NOSABATMO 4:21 - KITAB NU TUMPU ALLA LELE MA'IMAI'

²¹ Tumpu notatae hi Musa, “Aku mombee'imo kuasa hi beleyum da mombau anu okabangangi. Jadi de beleyum minsusule'mo i Mesir, baumo iwi-iwi' na anu okabangangi i ahop nu tomundo Mesir. Panyo Ku pojadimo na ia da panggaga, sahingga ia madi' mongka'oho' mompobee' bansa aijo' mamba.

NOSABATMO 4:21 ပူးပေါင်းရင်းမြစ်များ

KAJADIAN 6:3

Sahingga notataemo na Tumpu, “Aku madi'mo situju manusia tumuu' sampe toka sidu-sidutu'; aha anu ko nyawanyo madi'mo tumuu' sampe toka sidu-sidutu', aha tionyo ahi' silaka. Otampu'uni uuka aiya umun nu aha madi'mo molabii 120 na taun.”

1 TOMU-TOMUNDO' 22:22

'Mosia na beleyum pagala monsale'i?' na koonyo nu Tumpu. Malaikat aijo' nontaami, 'Aku mamba ka' ku sale'ije na nabi iwi-iwi' da timbali baleko'.' Tumpu notatae, 'Ma'ima'mo de sumo itina', baumo sumo itina', timbalimo nupoko sale'i na ia.’ ”

MAZMUR 105:25

Ia nombali'imo kinyonyoa nu aha mian Mesir, sahingga nongka'idekimo mian anu palesayamo hi Ia, ka' lewa'mo nongkabisa'i madi'mo hondo adin hi to posa-posaihonnyo.

MAZMUR 78:43

Tempo'nyo Ia nombaumo hahan anu okabangangi kiijo' mae i Mesir, ka' hahan mule' anu okabangangi i tampat padang kiijo' mae i Zoan.

NOSABATMO 10:1

Tumpu notatae hi Musa, “Lako' mamba mangadap hi tomundo. Aku nompotimbalimo ia ka' aha anu ko pangkatnyo pinanggagamo da Aku timbali mombau anu okabangangi aijo' hi aha,

NOSABATMO 10:20

Panyo nompotimbalimo i tomundo pinanggaga, ka' ia madi'mo nompobee' mian nu Israel mamba.

NOSABATMO 10:27

Tumpu nompotimbali i tomundo pinangagamo sahingga ia madi'mo nongka'oho' bansa Israel mamba.

NOSABATMO 11:10

I Musa ka' i Harun nombaumo iwi-iwi' na anu okabangangi aijo' i ahop nu tomundo, panyo Tumpu nompotimbalimo ia pinanggagamo, sahingga ia madi' mongka'oho' mompobee' aha mian nu Israel mompala'i lipu'nyo.

NOSABATMO 11:9

Tumpu notataemo hi Musa, “I tomundo madi' mompajuli potatae nu beleyum, da Aku mombau lebe manjoo' na anu okabangangi hi songko-songko na Mesir.”

NOSABATMO 14:17

Mian nu Mesir Ku potimbalimo da panggaga sahingga aha salolo-loloi'nyomo mian nu Israel, sahingga Ku potoamo na kakuasa'an-Ku hi tomundo nu Mesir, suludadunyo, to kale-kaletanyo, tiba anu nonsake'i.

NOSABATMO 14:4

Ku potimbalije na ia da panggaga sahingga ia mololoi'mo belemiu. Panyo Ku potoaje na kakuasa'an-Ku hi tomundo Mesir ka' hi suludadunyo, da nusumbu' nu aha taalu' Akumo na Tumpu.” Lantas binaumo nu aha mian Israel susumo anu pinalentahkonmo nu Tumpu hi aha.

NOSABATMO 14:8

Memang Tumpu nompotimbalimo panggaga na i tomundo, sahingga i loloi'nyomo na aha mian nu Israel anu hau-haunyomo namba nompala'imo lipu' aijo', Tumpu na nonjagaimo aha.

NOSABATMO 3:19

Lapas aijo' Tumpu Allah po'ule' mule' notatae, “Ku sumbu' tomundo Mesir madi' mompobee' belemiu mamba, beilako' ugaat de ia opakisa.

NOSABATMO 3:20

Panyo Ku pakeje na kakuasa'an-Ku, ka' mohukum Mesir nu to bala-balaa' anu okabuhuk anu ku pokona hi aha kiijo' mae. Lapas aijo' ia mompobee'je belemiu mamba.

NOSABATMO 7:13

Mau mule' sumo aijo' i tomundo sabole-bole pinanggaga ka' madi' mongka'oho' mompajuli potatae i Musa ka' i Harun, susumo anu pinoto'imo nu Tumpu.

NOSABATMO 7:3

Panyo Ku potimbalimo na i tomundo da panggaga. Ia madi' koko mompajuli beleyum, mau mule' Aku mompodaagi'mo manjoo' na balaa' kiijo' i Mesir.

NOSABATMO 8:11

Ia madi'je mompolubat mae bahangkakak haha aijo' toka hi belento Tuanku, hi to pangka-pangkat ka' hi layat. Madi'mo ko bahangkakak i to lai-laigan sangadinyo i Kaunyo nu Nil.”

NOSABATMO 8:15

Salatan tinoa i tomundo taalu' bahangkakak haha aijo' singkapmo i nate, ia sabole-bolemo pinanggaga. Ka' susumo anu tinaloakonmo nu Tumpu, i tomundo madi' mongka'oho' mompajuli potatae i Musa ka' i Harun.

NOSABATMO 8:32

Panyo aiya suele i tomundo sabole-bole ahi pinanggaga ka' madi' ahi' nompobee' bansa aijo' da mambamo.

NOSABATMO 9:12

Panyo Tumpu nompotimbalimo i tomundo pinanggaga ka' susumo anu tinaloakonmo nu Tumpu, i tomundo madi' mongka'oho' mompajuli potatae i Musa ka' i Harun.

NOSABATMO 9:35

Susumo anu pinoto'imo i Musa apaa na anu tinaloakonmo nu Tumpu, i tomundo madi' mongka'oho' mompobee' mian nu Israel mamba.

YESAYA 6:10

Lantas notataemo mae na Ia hi belengku, “Popikokakon na pikilan nu mian haha aijo', pobongonakon na bihingnyo ka' mule' popisokakon na matanyo da aha madi'mo montoa-toa, madi'mo mohongo-hongo kabai madi'mo mangalati' lantas po ule'mo toka mae hi beleng-Ku ka' ma'alinmo.”

YESAYA 63:17

O, Tumpu kadaka' Nu pojohokmo mae na kami sala' na palabuatan mami? Kadaka' Belento mompobakasmo kinyonyoa mami sahingga kami madi'mo mongkabuhuk Belento? Pinsusule'mo mae, o'inau' ahi' na to posa-posaihon nu Belento O, inau' ahi' mae na mian anu palesayamo hi Belento anu Belentomo na tumpunyo.

YOHANES 12:40

‘Ku popisok na mata nu aha, mombau aha mokuut na kinyonyoa; da mata nu aha boli montoa, pikilan nu aha boli monsumbu'. Da aha boli minsusule' mae hi beleng-Ku, lantas Ku po'alinmo na aha.’ ”

ROMA 1:28

Kalana mian madi'mo mongoa'i palalu monsumbu' Tumpu Allah, sahingga Tumpu mompojohok pikilan nu aha da timbali ma'idek, sahingga aha mombau hahan anu madi' timbali nubau nu aha.

ROMA 9:18

Jadi, Tumpu mongkalibosi batu-batu mian, de Tumpu Allah ko kahanda' sumo aitu. Ka' Tumpu mompopanggaga samian, de Tumpu ko kahanda' sumo aijo' suele.

PO'ULE' INGULIT 2:36

Tumpu Allah-nto nontulungimo kita sahingga kita noko alamo kota aijo' iwi-iwi', lengkat pe'e i Aroër i puusnyo nu Bangka'nyo Arnon tiba kota i totonga' nu bangka'nyo aijo' toka-toka i da'erah Gilead. Madi' ko sa'angu' na kota anu ko pagannyo mesen anu noko ala nongompo' kita.

YOSUA 11:20

Pinobaanimo nu Tumpu na aha da jukut na mahampate tiba aha mian nu Israel da aha ohopu'imo ka' opateimo iwi-iwi' madi'mo daagi' ko ampunnyo susumo anu pinalentahkonmo nu Tumpu hi Musa.

1 PETRUS 2:8

ka' “Aijo'mo na batu anu nonsaduakonmo mian tinosumpun, batu anu nonsaduakonmo aha notua'.” Aha tinosumpun kalana aha madi' palesaya i potatae nu Tumpu Allah. Sumo aijo'mo na Tumpu nontantukanmo aha.