NOSABATMO 40:34 - KITAB NU TUMPU ALLA LELE MA'IMAI'

³⁴ Lapas aijo' nintatau'mo mae na kundom nonsaputmo Kemah nu Tumpu ka' Kemah aijo' najingkamo hondo, tandanyo Tumpu tinokamo.

NOSABATMO 40:34 ပူးပေါင်းရင်းမြစ်များ

2 SAMUEL 7:6

Salatanmo pe'e bansa Israel pinobebas-Ku lengkat mae i Mesir sangkutnyo uuka aiya ma'isa Aku jinojoong i sa'angu' na laigan panyo ola ahi' saja' mamba moyaya ka' jojoong i sa'angu' na kemah.

2 TAWARIKH 7:2

sahingga to ima-imam madi'mo noko ala ninsoop.

MAZMUR 26:8

Aku mongka'ima'i hondo Laigan nu Belento, o Tumpu, tampat kajojoongan nu Belento anu talalo hondo talasanggo.

NOSABATMO 14:24

Ohanimo maliana Tumpu nontoamo lengkat mae aita' i jingka nu apu ka' hohung nu kundom nokiijo' hi suludadu nu aha Mesir ka' nompokalangkabutmo.

NOSABATMO 16:10

Hau-haunyo i Harun notataemo hi aha iwi-iwi', aha nontoamo nokiijo' i padang bola ka' monti-montiik jingka nu Tumpu kinantoaanmo i uno nu kundom.

NOSABATMO 25:8

Pokau na bansa aijo' mombau sa'angu' na kemah ponsomban Aku, da Aku jojoong hi aha.

NOSABATMO 29:43

Ikiijo' Aku singkabotmo tiba bansa Israel, ka' jingkang-Ku kalana Aku tokamo mae mompojadimo tampat aijo' susi'mo.

NOSABATMO 33:9

Salatan i Musa ninsoopmo, tudunmo mae na kundom i sabatan nu Kemah. I kundom aijo' Tumpu motataemo hi Musa.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YESAYA 6:4

Potatae nu aha timbali monggau' paningkokoan nu Laigan nu Tumpu ka' mule' Laigan nu Tumpu aijo' kaho tibuk.

YEHEZKIEL 10:4

Jingka anu majingka hondo salaku tanda Tumpu tinokamo najingka lengkat mae aijo' i malaekat haha aijo' ka' nolalinmo i sabatan pinsoopan mokiijo' i Laigan nu Tumpu sahingga popasannyo najingkamo hondo.

IMAMAT 16:2

Ia notatae, “Sisikakon hi utus nu beleyum i Harun, saba' ola ahi' tempo' anu tinantukanmo na ia timbali minsoop i Salipi' anu Susi' hondo anu nu oloti nu lalanse', kalana ikiijo' na Aku nanintoa i uno nu kundom i kolop nu Peti' Palajanjian. De i Harun molanggai palentah aijo' ia matemo.

HAGAI 2:7

Iwi-iwi' na bansang Ku pokalangkabutmo ka' mule' halata' nu aha nu boamo mae nu aha sahingga Laigan-Ku mobuke'mo nu kakaya'an nu aha.

HAGAI 2:9

Laigan-Ku anu salaje binau lebemo hondo ma'ima' molingkuduimo anu u'utu mae, ka' ia aiya Ku bee'imo ka'amanan ka' mule' kabilahian i uno nu kantumuu'an hi aha bansang-Ku.” Tumpu Anu Daka na Kuasanyo na notataemo.

NOMBILANGMO 7:89

De i Musa minsoopmo i Kemah nu Tumpu da basisikmo tiba Tumpu, ia mohongomo potatae nu Tumpu anu montaloakon hi ia lengkat mae aita' i kolop nu Peti' Palajanjian i olotnyo nu patong nu malaekat.

ROMA 9:4

Aha mian anu pinile'anmo ka' Tumpu nompotimbalimo aha to ana-anak-Nyo, ka' nompotoamo kuasa-Nyo hi aha. Ia binajanji'mo tiba aha ka' nombee'imo atulan nu agama hi aha. Tumpu nompoto'i hi aha, mosia na aha tionyo balado'a ka' aha mule' nontalimamo anu jinanji'-Nyo.

ANU PINOTO'I HI YOHANES 15:8

Sahingga Laigan nu Tumpu aijo' nobuke'mo nu tibuk nu katalasanggoan ka' kuasa nu Tumpu. Ka' de popitu' na balaa' anu binoa mae nu popi-popitu' na malaikat aijo' ma'isa mingkot, madi' ko samian pe'e na anu timbali minsoop i Laigan nu Tumpu Allah.

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.