NOSABATMO 6:5 - KITAB NU TUMPU ALLA LELE MA'IMAI'

⁵ Jadi poto'imo hi bansa Israel taalu' Aku notataemo hi aha: Akumo na Tumpu; belemiu atina' obotuani nu bansa Mesir Ku pobebasmo. Ku potoamo na kakuasa'an-Ku anu opalias, da momposalamat belemiu, ka' mompokonaimo hukuman anu maboat hondo hi bansa Mesir.

NOSABATMO 6:5 ပူးပေါင်းရင်းမြစ်များ

KAJADIAN 8:1

Tumpu Allah madi' mongkolilimi i Nuh ka' binatangnyo iwi-iwi' anu daagi' hi ia i uno nu kapan aijo'. Tumpu Allah nompotobungmo mombun, sahingga uee nontampu'unimo tinolo tutus.

KAJADIAN 9:15

Aku monginau'mo palajanjian-Ku hi beleyum, ka' hi iwi-iwi' anu ko nyawanyo, aijo'mo iyaba' madi'mo daagi' monsilakai iwi-iwi' anu tumuu'.

MAZMUR 105:8

Ia madi' mongkolilimi apaa na anu jinanji'-Nyomo anu jinanji'nyomo opake sampe toka sidu-sidutu'.

NOSABATMO 2:23

Lapas aijo', pa' sinangkukamo na taun na kinopinnyo i tomundo nu Mesir sinilakamo. Panyo bansa Israel daagi' saja' mososon kalana aha daagi' saja' obotuani sahingga aha noloboo'mo nomoita tulung. Loboo' nu aha tinokamo hi Tumpu Allah.

NOSABATMO 2:24

Tumpu Allah nohongomo aha, Ia nonginau'mo palajanjian-Nyo hi Abraham, hi Ishak ka' hi Yakub.

NOSABATMO 3:7

Lantas Tumpu notataemo, “Tinoangkumo na kasansala'an nu mian anu pinalesayamo hi beleng-Ku i Mesir, ka' i hongong-Kumo na aha noloboo'mo mongkakase mae da opobebasmo nu aha to mia-mian anu nonsansalamo aha. Totu-totu'u, sinumbu'-Kumo iwi-iwi' na kasansala'an nu aha.

NOSABATMO 5:4

Notataemo na i tomundo hi Musa ka' hi Harun, “Kadaka' komiu mongatunmo mian haha aijo' da aha madi'mo mombau kalaja nu aha? Palentah na botuan haha aijo' mokalaja!

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

LUKAS 1:54

Ia nontulungi Israel posaihon-Nyo, sumo janji' anu pinodaagi'-Nyo tiba mompolee'to.

LUKAS 1:72

Da mompotoa ka'ima'an nu kinyonyoa-Nyo hi mompolee'to, janji'-Nyo anu belesi' tionyo Nupodaagi'.