NOSABATMO 4:11 - KITAB NU TUMPU ALLA LELE MA'IMAI'

¹¹ Tumpu notataemo hi ia, “Ihe na nombee'i nganga' hi manusia? Ihe na nompotimbali ia momo' kabai mabongon? Ihe na nompotimbali ia moko ala montoa kabai mapisok? Te misa' Aku, Tumpu?

NOSABATMO 4:11 ပူးပေါင်းရင်းမြစ်များ

KAJADIAN 11:7

Sahanyo Kita mintatau'mo ka' mompotabuntala' basa' nu aha da aha madi'mo mopaha sumbu' sisik samian ka' samian.”

KAJADIAN 18:14

Te daagi' ko han anu madi' opoko ala nubau nu Tumpu? Susumo anu tinaloakon-Kumo u'uka daagi' osio' na bitu'on Aku po'ule'mo minsusule' mae aiya. Ka' tempo'nyo aijo' i Sara nohampeakonmo anak mo'ane.”

MAZMUR 146:8

ka' mian anu mapisok opo'alinmo sahingga moko alamo montoa. Ia na mohangkat mian anu tinohumpukmo, ka' mongkalibosi mian anu hodi' na kinyonyoanyo.

MAZMUR 51:15

Sahingga ku ajanakonmo na palentah nu Belento hi mian anu baladosa', da aha po ule'mo minsusule' hi Belento.

MAZMUR 94:9

Tumpu Allah na mombau bihing, iya mule' na ia madi' mohongo? Ia na nombau mata, iya mule' na Ia madi' montoa?

AMSAL 20:12

Bihing bau pohongo ka' mata bau pontoa ohu-ohua' aijo' Tumpu na nompo timbali.

YESAYA 42:7

Da mombuka' mata nu mian anu napisokmo, ka' mule' mompobebasmo mian da bolimo pintung i uno nu talungku'.

YESAYA 6:7

Sinintungnyo na biwingku nu obaa ai-aijo' ka' notatae, “Biwi aiya nonsintungmo biwi nu beleyum. Uuka aiya kasala'an nu beleyum ingalinanmo ka' mule' dosa' nu beleyum ingampunanmo nu Tumpu.”

YEREMIA 1:6

Aku nontaamimo, “O Tumpu Anu Matangkas Na Kuasanyo, aku madi' peletan na motatae kalana aku daagi' anak.”

YEREMIA 1:9

Lapas aijo' tinajuakonmo mae nu Tumpu na lima-Nyo ka' nongkanyangmo mae nganga'ku lantas notataemo, “Potombihing mae ka' bebakon na potatae anu Ku taloakon aiya.

YEHEZKIEL 33:22

Pihi-pihi ma'isa pe'e ia tinoka, ingoa'ankumo na kuasa nu Tumpu. Jadi salatan mian aijo' tinokamo mae hi belengku aku noko alamo notatae ka' madi'mo daagi' imomo'.

AMOS 3:6

Te toho' mule' mian i kota', madi' nu lakat de mohongomo onyi' nu tolompet tandanyo mahampatemo? Ugaat mule' sa'angu' na kota' nukona nu balaa' de Tumpu madi' nombee' i balaa'?

MATIUS 11:5

Mian anu mapisok montoa, mian anu lupe moko lumajang, mian anu ko panyakit kilit anu okabuhuk ma'alin; mian mabongon nohongo, mian anu mate po'ule' tumuu', ka' Lele Ma'ima' lengkat hi Tumpu opotokakon hi to mia-mian kasiasi.

LUKAS 1:20

Apaa na kutaloakon, tionyo tontimbali toka i tempo'nyo. Panyo kalana beleyum madi' palesaya, beleyum madi' moko ala basisik; beleyum tionyo momo' sampe apaa na anu tinaloakonku aijo' tontimbalimo.”

LUKAS 1:64

Tempo' aitu mule' i Zakharia moko potataemo, ka' nompuji'mo Tumpu.

YOHANES 10:21

Panyo daagi' mule' ko anu notatae, “Mian anu pininsoopanmo nu setan, madi' basisik sumo aijo'! Timbali na setan moko potimbali mian mapisok timbali montoa?”