NOSABATMO 4:2 - KITAB NU TUMPU ALLA LELE MA'IMAI'

² Tumpu nompokilawamo hi Musa, “Apaa na atina' i lima nu beleyum?” Tinaaman i Musa, “Tokon”.

NOSABATMO 4:2 ပူးပေါင်းရင်းမြစ်များ

KAJADIAN 30:37

Lapas aijo' i Yakub nongalamo to panga-panga' nu kau' hawar anu molumba', kau' badam ka' kau' berangan, ka' nongkiliti sambagian na kilitnyo sahingga binelongka'mo.

2 TOMU-TOMUNDO' 4:2

“Apaa na bau pontulungingku belento Pontina'on?” na koonyo i Elisa. “Kita pontina'on, apaa na anu daagi' kijo' i bonua?” “Madi' ko apa-apaa,” na koonyo nu boune aijo', “ola ahi' lanya' nu Zaitun sa'angu' na boton ise-ise'.”

MAZMUR 110:2

Lengkat mae i Sion Tumpu mompodaka'mo kalaja'an nu beleyum; kuasaimo na aha anu monsampobali' beleyum!

NOSABATMO 4:17

Boa na tokon atina' kalana tiba tokon atina' beleyum timbalimo mombau anu okabangangi aijo'.”

NOSABATMO 4:20

Lantas i Musa nonsale'imo bengkele'nyo ka' to ana-anaknyo ka' pinosake'mo na aha i keledai lantas aha nambamo hingga-hinggat nokiijo' i Mesir. Kalana palentah nu Tumpu, i Musa nomboa ahi' tokonnyo.

NOSABATMO 7:15

Mokonyo aijo' lako'mo singkaboti na ia subu-subu, de ia mokaiyongmo i Kaunyo nu Nil. Boa na tokon anu nongabali' tinimbali ulo aijo' ka' tanda'i na ia toka i biwi nu kaunyo.

NOSABATMO 7:9

“De i tomundo mompoita belemiu mombau anu okabangangi salaku bukuti', pokau na i Harun mongala tokonnyo ka' olumbu'akon i tano' i ahop hi tomundo. Tokon aijo' mongabali'mo timbali ulo.”

YESAYA 11:4

Mian anu kasiasi adin hondo na ia montantukan kaputusannyo, mian anu madi' monsumbu' apa-apaa na ulusan nu tinjohi ka' madi'; kopikilan tageo' hi mian aijo'; mian anu kokasala'an obee'i hukuman, mohongo palentahnyo, mian anu ma'idek na kinyonyoanyo nu patei.

IMAMAT 27:32

Toto sampulu' na potuu'on o ala sa'angu' na potuu'on aijo' na obee' hi Tumpu. De potuu'on aijo' obilang toto sa'angu', saba' potuu'on anu ko sampulu'nyomo aijo' na obee' hi Tumpu.

MIKHA 7:14

O, Tumpu ojagaiakon mae na mian anu palesayamo hi Belento, mian anu pinile'anmo nu Belento. Aha nosi tademo na jinojoong i uno nu alas anu ewa hondo i daerah nu tano' anu ma'omuk. Bisa-bisa aha mohumpak anu okaan i padang hemput kiijo' mae i Basan ka' mule' kiijo' mae i Gilead susumo tempo'nyo naipuan mae.