NOSABATMO 5:1 - KITAB NU TUMPU ALLA LELE MA'IMAI'

¹ Lapas aijo' i Musa ka' i Harun nambamo nangadap hi tomundo Mesir ka' nompoto'i, “Sumo uuka na palentah nu Tumpu, Tumpu Allah Israel, 'Pobee' mae na bansang-Ku mamba da aha timbali monsombah beleng-Ku kiijo' mae i padang bola.' ”

NOSABATMO 5:1 ပူးပေါင်းရင်းမြစ်များ

1 TOMU-TOMUNDO' 21:20

Salatan i Ahab nontoamo i Elia, ia notataemo, “Osampo bali', ahennyo beleyum nohumpakmo aku!” “Totu'u,” na koonyo i Elia. “Kalana Belento Tuan totu-totu'u ahi' na kinyonyoa nombau anu ma'idek hi mata nu Tumpu,

MAZMUR 119:46

Atulan nu Belento ku bebakonmo hi to tomu-tomundo' ka' aku madi'mo ma'ambang.

NOSABATMO 10:3

Lantas i Musa ka' i Harun nambamo nangadap hi tomundo ka' nompoto'i hi ia, “Tumpu, Tumpu Allah nu aha bansa Ibrani notataemo, 'Sampe toka hipian na kopinnyo na belento madi' mongka'oho' tulut hi beleng-Ku? Pobee'mo na mian anu pinalesayamo hi beleng-Ku mamba, da aha timbali monsombah Aku.

NOSABATMO 10:4

De belento sabole-bole madi' mompobee' saba' dodop Ku potokamo mae na kihi-kihi' i lipu' nu belemiu.

NOSABATMO 10:9

Tinaaman i Musa, “Kami iwi-iwi' mau anu daagi' to oli-olitau mau anu motu'amo. Oboa mami iwi-iwi' na anak mami, iwi-iwi' na sapi', domba ka' mee' mami, kalana kami tionyo mombau sa'angu' na lamean daka' bau pompopodaka' Tumpu.”

NOSABATMO 3:18

Mian anu pinalesayamo hi beleng-Ku, mohongomo potatae nu beleyum. Lapas aijo' beleyum hingga-hinggat tiba to pola-polaya' nu aha Israel, tionyo ahi' mambamo mangadap hi tomundo Mesir, ka' mompoto'i hi ia: 'Tumpu, Tumpu Allah nu mian Ibrani tinokamo nompopia butongnyo hi kami. Uuka aiya pobee'mo mae na kami mambamo kojo'onnyo tolun sinaa na molajangi mokiijo' i padang bola monsombahkon koloban hi Tumpu, Tumpu Allah mami.' ”

NOSABATMO 33:13

Desumo aijo', yo poto'imo mae mosia na tanga'an nu Belento o Tumpu, da ku bau apaa na anu opalentahkon nu Belento ka' saja' momposanang kinyonyoa nu Belento. Ka' suele o inau' mae saba' bansa aiya pinile'anmo nu Belento, belentomo na tumpu-Nyo.”

NOSABATMO 4:23

ka' beleyum Ku palentahmo da mompobee' anak-Ku aijo' mambamo da ia timbali monsombah Aku. Panyo beleyum madi' mompobee'. Uuka aiya ku pateimo na anak nu beleyum anu tumpenyo.' ”

NOSABATMO 6:11

Panyo tinaaman i Musa, “Posi mian nu Israel madi' mongka'oho' mohongo-hongo aku. Madi' koko tomundo nu Mesir mohongo mian anu madi' pande na basisik sumo aku?”

NOSABATMO 6:27

Tempo'nyo Tumpu binasisikmo tiba i Musa ka' i Harun kiijo' mae i Mesir.

NOSABATMO 7:16

Poto'i hi tomundo aijo': Tumpu, Tumpu Allah nu aha mian Ibrani nonsaimo mae aku mompotoka hi belento Tuanku da mompobee'mo miannyo anu pinalesayamo hi Ia, mambamo momsombah Ia i padang bolaa. Panyo sangkutnyo uuka aiya belento Tuanku madi' mongka'oho' mohongo-hongo.

NOSABATMO 7:2

Potoka hi Harun iwi-iwi' apaa na anu pinalentahkon-Kumo hi beleyum. Pokau na i Harun mompoto'i hi tomundo tokoong-Ku i tomundo tionyo ahi' mompobee' mian nu Israel mompala'imo lipu' nu Mesir.

NOSABATMO 8:1

Lantas Tumpu notataemo hi Musa, “Lako'mo mamba mangadap hi tomundo ka' potoka hi ia na potuunon-Ku aiya: 'Pobee'mo na mian anu pinalesayamo hi beleng-Ku da mambamo monsombah Aku.

NOSABATMO 8:16

Tumpu notataemo hi Musa, “Pokau na i Harun monsapahi tano' nu tokonnyo, da songko-songko na lipu' nu Mesir abu'nyo mongabali' timbalimo momot.”

NOSABATMO 8:17

Lantas sinapahanmo i Harun na tano' nu tokonnyo, sahingga iwi-iwi' na abu' i Mesir nongabali'mo tinimbali momot anu nongkampuhimo manusia ka' binatang.

NOSABATMO 8:20

Tumpu notatae hi Musa, “Lako' dodop subu-subu hondo singkaboti na i tomundo hau-haunyo ia mokaiyongmo i kaunyo, ka' potokakon hi ia na potataeng-Ku aiya: 'Pobee'mo mae na mian anu pinalesayamo hi beleng-Ku mambamo monsombah Aku.

NOSABATMO 8:27

Kami tionyo ahi' mamba i padang bolaa anu kojo'onnyo tolun sinaa na molajangi mamba monsombahkon koloban hi Tumpu Allah mami, susumo anu pinalentahkon-Nyomo hi kami.”

NOSABATMO 9:1

Tumpu notatae hi Musa, “Lako'mo mamba mangadap hi tomundo, ka' poto'i hi ia taalu' Tumpu, Tumpu Allah nu aha mian Ibrani, nompoto'imo: 'Pobee'mo mae na mian anu pinalesayamo hi beleng-Ku da mambamo na aha monsombah Aku.

NOSABATMO 9:2

De belento madi' mongka'oho' mompobee' aha,

YESAYA 25:6

I Puge'nyo nu Sion, Tumpu Anu Daka' na Kuasanyo momposadiamo anu okaan i bau-bauon nu aha iwi-iwi' na bansa i dunia aiya. Nu tatuakonmo na kaanon anu toto ima-ima' hondo tiba anggur anu memang pinile'anmo.

YEHEZKIEL 2:6

Panyo beleyum, o, manusia anu madi' tumuu' batu boli mabuhuk hi aha anu sosola' motomuhuk aijo' kabai apaa na anu nu taloakon nu aha. Aha saidi' mae mongewamo ka' mompopo ambangmo beleyum, sahingga beleyum sumomo ahi' tumuu' galo-galo' hi beyua'. Panyo maumo ahi' sumo aijo', boli mabuhuk.

MATIUS 10:18

Komiu tionyo oboa i ahop nu anu batu-batu ko kuasa ka' to tomu-tomundo', kalana komiu anu saja' mombatuki Aku. Ka' aijo' na kasampatan hi komiu da mombee' katalangan mongkona aku hi aha, ka' hi to mia-mian anu madi' monsumbu' Tumpu.

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

SISIKON NU TO RASUL-RASUL 4:29

Uuka aiya, Tumpu, toamo mosia na aha kahanda'mo monsilakai kami. Ka' poloasmo na kami, to posa-posaihon-To aiya, mompolele lele anu lengkat mae hi Kita ka' madi' mabuhuk.

1 KORINTUS 5:8

Jadi imbo' da kita molame'akon bau-bauonto aijo' nu roti anu madi' ko raginyo, aijo'mo roti anu monggambanakon kabelesi'an ka' iwi-iwi' anu nuka'ima'i nu kinyonyoa nu Tumpu. Boli kita molame'akon bau-bauon nu Paskah aijo' nu roti anu ko raginyo pininmo, aijo'mo ragi nu dosa' tiba ka'idekan.