NOSABATMO 6:26 - KITAB NU TUMPU ALLA LELE MA'IMAI'

²⁶ Ua-ua' aha nangadapmo hi tomundo Mesir da ia mompobee' mian nu Israel.

NOSABATMO 6:26 ပူးပေါင်းရင်းမြစ်များ

KAJADIAN 2:1

Lantas ilapasmo na nompotimbali songko-songko na dunia ka' iwi-iwi' na isinyo.

1 TAWARIKH 6:3

I Amran kino anak mo'ane ua'aha; aijo'mo: i Harun, tiba i Musa, ka' boune samian aijo'mo i Miryam. I Harun kino anak mo'ane aha opat: i Nadab, i Abihu, i Eleazar tiba Itamar.

MAZMUR 77:20

Belento i lumajangmo nontulu bokon, i lumajang i ndalangon, panyo lawo nu Belento madi' tinoa-toa.

MAZMUR 99:6

I Musa tiba i Harun minsoopmo to ima-imam-Nyo, i Samuel sala'samian na anu binalado'amo hi Ia. Aha nonkakasemo hi Tumpu, ka' tinaaman-Nyomo mae.

NOSABATMO 12:17

I sinaa aijo' iwi-iwi' na bansa nu belemiu Ku boamo mompala'imo Mesir. Kalana aitu aiya mae i ahop, sataun toka sataun sinaa aijo' tionyo ahi' olame'akon nu belemiu salaku sinaa daka'.

NOSABATMO 12:41

I sinaa pupuusnyomo nu taun ko 430 nyomo aijo' iwi-iwi' na mian anu pinalesayamo hi Tumpu nojonjulumo nompala'imo mae tano' nu Mesir.

NOSABATMO 12:51

I sinaa aijo' tumpu nomboamo iwi-iwi' mian nu Israel nosabatmo nompala'imo Mesir.

NOSABATMO 13:18

Kalana aitu Tumpu nomboamo aha notulu i jalan mompoliliit da monsahak padang bola mokiijo' i sasu ambai Gelagah. Tempo'nyo nompala'imo Mesir na aha mian nu Israel haha aijo' bubu'mo nomboa toongon susumo anu mahampatemo.

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 32:1

Salatan bansa Israel nontoa i Musa pininmo hondo madi'mo sampa ninsusule' mae lengkat i bungkutnyo dagi' sabole-bole kiita' mae, aha sinihukmo hi Harun ka' notataemo hi ia, “Kita madi' monsumbu' pa' apaa na anu tinimbalimo hi Musa, mian anu nomboamo mae kita nosabat lengkat mae i Mesir; jadi bauimo mae na kami pilogot anu molaya' kami.”

NOSABATMO 32:11

I Musa nongkakasemo hi Tumpu Allahnyo, ia notatae, “O Tumpu kadaka' Belento mombaumo sumo aijo' hi aha? Te misa' Belento nomposalamatmo aha lengkat mae i Mesir nu kakuasa'an ka' kahosonan anu daka'?

NOSABATMO 32:7

Sahingga Tumpu notataemo hi Musa, “Pintudunmo lia-lia' kalana bansa nu belemiu i laya'mo nosabat mae lengkat i Mesir, nombaumo anu ma'idek.

NOSABATMO 6:13

Aiyamo na tundulan i Musa ka' i Harun: I Ruben, anak tumpe i Yakub, kino anak aha opat na mo'ane: I Henokh, i Palu, i Hezron, ka' i Karmi. Aha aijo'mo na mompolee' mae nu tulunan i Ruben.

NOSABATMO 6:20

I Yizhar kino anak aha totolu' na mo'ane: I Korah, i Nefeg ka' i Zikhri.

NOSABATMO 6:7

Belemiu Ku boamo i lipu' anu jina-jinanji'-Kumo ka' binauakonmo sumpa' hi Abraham, hi Ishak, ka' hi Yakub; tano' aijo' Ku bee'mo hi belemiu, belemiumo na tumpunyo. Akumo na Tumpu.”

NOSABATMO 7:4

Kalana aijo' Ku hukumo na Mesir na hukuman anu toto boa-boat, lapas aijo' Ku boamo iwi-iwi' na bansa Israel, mian anu pinalesayamo hi beleng-Ku, mosabatmo mompala'i lipu' aijo'.

MIKHA 6:4

Belemiu binoang-Kumo nosabat nompala'i Mesir ka' pinolapas-Kumo da madi'mo binotuanan; Aku nonsaimo i Musa, i Harun tiba Miryam da molaya' belemiu.

NOMBILANGMO 33:1

Salatan bansa Israel nompala'imo Mesir, tompukon nu aha lumajang madi' mogogalo'an tiba tulunan nu bansa sangga'at, polaya' nu aha i Musa ka' i Harun, aha sinonso' i pa' sangkuka na tampat.

YOSUA 24:5

Lapas aijo' sinaing-Kumo na i Musa ka' i Harun, ka' nomobee'imo balaa' daka' i Mesir, lantas Aku nonsabatakonmo belemiu lengkat mae ikiijo'.

1 SAMUEL 12:6

Lantas po'ule' mule' notatae na i Samuel, “Tumpu na nompile'imo i Musa tiba i Harun ka' anu nomboamo mae mompole' nu belemiu nosabat lengkat mae i Mesir.

1 SAMUEL 12:8

Tempo'nyo i Yakub tiba aha salaigan tinoka i Mesir, ka' aha mian nu Mesir nonsakisamo aha, mompole'nu belemiu nomoitamo tulung hi Tumpu lantas sinaimo nu Tumpu na i Musa tiba i Harun. Ua aha na mian aijo' nomboamo mompole'nu belemiu nosabat lengkat mae i Mesir ka' nontulungimo aha jinojoongmo i lipu' aijo'.