NOSABATMO 6:4 - KITAB NU TUMPU ALLA LELE MA'IMAI'

⁴ I hongong-Kumo na aha mian nu Israel talalomo sinansala kalana obotuani nu bansa Mesir, lantas tinonginau'mo na Aku i palajanjian-Ku aijo'.

NOSABATMO 6:4 ပူးပေါင်းရင်းမြစ်များ

KAJADIAN 12:7

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.

KAJADIAN 15:13

Tumpu notataemo hi ia, “Inau' lee' nu beleyum saidi' mae timbalimo mian anu jojoong i lipu' nu mian sangga'at; aha timbalimo posaihon ikiijo' mae ka' osansalamo pato atu' na taun na kopinnyo.

KAJADIAN 15:18

Tempo'nyo aijo' na Tumpu binalajanji'mo hi Abram. Notataemo na Tumpu, “Aku balajanji'mo mombee'mo hi lee' nu beleyum songko-songko na tano' aiya, lengkat pe'e mae i potempasan nu lipu' Mesir toka-toka mokiijo' mae i Kaunyo nu Efrat,

KAJADIAN 17:13

Batu-batu mian tionyo ahi' o sunat ka' aijo' bau pontandai anu timbali otoa ka' momponyata' saba', palajanjian-Ku hi komiu aijo' sampe toka sidu-sidutu'.

KAJADIAN 17:4

“Aiyamo na palajanjian anu Ku janji' akon hi beleyum: Aku balajanji' saba' beleyum timbalimo mompolee' nu bansa manjoo'. Kalana aijo' sanggo nu beleyum misa'mo i Abram, panyo i Abrahamo.

KAJADIAN 23:4

“Aku aiya mian anu i salipu'an mae jojoong i totonga' nu belemiu to Utu-utus, pobee' mae na aku mongoli santake na tano' bau polamunanku bengkele'ku.”

KAJADIAN 26:3

Ku jagaije na beleyum ka' ku balakati. Songko-songko na da'erah aiya Ku bee'mo hi beleyum ka' hi lee' nu beleyum. Ku ganapije na janji' anu binee'-Kumo hi Abraham tuuma nu beleyum.

KAJADIAN 26:4

Ku bee'ije na beleyum lee' sumo mandala' i langit na konjoo'nyo, ka' songko-songko na da'erah aiya Ku bee'mo hi aha. Iwi-iwi' na bansa i dunia aiya mompoitaje hi beleng-Ku da Ku balakati na aha susumo Aku mombalakatimo lee' nu beleyum.

KAJADIAN 28:13

Ka' i sohipi'nyo tinuminjo na Tumpu ka' notatae, “Akumo na Tumpu, Tumpu Allah anu nu sombah i Abraham ka' i Ishak. Ku bee'mo hi beleyum ka' hi lee' nu beleyum na tano' tampat kinamale'an nu beleyum atina'.

KAJADIAN 28:4

O'amalakon da Tumpu mombalakati beleyum ka' lee' nu beleyum susumo ia nombalakatimo i Abraham, ka' o'amalakon da tano' anu kajojoongan nu beleyum aiya, beleyumo na tumpunyo, anu binee'mo nu Tumpu Allah hi Abraham.”

KAJADIAN 6:18

Panyo Aku balajanji'mo hi beleyum. Pinsoopmo i uno nu kapan aijo' tiba bengkele' nu beleyum, ka' to anak-anak nu beleyum tiba to bengke-bengkele' nu aha.

2 SAMUEL 23:5

Sumo aijo'mo na lee'ku anu nu balakatimo nu Tumpu Allah, Palajanjian-Nyo hi belengku madi'mo mongabali' anu jinanji'-Nyomo aijo sampe toka sidu-sidutu' ka' madi'mo ko anu kulangnyo iwi-iwi' ta atun hondo. Tumpu Allah na montantukan ka untunganku mahampate ka' mombee'mae iwi-iwi' apaa na anu nu kahanda'i nu kinyonyoangku.

MAZMUR 105:11

Ia notataemo, “Tano' nu Kana'an Ku bee'mo hi beleyum baumo pusaka' nu beleyum.”

MAZMUR 105:12

Naipuan mae mian anu palesayamo hi Tumpu tumuu' kiijo' mae ola susumo mian anu lengkat mae i salipu'an konjoo'nyo nu aha ola sangkiding.

NOSABATMO 13:4

Sinaa aiya, tanggal sa'angu' bitu'on Abib kabai bitu'on sa'angu, belemiu nompala'imo lipu' nu Mesir.

NOSABATMO 13:5

Binasumpa' na Tumpu nonjanji'mo hi mompolee' nu belemiu mombee'mo hi belemiu lipu' nu bansa Kana'an, Het, Amori, Hewi, Yebus. De nuboamo nu Tumpu na belemiu i lipu' anu kaya ka' molumba' aijo', sataun toka sataun i bitu'on Abib, belemiu tionyo ahi' mombau lamean aiya.

NOSABATMO 6:8

Iwi-iwi' na potuunon nu Tumpu aijo' pinotokamo i Musa hi bansa Israel, panyo aha madi' mongka'oho' mompajuli i Musa, kalana aha binotuanan aijo' tahahumo kinabisa'an, sahingga nonsaduakonmo aha ingise-ise'mo na kinyonyoa kalana madi'mo moko ala mombau apa-apaa.

YESAYA 55:3

Potombihing mae obansang-Ku, tokamo mae hi beleng-Ku, belemiu Ku bee'ije kantumuu'an anu totu'unyo. Kalana kalibosan ka' kanonongan anu jinanji'-Kumo hi Daud, Aku nontoongimo palajanjian anu madi' ko kamingkotanyo tiba belemiu.

NOMBILANGMO 10:29

I Musa notataemo hi dawoknyo, i Hobab anak i Rehuel aha mian nu Midian, “Kami mambaje i tampat anu pinoto'imo nu Tumpu obee' hi kami. Tumpu nonjanji'mo mombee'i anu ma'ima' hi aha mian nu Israel. Jadi batukimo mae, okanonongije mami na beleyum.”

SISIKON NU TO RASUL-RASUL 7:5

Tempo'nyo aitu madi' ko sambagian pe'e na lipu' aiya anu binee' nu Tumpu hi Abraham da timbali pusaka' i Abraham; salawo pe'e madi' binee' hi ia. Panyo Tumpu binajanji'mo tukoonyo Ia mombee'ije i Abraham da bau pusaka' i Abraham tiba lee'nyo. Tempo'nyo aitu i Abraham madi' ko anak.