NOSABATMO 39:41 - KITAB NU TUMPU ALLA LELE MA'IMAI'

⁴¹ ka' baju' anu opake de monsombahmo na to ima-imam salatan aha mokalajamo i Salipi' Susi' ka' baju' anu samata-mata ola i Harun na mompusok ka' to ana-anaknyo.

NOSABATMO 39:41 ပူးပေါင်းရင်းမြစ်များ

NOSABATMO 28:2

Bau na baju' nu imam anu i Harun, da otoa na ia mian anu o'angga'i.

NOSABATMO 28:28

Pasinsingnyo anu opa-opake i saha'an tionyo ahi' opogantum nu tombo mobilu' i pasinsing nu evod da anu opa-opake i saha'an aijo' sabole-bole i buannyo ka' madi' tongkakahusu'.

NOSABATMO 28:40

Bau na kameja, pombutu' ka' suluban anu nupake nu to ana-anak i Harun da aha otoa taalu' anu ahi' o adati.

NOSABATMO 31:10

baju' i Harun de momposadiamo monsombah, tiba baju' nu to ana-anaknyo anu tionyo ahi' nu pusok nu aha de mokalajamo salaku imam,

NOSABATMO 39:1

I Bezaleel ka' i Aholiab nombaumo baju' anu opusok de monsombahmo laken mobilu', mingkamumu' ka' momea' anu nu aha to ima-imam, de aha mokalajamo i uno nu Salipi' Susi'. Baju' nu imam anu nupusok i Harun obau susumo anu pinalentahkonmo nu Tumpu hi Musa.

NOSABATMO 39:40

hude anu to bola-bola' anu opake i natan ka' to ohi-ohi'nyo tiba paningkokoannyo, lalanse' nu sabatan daka', i natan tiba to kaho-kahohonnyo toto-totokolonnyo nu Kemah; iwi-iwi' na pakakasnyo anu opake i uno nu Kemah,

NOSABATMO 39:42

Iwi-iwi' na pakalaja'an haha aijo' binaumo nu aha mian Israel, susumo anu pinalentahkonmo nu Tumpu hi Musa.