NOSABATMO 40:29 - KITAB NU TUMPU ALLA LELE MA'IMAI'

²⁹ ka' i ahop nu sabatan aijo' pinokokonyomo na mezbah bau pontunuan koloban. I mezbah aijo' sinombahkonnyomo na koloban anu otunui tiba koloban roti anu osombahkon.

NOSABATMO 40:29 ပူးပေါင်းရင်းမြစ်များ

2 TOMU-TOMUNDO' 16:14

I Ahas nontoamo taalu' mezbah tambaga anu bau ponsomban Tumpu pinotinjo i olotnyo nu Laigan nu Tumpu ka' mezbahnyo anu sala-sala'je binau. Klana aijo' mezbah tambaga aijo' i lalinmo lengkat aijo' i ahop nu Laigan nu Tumpu nokiijo' i sasu utara nu mezbahnyo anu sala-sala'je binau.

NOSABATMO 40:28

I Musa nompokonamo lalanse' nu sabatan nu Kemah,

NOSABATMO 40:30

Tampat pongisian uee, tambaga na binau pinokokonyo i olotnyo nu Kemah ka' mezbah, lantas ingisiannyomo nu uee.

NOSABATMO 40:6

Pokoko na mezbah bau pontunuan koloban i ahop nu Sabatan nu Kemah.

YEHEZKIEL 40:47

Mo'ane aijo' nongukunmo popasan sasu unonyo. Ko ewanyo sulapa' opat: komantannyo tiba kobolanyo pokakana 50 meten. Laigan nu Tumpu aijo' sasu kinsoban ka' i ahopnyo daagi' komezbah sa'angu'.

YEHEZKIEL 43:18

Tumpu Anu Matangkas na Kuasanyo notataemo mae hi belengku, “O manusia anu madi' tumuu' batu, potombihing mae apaa na anu Ku poto'i hi beleyum. De mezbah aijo' lapasmo na obau, beleyum tionyo ahi' montahbiskanmo, mompake koloban anu opotunu aijo' ka' opipi'i nu baso'nyo anu kinolobanakonmo na mezbah aijo'.

IMAMAT 1:1

Lengkat mae aijo' i Kemahnyo, Tumpu nolagamo i Musa ka' nombee'i ia atulan haha aiya,

MATIUS 23:19

Komiu talalo mapisok! Iya na talalo palalu? Anu sinombahkonnyo kabai tampat ponsombahkonan anu mompotimbali palasombahan aijo' susi'?

IBRANI 13:10

Kita daagi' ko mezbah sa'angu' bau ponsombahkonan koloban hi Tumpu. Ka' to ima-imam anu mokalaja i uno nu Kemah nu Tumpu, madi' ko hak mongkaan koloban anu aita' i bawo nu mezbah aijo'.

IBRANI 9:12

I Kristus ninsoop i Salipi' anu Susi' hondo i uno nu kemah aijo', ola ninsan sampe toka sidu-sidutu'. Tempo'nyo aijo' Ia madi' nomboa baso' nu mee' mo'anenyo kabai baso' nu anak nu sapi' da osombahkon; Ia nomboamo posi baso'-Nyo ka' tiba jalan anu sumo aijo' Ia nompobebasmo kita sampe toka sidu-sidutu'.