NOSABATMO 4:13 - KITAB NU TUMPU ALLA LELE MA'IMAI'

¹³ Panyo tinaaman i Musa, “Ku poita, boli monsai aku, o Tumpu, saimo mian sangga'at.”

NOSABATMO 4:13 ပူးပေါင်းရင်းမြစ်များ

KAJADIAN 24:7

Tumpu, Tumpu Allah anu mongkuasai langit, nomboamo mae aku lengkat i laigan nu tuumangku ka' lengkat mae i lipu' nu sampoto utusanku, ka' Ia binasumpa'mo hi belengku tukoonyo Ia mombee'je lipu' aiya hi lee'ku. Iaje mule' na monsai mae malaekat-Nyo da montulungi beleyum, da beleyum timbali mongkabot samian anu lengkat mae ikiijo' bau bengkele' nu anakku.

KAJADIAN 48:16

Iamo na malaekat anu nonjagaimo mae aku sahingga iwi-iwi' na balaa' madi'mo mompoposia. O'amalakon da Tumpu Allah mombalakati anak haha aiya. O'amalakon da saja' osanggo na sanggongku ka' sanggo i Abraham ka' i Ishak kalana anak haha aiya! O'amalakon da aha mohumpak makumpu, ka' ko lee' manjoo' i dunia aiya.”

1 TOMU-TOMUNDO' 19:4

lantas ia i lumjangmo tengke nambamo i padang mateges sinansinaa na ia i lumajang sampe tinoka no kiijo' i patu nu kau' anu hopo' hondo na honnyo. I kiijo'mo na kina suhangannyo ka' gagalannyo sahanyo matemo. “Madi'mo ku poko ala mongintim O Tumpu.” Na pinoto'inyo hi Tumpu. “Alamo na nyawangku. Aku madi' lebe ma'ima' molingkudui mompole'ku mae!”

NOSABATMO 23:20

“Ku saije da mamba momona na malaekat-Ku, lantas belemiuje da monjagai belemiu lumajang ka' momboa belemiu i tampat anu pinosadiang-Kumo.

NOSABATMO 4:1

Lantas i Musa nontaamimo Tumpu, “Panyo mosia de bisuannyo to mia-mian nu Israel madi' mongka'oho' palesaya ka' madi' mongka'oho' montapali potataengku? Apaa na anu tionyo ku bau de maluannyo aha motatae koonyo nu aha Tumpu madi' nanintoa hi belengku?”

NOSABATMO 4:12

Uuka aiya, lako'mo, Ku tulingije na beleyum motatae ka' mompogulu' apaa na anu tionyo nu taloakon”.

NOSABATMO 4:14

Lantas Tumpu pinusamo hi Musa ka' notatae, “Te misa' beleyum ko utus sanggonyo i Harun? Ku sumbu' ia pande na motatae. Totu-totu'u ia hau-haunyo mambamo mae mo'uuka, ka' ia sanaang na singkabot tiba beleyum.

YEREMIA 1:6

Aku nontaamimo, “O Tumpu Anu Matangkas Na Kuasanyo, aku madi' peletan na motatae kalana aku daagi' anak.”

YEREMIA 20:9

Panyo de ikinyonyoangku montaloakonmo na aku, “Sahanyo ku kolilimimo ahi' na Tumpu, bolimo daagi' aku motatae momboa atas sanggo-Nyo,” saba' potuunon nu Belento sumomo ahi' apu anu ningobamo ikinyonyoangku. Pinisobangkumo na nongintim, panyo madi' ahi' ku poko ala.

YUNUS 1:3

Panyo i Yunus ola mule' ahi' namba itampat sangga'at da majo'on hi Tumpu. Ia namba i Yope ka' tempo'nyo aijo' nompaha kabotmo kapan anu kahanda' mamba i Spanyol. Salatan binayannyomo na ongkos nu kapan ia sinumake'mo i kapan aijo', lantas tinalabutmo namba hingga-hinggat tiba pangalaja nu kapan nambamo i Spanyol da majo'on hi Tumpu.

YUNUS 1:6

Tempo'nyo kapiten nu kapan aijo' nintatau' nintatau sasu akaong i lunasa'nyo tinoanyomo na i Yunus hau-haunyo hoyot. Lantas ia notataemo, “Tetimbali tohoyot na beleyum i unonu han anu sumo aiya? Dongan pobula! Balado'a hi pilogot nu beleyum ka' momoita tulung. Ihe na monsumbu', Ia mongkalibosi mae kita, sahingga kita madi' silaka.”

MATIUS 13:41

Anak nu Mian monsaije to mala-malaikat-Nyo molimu' miannyo iwi-iwi' anu nonsaduakonmo mian nombau dosa', ka' iwi-iwi' mian sangga'at anu nombau ka'idekan.

YOHANES 6:29

I Yesus nontaami, “Aiya na anu nukahanda'i nu Tumpu hi komiu: Palesayamo hi Ia anu sinai mae nu Tumpu.”

TO MIA-MIAN KOPIAN 2:1

Malaekat nu Tumpu namba lengkat mae i Gilgal nokiijo' i Bokhim ka' notatae hi aha mian nu Israel, “Aku nonsabatakonmo belemiu lengkat mae i Mesir, ka' nomboamo mae belemiu i lipu' anu jinanji'-Kumo hi mompolee' nu belemiu. Ka' pinoto'ing-Kumo, 'Anu jinanji'-Kumo hi belemiu madi'mo Ku lapasakon.