NOSABATMO 4:31 - KITAB NU TUMPU ALLA LELE MA'IMAI'

³¹ Sahingga pinalesayamo na aha, ka' salatan aha nohongomo taalu' Tumpu daagi' monginau' bansa Israel ka' nontoamo iwi-iwi' na kasansalan nu aha, aha dinumaladupumo ka' nonsombahmo.

NOSABATMO 4:31 ပူးပေါင်းရင်းမြစ်များ

KAJADIAN 17:3

Lantas tinolodadupumo na i Abram, lapas aijo' Tumpu Allah notataemo,

KAJADIAN 24:26

Sahingga dinumaladupumo na posaihon aijo' nonsombah Tumpu.

KAJADIAN 29:32

I Lea pinoboamo lantas nohampeakonmo samian na anak mo'ane. Ia notatae, “Tumpu nontoamo mae kasusa'anku, ka' uuka aiya langkai'ku nongka'ima'imo aku.” Lantas sinanggohannyomo na anaknyo aijo' i Ruben.

KAJADIAN 50:24

Ia notatae hi to utu-utusnyo, “Ukunku malia'mo, panyo Tumpu Allah saja' monjagai belemiu, molaya' belemiu mosabat lengkat i lipu' aiya, mamba i lipu' anu jinanji'-Nyomo hi Abraham ka' sinumpa'mo sampe-sampe hi Ishak ka' hi Yakub.”

1 TAWARIKH 29:20

Noko lapas na binalado'a sumo aijo', pinoto'imo i Daud hi mian da'isan anu sinihukmo, “O puji' na Tumpu Allah nu belemiu!” Sahingga iwi-iwi' na mian lewa'mo nompuji' Tumpu, Tumpu Allah anu nu sombah nu mompolee' nu aha. Lantas aha tinolodadupumo nongadati Tumpu tiba i tomundo'.

2 TAWARIKH 20:18

Sahingga tinolodadupumo na i Tomundo Yosafat. Iwi-iwi' na mian da'isan suelemo tinolodadupu susumo ia ka' nonsombahmo Tumpu.

2 TAWARIKH 32:8

Ia ola kalana montaha'imani kahosonan nu manusia, panyo kita ko Tumpu Allah-nto na montulungi ka' mahampate monsangaja'i kita.” Salatan nohongomo potatae nu tomundo nu aha aijo', mian da'isan binaanimo.

2 TAWARIKH 7:3

Salatan mian da'isan aha Israel nontoamo apu nintatau'mo lengkat mae i langit ka' jingka salaku tanda Tumpu tinokamo ka' nonjingkaimo Laigan nu Tumpu songko-songko, aha tinolodadupumo i salo lantas nonsombah ka' nompuji' Tumpu Allah, kalana ia manonong ka' kalibosannyo sampe toka sidu-sidutu'.

NEHEMIA 8:6

I Ezra notataemo, “O puji' na Tumpu, Tumpu Allah anu talasanggo!” Iwi-iwi' na mian da'isan nohangkatmo tangka-tangkas lima nu aha ka' nontaami, “Totu-totu'u na kinyonyoangku, totu-totu'u na kinyonyoangku!” Lantas aha tinolodadupumo nonsombah Tumpu Allah.

AYUB 1:20

Lantas tinuminjomo na i Ayub ka' binea-beaknyomo na baju' nyo salaku tanda sinusa'mo hondo na kinyonyoanyo. Kiniisnyomo na ubaknyo lantas tinolodadupumo ka' notatae,

NOSABATMO 12:27

Belemiu tionyo ahi' montaami, ‘Aiya koloban nu Paskah bau pongadati Tumpu, kalana laigan nu aha mian Israel, kiijo' mae i Mesir pinolilit-Nyo, tempo'nyo Ia nompatei to ana-anak mo'ane anu tumpe i Mesir ka' kita pinobee'-Nyomo tinumuu'!’ ” Sahingga dinumaladupumo na aha mian Israel, ka' nonsombah.

NOSABATMO 14:31

Salatan mian nu Israel nontoamo mosia na kodaka'nyo na kuasa nu Tumpu nohungku'imo mian nu Mesir, aha binangangmo hondo sahingga pinalesayamo hi Ia ka' hi Musa, posaihon-Nyo aijo'.

NOSABATMO 19:8

Aha iwi-iwi' nontaamimo hingga-hinggat, “Kami mongka'oho' mombau iwi-iwi' apaa na anu tinaloakonmo nu Tumpu, ka' pinontaami nu aha aijo' pinotokamo i Musa hi Tumpu.” Lantas notataemo na Tumpu hi Musa, “Aku tokaje mae hi beleyum i uno nu kundom anu butolu hondo; nuhongoje nu to mia-mian na Aku motatae hi beleyum, ka' otampu'uni aijo', aha saja'mo palesaya hi beleyum.

NOSABATMO 2:25

Tinoa-Nyomo na to mia-mian nu Israel binotuanan, lantas Ia nontantukanmo da montulungi aha.

NOSABATMO 3:16

Lako'mo ka' limu'mo iwi-iwi' na to pola-polaya' nu Israel. Poto'i hi aha taalu' Aku, Tumpu, Tumpu Allah nu mompolee' nu aha Tumpu Allah i Abraham, i Ishak ka' i Yakub, nanintoamo hi beleyum. Poto'imo hi aha taalu' Aku tinokamo hi aha ka' nontoamo mosia na aha okabisa'i nu bansa Mesir.

NOSABATMO 3:18

Mian anu pinalesayamo hi beleng-Ku, mohongomo potatae nu beleyum. Lapas aijo' beleyum hingga-hinggat tiba to pola-polaya' nu aha Israel, tionyo ahi' mambamo mangadap hi tomundo Mesir, ka' mompoto'i hi ia: 'Tumpu, Tumpu Allah nu mian Ibrani tinokamo nompopia butongnyo hi kami. Uuka aiya pobee'mo mae na kami mambamo kojo'onnyo tolun sinaa na molajangi mokiijo' i padang bola monsombahkon koloban hi Tumpu, Tumpu Allah mami.' ”

NOSABATMO 3:7

Lantas Tumpu notataemo, “Tinoangkumo na kasansala'an nu mian anu pinalesayamo hi beleng-Ku i Mesir, ka' i hongong-Kumo na aha noloboo'mo mongkakase mae da opobebasmo nu aha to mia-mian anu nonsansalamo aha. Totu-totu'u, sinumbu'-Kumo iwi-iwi' na kasansala'an nu aha.

NOSABATMO 33:10

Salatan mian nu Israel montoamo kundom i sabatan nu Kemah nu Tumpu, aha iwi-iwi' tolodadupumo toto samian i sabatan nu kemah toto samian.

NOSABATMO 34:8

I tempo'mo aijo' na i Musa tinolodadupumo monsombah.

NOSABATMO 4:5

Notatae na Tumpu, “Obau sumo aijo' da to mia-mian nu Israel palesaya taalu' Aku, Tumpu, Tumpu Allah nu mompolee' nu aha, Tumpu Allah i Abraham, i Ishak, ka' i Yakub nanintoamo hi belemiu.”

ZEFANYA 2:7

Mian anu jojoong i Yehuda anu moko ala mopalai saidi' mae monjojoongimo daerah nu belemiu aijo'. Aha saidi' mae molaya'mo potuu'on itano' aijo' ka' de pihimo aha hoyotmo ilaigan nu aha mian Askelon. Kalana Tumpu, Tumpu nu aha na monjagai aha ka' mule' da aha po ule' sanang na kantumuu'an nu aha.

LUKAS 1:68

“Imbo' da kita mompuji' Tumpu, Tumpu mian nu Israel! Ia tinokamo montulungi mian anu palesayamo hi Ia ka' mompobebas aha.

LUKAS 8:13

Bine' anu nanabu' i tampat anu ko batunyo sumomo mian anu mohongo lele aijo', kinyonyoanyo sanang na montalima. Panyo lele aijo' madi' nimbakat i kinyonyoa nu aha. Aha palesaya ola sasaingoni', ka' de soba'an toka, aha madi'mo mule' palesaya.

I RUT 1:6

Madi' pinin lapas aijo' i Na'omi nohongomo lele tukoonyo nu aha Tumpu nombalakatimo aha mian nu Israel, isi nu ale' nu aha sinidamo. Kalana aijo' i Na'omi tiba ua'aha na moniannyo nogogaumo kahanda' mambamo mompala'imo Moab.