NOSABATMO 4:23 - KITAB NU TUMPU ALLA LELE MA'IMAI'

²³ ka' beleyum Ku palentahmo da mompobee' anak-Ku aijo' mambamo da ia timbali monsombah Aku. Panyo beleyum madi' mompobee'. Uuka aiya ku pateimo na anak nu beleyum anu tumpenyo.' ”

NOSABATMO 4:23 ပူးပေါင်းရင်းမြစ်များ

MAZMUR 105:36

Lantas sinilakannyomo na anak tumpe anu to momo'ane, hi aha toto sangauwan na mian nu Mesir.

MAZMUR 135:8

Kiijo' mae i Mesir pinatean-Nyomo na anak tumpe iwi-iwi' anak nu manusia kabai binatang.

MAZMUR 136:10

Pinatean-Nyo na to ana-anak tumpe nu Mesir, kalibosan-Nyo sampe toka sidu-sidutu'.

MAZMUR 78:51

Ia nonsilakaimo to ana-anak tumpe mo'ane hi aha toto sangauan na mian nu Mesir.

NOSABATMO 10:3

Lantas i Musa ka' i Harun nambamo nangadap hi tomundo ka' nompoto'i hi ia, “Tumpu, Tumpu Allah nu aha bansa Ibrani notataemo, 'Sampe toka hipian na kopinnyo na belento madi' mongka'oho' tulut hi beleng-Ku? Pobee'mo na mian anu pinalesayamo hi beleng-Ku mamba, da aha timbali monsombah Aku.

NOSABATMO 10:4

De belento sabole-bole madi' mompobee' saba' dodop Ku potokamo mae na kihi-kihi' i lipu' nu belemiu.

NOSABATMO 11:5

Batu-batu anak tumpe mo'ane i Mesir tionyo mate, lengkat pe'e hi anak nu tomundo Mesir toka-toka hi anak nu posaihon boune anu monggiling gandum. Anak nu to potu-potuu'on anu momona inganakakon, iwi-iwi' tionyo mate suele.

NOSABATMO 12:29

Tonga-tonga' pahu aijo' Tumpu nompateimo iwi-iwi' na anak mo'ane anu tumpe hi bansa Mesir, lengkat pe'e hi anak nu tomundo toka-toka hi to ana-anak nu mian anu tinalungku'mo. Iwi-iwi' na potuu'on anu inganakakon momona suele pinatean.

NOSABATMO 13:15

Salatan tomundo nu Mesir pinanggagamo ka' madi'mo nongka'oho' mompobee' mae kita namba, Tumpu nompateimo batu-batu anak mo'ane anu tumpenyo i Mesir, mau anak nu manusia mau pe'e anak nu binatang. Mokonyo aijo' kita mongkolobanakon hi Tumpu batu-batu potuu'on lakinyo anu momona inganakakon, salaku pombolosi to ana-anakto mo'ane anu tumpe.'

NOSABATMO 18:8

I Musa nonsisikmo hi moniannyo iwi-iwi' apaa na anu binaumo nu Tumpu hi tomundo ka' hi bansa Mesir da momposalamat aha mian Israel. Ia mule' nonsisikmo hi moniannyo mosia na kasansala'an anu ingoa'anmo nu bansa Israel namba mae ka' mosia na Tumpu nomposalamatmo aha.

NOSABATMO 3:18

Mian anu pinalesayamo hi beleng-Ku, mohongomo potatae nu beleyum. Lapas aijo' beleyum hingga-hinggat tiba to pola-polaya' nu aha Israel, tionyo ahi' mambamo mangadap hi tomundo Mesir, ka' mompoto'i hi ia: 'Tumpu, Tumpu Allah nu mian Ibrani tinokamo nompopia butongnyo hi kami. Uuka aiya pobee'mo mae na kami mambamo kojo'onnyo tolun sinaa na molajangi mokiijo' i padang bola monsombahkon koloban hi Tumpu, Tumpu Allah mami.' ”

NOSABATMO 5:1

Lapas aijo' i Musa ka' i Harun nambamo nangadap hi tomundo Mesir ka' nompoto'i, “Sumo uuka na palentah nu Tumpu, Tumpu Allah Israel, 'Pobee' mae na bansang-Ku mamba da aha timbali monsombah beleng-Ku kiijo' mae i padang bola.' ”

NOSABATMO 6:11

Panyo tinaaman i Musa, “Posi mian nu Israel madi' mongka'oho' mohongo-hongo aku. Madi' koko tomundo nu Mesir mohongo mian anu madi' pande na basisik sumo aku?”

NOSABATMO 7:16

Poto'i hi tomundo aijo': Tumpu, Tumpu Allah nu aha mian Ibrani nonsaimo mae aku mompotoka hi belento Tuanku da mompobee'mo miannyo anu pinalesayamo hi Ia, mambamo momsombah Ia i padang bolaa. Panyo sangkutnyo uuka aiya belento Tuanku madi' mongka'oho' mohongo-hongo.

NOSABATMO 8:1

Lantas Tumpu notataemo hi Musa, “Lako'mo mamba mangadap hi tomundo ka' potoka hi ia na potuunon-Ku aiya: 'Pobee'mo na mian anu pinalesayamo hi beleng-Ku da mambamo monsombah Aku.

NOSABATMO 8:16

Tumpu notataemo hi Musa, “Pokau na i Harun monsapahi tano' nu tokonnyo, da songko-songko na lipu' nu Mesir abu'nyo mongabali' timbalimo momot.”

NOSABATMO 8:17

Lantas sinapahanmo i Harun na tano' nu tokonnyo, sahingga iwi-iwi' na abu' i Mesir nongabali'mo tinimbali momot anu nongkampuhimo manusia ka' binatang.

NOSABATMO 8:20

Tumpu notatae hi Musa, “Lako' dodop subu-subu hondo singkaboti na i tomundo hau-haunyo ia mokaiyongmo i kaunyo, ka' potokakon hi ia na potataeng-Ku aiya: 'Pobee'mo mae na mian anu pinalesayamo hi beleng-Ku mambamo monsombah Aku.

NOSABATMO 9:1

Tumpu notatae hi Musa, “Lako'mo mamba mangadap hi tomundo, ka' poto'i hi ia taalu' Tumpu, Tumpu Allah nu aha mian Ibrani, nompoto'imo: 'Pobee'mo mae na mian anu pinalesayamo hi beleng-Ku da mambamo na aha monsombah Aku.

NOSABATMO 9:13

Tumpu notatae hi Musa, “Lako' dodop subu-subu hondo mangadap hi tomundo, ka' potoka hi ia taalu', Tumpu, Tumpu Allah nu aha mian Ibrani nompoto'imo mae, 'Pobee'mo na mian anu pinalesayamo hi beleng-Ku da aha mambamo mae monsombah hi beleng-Ku.

NOSABATMO 9:2

De belento madi' mongka'oho' mompobee' aha,

HOSEA 11:1

Tumpu notatae, “Aku mongkalibosi Israel daagi' pe'e aha ise-ise', Ilagangku na anak-Ku aijo' nosabat mae lengkat i Mesir.