NOSABATMO 4:1 - KITAB NU TUMPU ALLA LELE MA'IMAI'

¹ Lantas i Musa nontaamimo Tumpu, “Panyo mosia de bisuannyo to mia-mian nu Israel madi' mongka'oho' palesaya ka' madi' mongka'oho' montapali potataengku? Apaa na anu tionyo ku bau de maluannyo aha motatae koonyo nu aha Tumpu madi' nanintoa hi belengku?”

NOSABATMO 4:1 ပူးပေါင်းရင်းမြစ်များ

1 TOMU-TOMUNDO' 13:3

Po'ule' notatae na nabi aijo', “Mezbah aiya saidi' mae ohobo'akonmo, ka' abu'nyo aita' tombulokmo. Aijo'mo na bukuti'nyo aku aiya pinokau mae nu Tumpu.”

NOSABATMO 2:14

Tinaaman nu mian aijo', “Ihe na anu nohangkatmo beleyum timbali polaya' ka anu momputusi kami? Te beleyum suele mongka'oho' mompatei aku, susumo mian nu Mesir anu pinateanmo nu beleyum aijo'?” Lantas i Musa nabuhukmo ka' binapikinmo, “Silakamo! Kalakuanku sinumbu'mo nu aha”.

NOSABATMO 3:15

Polele suele hi aha tukoong-Ku, Tumpu, Tumpu Allah mompolee' nu aha, Tumpu Allah i Abraham, i Ishak ka' i Yakub, na nonsai mae beleyum mamba mae hi aha. Akumo na Tumpu, aijo'mo na sanggong-Ku sampe toka sidu-sidutu'. Sumo aijo' na monsanggo Aku na aha bansa iwi-iwi' molundu-lundu na tulunan.

NOSABATMO 3:16

Lako'mo ka' limu'mo iwi-iwi' na to pola-polaya' nu Israel. Poto'i hi aha taalu' Aku, Tumpu, Tumpu Allah nu mompolee' nu aha Tumpu Allah i Abraham, i Ishak ka' i Yakub, nanintoamo hi beleyum. Poto'imo hi aha taalu' Aku tinokamo hi aha ka' nontoamo mosia na aha okabisa'i nu bansa Mesir.

NOSABATMO 3:18

Mian anu pinalesayamo hi beleng-Ku, mohongomo potatae nu beleyum. Lapas aijo' beleyum hingga-hinggat tiba to pola-polaya' nu aha Israel, tionyo ahi' mambamo mangadap hi tomundo Mesir, ka' mompoto'i hi ia: 'Tumpu, Tumpu Allah nu mian Ibrani tinokamo nompopia butongnyo hi kami. Uuka aiya pobee'mo mae na kami mambamo kojo'onnyo tolun sinaa na molajangi mokiijo' i padang bola monsombahkon koloban hi Tumpu, Tumpu Allah mami.' ”

NOSABATMO 4:10

Panyo i Musa notatae, “O, Tumpu, aku misa' mian anu pande na motatae, mau naipuan mae mau uuka aiya, salatan Tumpu nompoto'imo hi belengku. Maboat na jila'ku, manyeeng na motatae ka' motatae madi' lompat.”

NOSABATMO 4:30

I Harun nompoto'imo hi aha iwi-iwi' na anu tinaloakonmo nu Tumpu hi Musa, lantas i Musa nombaumo iwi-iwi' na anu okabangangi i ahop nu mian haha aijo'.

NOSABATMO 4:31

Sahingga pinalesayamo na aha, ka' salatan aha nohongomo taalu' Tumpu daagi' monginau' bansa Israel ka' nontoamo iwi-iwi' na kasansalan nu aha, aha dinumaladupumo ka' nonsombahmo.

NOSABATMO 6:12

Sumo aijo' na Tumpu nonsai i Musa ka' i Harun da mompotoka hi bansa Israel ka' hi tomundo Mesir tukoonyo nu Tumpu aha pinalentahmo nu Tumpu da molaya' bansa Israel mosabatmo mompala'i Mesir.

YEREMIA 1:6

Aku nontaamimo, “O Tumpu Anu Matangkas Na Kuasanyo, aku madi' peletan na motatae kalana aku daagi' anak.”

YEHEZKIEL 3:14

Kakuasa'an nu Tumpu na tinoka mae hi belengku, ka' salatan aku ihangkatmo ka' binoamo nu Roh-Nyo kinyonyoanku ingoa'anku napakatmo ka' mule' napanasmo.

SISIKON NU TO RASUL-RASUL 7:25

I Musa monsangka bansanyo mangalati'je tukoonyo Tumpu hau-haunyo mompakemo ia da mompobebasmo aha. Panyo inyata'nyo aha madi' mangalati'.

TO MIA-MIAN KOPIAN 6:17

Tinaaman i Gideon, “De aku totu-totu'u nuka'ima'i nu belento Tumpu, soba bee'i mae sa'angu' na tanda salaku bau pomponyata' saba' Tumpu na nombee'i mae palentah atina' hi belengku.