NOSABATMO 5:2 - KITAB NU TUMPU ALLA LELE MA'IMAI'

² “Ihe na Tumpu aijo'?” pinokilawa i tomundo. “Kadaka' aku montapalimo Ia ka' mompobee'mo bansa Israel mamba? Aku madi' monsumbu' Tumpu aijo' ka' mian nu Israel madi' ku pobee' mamba.”

NOSABATMO 5:2 ပူးပေါင်းရင်းမြစ်များ

2 TOMU-TOMUNDO' 18:35

Pilogot iyamae na toho' nomposalamat lipu' nu aha da madi' kinuasanku? Te moko ala mule' na Tumpu momposalamat Yerusalem?’.”

2 TAWARIKH 32:14

Ihe na anu aijo' hi aha toho'mo nombau han aijo'? Pilogot nu belemiu madi' moko ala momposalamat belemiu!

2 TAWARIKH 32:15

Boli mompojohok tomundo nu belemiu aijo' mongakali ka' mompoponga' belemiu! Boli opalesaya na ia! Kalana madi' toho' pilogot maumo pa' bansa iya mae na moko ala mompobebas bansanyo da madi' kinasusa'an nu tomundo Asyur. Tantu sumo aitumo na pilogot nu belemiu aijo' suele madi' moko ala mompobebas belemiu!”

2 TAWARIKH 32:19

Aha montaloakon sumo aijo' au' aitu Tumpu Allah anu osombah i Yerusalem pokakana susumo to pilo-pilogot nu bansa sangga'at aijo'mo to pato-patong anu nubau nu manusia.

NEHEMIA 9:10

Kona hi tomundo' Mesir binaumo nu Belento na hahan anu opalias. Ka' suele kona hi mian anu kopangkat ka' mule' hi mian da'isan anu i lipu' nu aha, kalana osumbu' nu Belento mosia na mian anu palesayamo hi Belento, sisinakisamo nu aha. Lantas tinalasanggomo na sanggo nu Belento sampe sinaa uuka aiya.

AYUB 15:25

Sumo aijo'mo na ukun nu manusia anu panggaga, ka' monggagakon Tumpu Allah; ka' baani na mongewa Anu Daka' hondo na kuasanyo.

AYUB 15:26

Kalana talalo na ia buulon ia nolambanimo ka' nongewamo Tumpu Allah; i hangkatnyomo na kantanyo, ia madi' hondo-hondo mangaku mabuhuk.

AYUB 21:15

Nututugi nu aha, “Montuluti anu nupoto'i nu Tumpu Allah madi' ko kaliangannyo, ka' balado'a hi Ia suele madi' mingguna.

MAZMUR 10:4

Mian anu baladosa' madi'mo mompajuli Tumpu kalana ia talalo sombong sahingga koonyo madi' ko Tumpu.

MAZMUR 12:4

Bolimo opobee' Tumpu na potatae anu lewa' pagala monsale'i aijo', poki pomohokotmo na to mia-mian anu motatae palangues,

MAZMUR 12:5

anu motatae, “Jila' mami na bau pongkuasai mami! Maumo pa' apaa timbali otaloakon mami, ka' madi' ko anu moko ala timbali montewa'!”

MAZMUR 14:1

Anu mongkapalai panyanyi. Mazmur i Daud. Mian anu ponga' motatae i uno nu kinyonyoanyo, “Madi' ko Tumpu.” Palabuatan nu aha ma'idek ka' okahegati madi'mo ko anu mombau anu ma'ima'.

NOSABATMO 3:19

Lapas aijo' Tumpu Allah po'ule' mule' notatae, “Ku sumbu' tomundo Mesir madi' mompobee' belemiu mamba, beilako' ugaat de ia opakisa.

NOSABATMO 7:17

Kalana aijo', Tumpu notataemo sumo uuka, 'Pa' apaa na anu Ku bau atina'je ka' nusumbu' nu belento taalu' Akumo na Tumpu. Tiba tokon aiya ku sapahimo na kilit nu uee nu kaunyo, ka' mongabali'mo na ueenyo timbali baso'.

AMSAL 30:9

Kalana bisuannyo aku kaya, ugaat aku motataemo, aku madi' mompalalui Beleyum. Ka' de aku kasiasi, ugaat aku bulingmo sahingga mombusikimo sanggo nu Belento.”

YEREMIA 42:13

Panyo belemiu anu daagi' jinojoong i Yehuda boli ahi' panggaga hi Tumpu Allah nu belemiu ka' boli montaloakon, “Kami madi' mongka'oho' jojoong ilipu' aiya. Kami mambamo i Mesir ka' jojoongmo ilipu' aijo'. Ikiijo' mae kami madi'mo mongoa'i pahampatean, madi'mo mohongo onyi' nu tolompet bau polaga da mahampatemo, ka' madi'mo daagi' mongoa'i susa' i anu okaan.” De belemiu talalo ahi' daka-daka' na kinyonyoa mamba i Mesir ka' jojoongmo kiijo' mae, sumo uuka na potuunon nu Tumpu Anu Mahakuasa, Tumpu Allah Israel toka hi belemiu;

YEREMIA 48:26

Tumpu notatae, “Popalangumo na Moab kalana ia kino bubunmo mae hi beleng-Ku Ia mongkaliade'imo anu ilua'nyomo ka' nu kokojoimo nu mian.

DANIEL 3:15

Jadi uuka aiya, balasadia na belemiu tolodadupu ka' monsombah patong aijo' salatan musik opo onyi'mo? De belemiu madi' mongka oho' belemiu lau-laus olumbu'akonmo mokiijo' i uno nu apu hau-haunyo noakmo. Ka' pilogot iya mae na anu moko ala momposalamat belemiu i uno nu kakuasa'anku?”

YOHANES 16:3

Aha mombau sumo aijo' hi komiu kalana aha ma'isa monsumbu' Tuuma tiba suele Aku.

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

TO MIA-MIAN KOPIAN 2:10

Lapas aijo' iwi-iwi' na aha salapisan aijo' sinilakamo ahi'. Ka' aha anu i salapisannyo mule' mae madi'mo monsumbu' Tumpu. Kalana aha madi'mo nontoa ka' nongoa'i apaa na anu binaumo nu Tumpu hi bansa Israel.

1 SAMUEL 2:12

To ana-anak i Eli ma'idek hondo na kinyonyoa nu aha. Aha madi' mompajuli Tumpu.

1 SAMUEL 25:10

Panyo tinaaman i Nabal, “I Daud? Ihe na ia? Ihe na itina' anak i Isai? Ma'isa aku toho' nohongo lelenyo. Tempo' uuka manjoo'mo na to posa-posaihon anu mopalai mae mompala'i mo tuannyo mambamo mae ilipu' aiya!