu potuu'mo nu to bansang-bansang tiba to tomu-tomundo', susumo samian na tina nu anak mompotuu' anaknyo. Sahingga nusumbu'je nu beleyum saba' Aku ahi'na Tumpu anu Nomposalamatmo beleyum ka' saba' Tumpu ahi' nu Israel na anu mahoson nonompobebasmo beleyum.

YESAYA 63:8

Tumpu notatae, “Memang aha aijo' mian anu palesayamo hi beleng-Ku to ana-anak anu madi' monsusa'i mae.” Sahingga Ia tinimbalimo anu Nomposalamatmo aha,

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEHEZKIEL 20:19

Akumo ahi' na Tumpu nu belemiu. Saboleh-boleh otuluti na atulan-atulan tiba iwi-iwi na palentah-ngKu.

HOSEA 1:10

Bansa nu Israel timbalimo na konjoo'nyo sumo bone' i ambai, sahingga madi' opo ka ala otakan kabai o lekeng. Uuka aiya Tumpu motataemo hi aha, “Belemiu misa'mo mian-Ku anu palesayamo,” panyo tokaje na tempo'nyo. Ia notataeje hi aha, “Akumo na Tumpu anu tumuu' ka' belemiumo na to ana-anak-Ku!”

IMAMAT 11:44

Akumo na Tumpu Allah nu belemiu, kalana aijo' ojagai na butong nu belemiu da belemiu tataap susi' kalana Aku Susi'.

IMAMAT 11:45

Akumo na Tumpu Allah anu nomboamo mae belemiu nosabat lengkat mae i Mesir, da Aku timbalimo Tumpu Allah nu belemiu. Tionyo ahi' belemiu susi', kalana Aku Susi'.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

NOMBILANGMO 15:41

Akumo na Tumpu Allah nu belemiu; Aku nomboamo mae belemiu nosabat lengkat mae i Mesir, da Akumo na Tumpu Allah nu belemiu, Akumo na Tumpu.”

MATIUS 22:32

‘Akumo na Tumpu i Abraham, Tumpu i Ishak, ka' Tumpu i Yakub.’ Tumpu aijo' misa' Tumpu nu mian mate. Ia Tumpu nu mian tumuu'!”

ROMA 8:31

Apaa na anu opoko taloakon uuka aiya mongkona iwi-iwi' aijo'? De Tumpu mosambiha' hi kita, ihena moko ewa kita?

PO'ULE' INGULIT 14:2

Belemiu anumo nu Tumpu Allah nu belemiu; iwi-iwi' na bansa i dunia aiya, belemiumo na pinile'an nu Tumpu Allah da timbalimo mian anu palesayamo hi Ia.”

PO'ULE' INGULIT 26:18

Sinaa aiya, Tumpu nontalimamo belemiu ka' tinimbalimo mian anu pinalesayamo hi Ia susumo anu jinanji'-Nyomo hi belemiu, ka' Ia nompalentahmo belemiu da mombau iwi-iwi' palentah-Nyo.

PO'ULE' INGULIT 29:12

Tumpu Allah nu belemiu nonjanji'mo hi belemiu ka' belemiu iwi-iwi' sinihukmo i aiya da montoongi palajanjian aijo' ka' mule' nongalamo palentah anu tionyo ahi' obau.

PO'ULE' INGULIT 29:13

Tiba palajanjian aijo' Tumpu sinaa aiya nohangkatmo ka' nombalakatimo belemiu da timbali bansa-Nyo, ka' Iamo na Tumpu Allah nu belemiu susumo anu jinanji'nyomo hi belemiu ka' hi mompolee' nu belemiu i Abraham, i Ishak ka' i Yakub.

PO'ULE' INGULIT 29:5

Patompulu' na taun na kopinnyo Tumpu nolaya'mo belemiu nontulu padang bola, panyo baju' ka' sandaan miu madi' naluso'.

PO'ULE' INGULIT 4:20

Panyo belemiu bansa anu pinosalamat-Nyomo lengkat mae i Mesir, tampat belemiu nongoa'i sansala anu taha-tahahumo. Belemiu binoa-Nyomo mae nosabat lengkat i lipu' aijo' da timbalimo bansa-Nyo susumo balu-balu'nyo belemiu uuka aiya.

PO'ULE' INGULIT 7:6

Bau na iwi-iwi' aijo' kalana belemiu anumo nu Tumpu Allah nu belemiu. Iwi-iwi' na bansa anu i dunia aiya belemiumo na anu pinile'anmo nu Tumpu Allah nu belemiu da timbalimo mian anu palesayamo ka' talasanggo.

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

1 PETRUS 2:10

Naipuan mae belemiu misa' mian anu pinalesayamo hi Tumpu, panyo uuka aiya belemiu mian anu pinalesayamo hi Tumpu. Naipuan mae belemiu madi' okalibosi nu Tumpu, panyo uuka aiya belemiu montalimamo pongkalibosi-Nyo.

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.

ANU PINOTO'I HI YOHANES 21:7

To mia-mian anu inguntungmo i uno nu kasabalan montalimaje hahan aijo' hi Beleng-Ku. Aku timbalimo Tumpunyo, ka' ia timbalimo anak-Ku.