NOSABATMO 6:6 - KITAB NU TUMPU ALLA LELE MA'IMAI'

⁶ Belemiu Ku potimbalimo mian anu palesayamo hi beleng-Ku ka' Aku timbalimo Tumpu Allah nu belemiu. Sahingga osumbu'mo nu belemiu taalu' Aku aiya Tumpu, Tumpu Allah nu belemiu, anu nompobebasmo belemiu binotuanan i Mesir.

NOSABATMO 6:6 ပူးပေါင်းရင်းမြစ်များ

2 TOMU-TOMUNDO' 17:36

O'adati mae na Aku anu nomboamo mae belemiu nosabat lengkat mae i Mesir nu kuasa anu daka' hondo, ka' sombah mae na Aku, ka' osombahkon mae na koloban hi belengku.

1 TAWARIKH 17:21

I dunia songko-songko madi' ko bansa anu sumo Israel. Ola sa'a-sa'angu'nyomo bansa Israel, na anu pinobebasmo nu Belento tempo'nyo aha binotuanan da timbalimo mian anu palesayamo hi belento. Iwi-iwi' na anu talasanggo ka' anu okabangangi, anu binaumo nu Belento hi aha nompotimbalimo sanggo nu Belento tinogilele i songko-songko na dunia. Belento nompobebasmo mian anu pinalesayamo hi belento lengkat mae i Mesir, ka' nongalinimo to bansa-bansa sangga'at tempo'nyo mian anu pinalesayamo hi belento nambamo nahampate.

NEHEMIA 1:10

O Tumpu, kami aiya to posa-posaihon nu Belento, mian anu pinalesayamo hi belento anu pinosalamatmo nu Belento nu kuasa ka' kahosonan nu Belento anu daka' hondo.

MAZMUR 77:16

Kalana Belento mahoson sahingga pinobebasmo nu Belento na mian anu palesayamo hi Belento, tulunan i Yakub ka' i Yusuf.

MAZMUR 81:11

Akumo na Tumpu nu belemiu, anu nolaya'mo mae belemiu nosabat lengkat mae i Mesir. Tempo'nyo belemiu no'ohopmo kalana madi'mo ko anu okaan, binee'an-Kumo anu okaan na belemiu.

MAZMUR 81:6

Ia nombaumo sa'angu' na katantuan hi bansa Israel, tempo'nyo Ia nambamo nongewa Mesir. Aku nohongomo basa' anu madi' ku sumbu',

MAZMUR 81:7

“Aku nompasi'akonmo kolonon anu maboat atina' i bikoang nu beleyum, ka' nompengasmo kalanjang anu o kolon atina' totoong i lima nu beleyum.

NOSABATMO 1:11

Sahingga to mia-mian nu Mesir nohangkatmo anu mompalentah bansa Israel da molio jalan monsusa'i kantumuu'an nu aha, obee'i kalaja ka' opakisa mokalaja totu-totu'u. Aha pinakisamo nu tomundo Mesir da mombau to kota-kota Pitom ka' Raamses da bau puso nu ponguna'an balang.

NOSABATMO 12:41

I sinaa pupuusnyomo nu taun ko 430 nyomo aijo' iwi-iwi' na mian anu pinalesayamo hi Tumpu nojonjulumo nompala'imo mae tano' nu Mesir.

NOSABATMO 12:51

I sinaa aijo' tumpu nomboamo iwi-iwi' mian nu Israel nosabatmo nompala'imo Mesir.

NOSABATMO 13:14

De saidi' mae i mihinyo anak nu belemiu mompokilawa apaa na alati'nyo iwi-iwi' aijo', belemiu tionyo ahi' montaami sumo uuka, 'Tiba kuasa nu Tumpu anu Daka' hondo nomboamo mae kita nosabat lengkat i lipu' nu Mesir, tampato binotuanan.

NOSABATMO 13:16

Anu saja' obau aijo' bau pompotuka' kita salaku tanda anu pinosegot i lima kabai i siakanto. Tiba jalan anu sumo aijo' kita saja'mo monginau' Tumpu anu nonsabatakonmo mae kita lengkat i Mesir nu kuasanyo anu daka'.”

NOSABATMO 13:3

I Musa notataemo hi bansa Israel, “Sinaa aiya Tumpu anu Daka' hondo na kuasa-Nyo nompobebasmo belemiu, sahingga belemiu timbalimo nosabat nompala'i lipu' nu Mesir, tampat belemiu binotuanan. Kalana aijo' lame'akon na sinaa aiya. Boli mongkaan roti anu ko raginyo.

NOSABATMO 15:13

I laya'mo nu belento na bansa anu pinosalamatmo nu Belento aiya, kalana Belento totu-totu'u montoongi janji' nu Belento. Tiba kahosonan anu daka' hondo, aha jinagaanmo nu Belento ka' i laya'mo nu Belento, i tano' nu Belento anu susi'.

NOSABATMO 16:6

Lantas notataemo na i Musa ka' i Harun hi mian nu Israel iwi-iwi', “Mamalom uuka aiya osumbu'mo nu belemiu taalu' Tumpu na nomboa mae belemiu nosabat lengkat mae i Mesir.

NOSABATMO 18:1

I Yitro, monian i Musa tuuma nu bengkele'nyo, imam nu Midian, nohongomo mae iwi-iwi' apaa na anu binaumo nu Tumpu Allah hi Musa ka' i bansa Israel, tempo'nyo ia nomboamo aha nosabat lengkat i Mesir.

NOSABATMO 2:11

Salatan i Musa tinu'anyomo, ia nambamo nompaha pia to mia-mian anu sa'a-sa'angu' na bansa tiba ia. Ia nontoamo aha mosia na aha opakisa mokalaja anu toto boa-boat. Tinoanyo mule' samian na mian nu Mesir nompateimo samian na mian nu Ibrani.

NOSABATMO 3:17

Ka' tinantukan-Kumo da momboamo aha mosabat mompala'i Mesir, tampat nu aha sinansala, ka' momboamo aha i sa'angu' na lipu' anu kaya ka' molumba', lipu' nu bansa Kana'an, bansa Het, Amori, Feris, Hewi ka' Yebus.

NOSABATMO 3:8

Kalana aijo' mambamo na Aku mompobebas aha i lima nu mian Mesir ka' momboamo aha mosabat lengkat i lipu' aijo' mamba mokiijo' i sa'angu' na lipu' anu ewa. Tano'nyo kaya ka' molumba', ka' uuka aiya kajojoongan nu aha bansa Kana'an, bansa Het, Amori, Feris, Hewi ka' Yebus.

NOSABATMO 32:11

I Musa nongkakasemo hi Tumpu Allahnyo, ia notatae, “O Tumpu kadaka' Belento mombaumo sumo aijo' hi aha? Te misa' Belento nomposalamatmo aha lengkat mae i Mesir nu kakuasa'an ka' kahosonan anu daka'?

NOSABATMO 6:2

Aku nanintoamo hi Abraham, hi Ishak ka' hi Yakub salaku Tumpu Allah Anu Daka' hondo na kuasanyo, panyo madi' pinosumbu'-Ku na butong-Ku hi aha; sanggong-Ku 'Tumpu'.

NOSABATMO 6:29

Panyo tinaaman i Musa, “Tumpu, Belento nonsumbu' saba' aku madi' pande na basisik. Madi' koko i tomundo mongka'oho' mohongo-hongo aku?”

NOSABATMO 6:8

Iwi-iwi' na potuunon nu Tumpu aijo' pinotokamo i Musa hi bansa Israel, panyo aha madi' mongka'oho' mompajuli i Musa, kalana aha binotuanan aijo' tahahumo kinabisa'an, sahingga nonsaduakonmo aha ingise-ise'mo na kinyonyoa kalana madi'mo moko ala mombau apa-apaa.

NOSABATMO 7:4

Kalana aijo' Ku hukumo na Mesir na hukuman anu toto boa-boat, lapas aijo' Ku boamo iwi-iwi' na bansa Israel, mian anu pinalesayamo hi beleng-Ku, mosabatmo mompala'i lipu' aijo'.

NOSABATMO 7:5

Sahingga nu sumbu'je nu mian nu Mesir saba' Aku aiya Tumpu, tempo'nyo Aku mohukumo aha ka' momboamo Israel nosabat mompala'i lipu' nu aha.”

YESAYA 9:12

Bansa Israel ma'isa ahi' nompele-pele' mau aha ihukumo nu Tumpu Anu Daka' na Kuasanyo: aha ma'isa ahi' binalatobat hi Ia.

YESAYA 9:17

Palabuatan ma'idek nu bansa aijo' nompapu'i susumo apu nompapui kuhat anu kohii'nyo. Moaknyo sumomo alas na notoyo' anu lewa'mo nonsipunakon tibuknyo.

YEREMIA 21:5

Akumo ahi' na mompahampateakon belemiu tiba kahosonan anu memang ahi' mahosonmo totu-totu'u, kalana tambuha' anu taha-tahahumo.

YEREMIA 27:5

“Tiba kakuasa'anKu anu daka' hondo ka' mule' tiba kahosonan-Ku, Aku noko alamo nompojadi' tano' tiba manusia ka' mule' sinin na binatang, ka' timbali Ku bee' na aijo' maumo pa' hihe na mian anu Ku kahanda'i.

YEREMIA 32:21

Tiba kuasa ka' kahosonan nu Belento anu daka' aijo' Belento nomboamo mian nu Israel nosabat lengkat mae i Mesir. Belento nombaumo hahan anu okabangi tiba hahan anu okahelani tiba hahan anu jinadimo nonompotolokengkengmo aha sampobali'.

YEHEZKIEL 20:33

“Atas sanggong-Ku, Aku, Tumpu anu tumuu', Tumpu Anu Matangkas na Kuasanyo, Ku pokinde'i na belemiu saba' kalana Aku notambuha'mo, belemiu Ku kensengimo na mompalentah sahingga nu oa'imo nu belemiu na kuasang-Ku. Belemiu ku posihukmo ka' po ule'mo Ku boa mae lengkat mae isinin na lipu' tampat pipinongga'a-ga'atakonanmo belemiu.

SISIKON NU TO RASUL-RASUL 13:17

Tumpu bansa Israel nompile'imo mompolee'to, ka' nompotimbalimo bansa aiya bansa anu daka' tempo'nyo aha jinojoong i Mesir salaku mian anu isalipu'an. Lapas aitu tiba kuasa anu daka' Tumpu nomboa aha nosabat lengkat i Mesir.

PO'ULE' INGULIT 11:2

Tutugi uuka aiya apaa na anu osumbu' miu mongkona Tumpu i uno nu han anu ingoa'anmo nu belemiu. To ana-anak nu belemiu ma'isa toho' nongoa'i sumo aijo'. Belemiu na anu nontoamo mosia na Tumpu Allah nu belemiu anu talasanggo hondo, kahosonan-Nyo, kakuasa'an-Nyo,

PO'ULE' INGULIT 15:15

O inau' ahi' na belemiu naipuan mae binau botuan i Mesir lantas pinobebasmo nu Tumpu Allah nu belemiu; mokonyo aijo' Aku mombee'i palentah aiya hi belemiu.

PO'ULE' INGULIT 26:8

Kalana kuasa ka' kahosonan anu daka' hondo, Belento nompobebasmo kami lengkat mae i Mesir. Belento nombaumo anu okabangangi ka' anu ma'isa toho' tinimbali, ka' hahan anu nompopobuhukmo sampobali' nu aha.

PO'ULE' INGULIT 4:23

Tutugi ima-ima'! Boli okolilimi na anu jinanji'mo nu Tumpu Allah miu hi belemiu. Tuluti na palentah-Nyo; boli hondo-hondo mombau patong na belemiu maumo sumo apaa da osombah,

PO'ULE' INGULIT 4:34

Pa' toho'mo kino pilogot anu baani nongala sa'angu' na bansa, hi aha to bansa-bansa anu aiya i dunia lantas nompotimbalimo aha mian anu pinalesayamo hi Ia, susumo anu binaumo nu Tumpu Allah miu hi belemiu kiijo' mae i Mesir? Pinosi toamo nu belemiu mosia na Tumpu Allah nompotoka balaa' ka' pahampatean, ka' nombaumo hahan anu okabangangi ka' mule' nombaumo hahan anu opalias kalana kahosonannyo anu tahahumo hondo aijo'.

PO'ULE' INGULIT 5:15

O inau' ahi' saba' belemiu suele naipuan mae binotuanan i Mesir, lantas pinobebasmo nu Tumpu Allah nu belemiu nu kasusa'an-Nyo anu daka' hondo. Kalana aijo' Ku palentah na belemiu da molame'akon sinaa nu Sabat.

PO'ULE' INGULIT 6:12

o jaga mae ima-ima' da belemiu boli mongkolilimi Tumpu anu nompobebasmo belemiu lengkat mae i Mesir, i tampat belemiu binotuanan.

PO'ULE' INGULIT 7:19

O' inau' na to bala-balaa' anu okabuhuk hondo anu pinosi sakisianmo nu belemiu, batu-batu anu okabangangi, ka' kakuasa'an anu daka' na binaumo nu Tumpu Allah nu belemiu, kalana kahanda' mompobebas belemiu. Sumo aijo' suele na Tumpu Allah mombau iwi-iwi' na bansa anu okabuhuk miu.

PO'ULE' INGULIT 7:8

Panyo Tumpu nompile'imo belemiu kalana Ia nongkalibosimo belemiu ka' kahanda'mo momponyata' janji'-Nyo anu binau-Nyomo tiba mompolee' nu belemiu. Mokonyo aijo' Ia momposalamatmo belemiu nu kuasa-Nyo anu daka' hondo, ka' mompobebasmo belemiu temponyo binoatuanan i tomundo Mesir.

PO'ULE' INGULIT 9:29

Panyo inau', Tumpu, saba' aha aiya bansa anu pinile'anmo nu Belento da timbalimo mian anu pinalesayamo hi Belento, ka' binoamo mae nu Belento lengkat i Mesir tiba kahosonan ka' kakuasa'an nu Belento anu daka'.”