NOSABATMO 39:32 - KITAB NU TUMPU ALLA LELE MA'IMAI'

³² Ahennyo jinadimo iwi-iwi' na kalaja nombau Kemah nu Tumpu. Mian nu Israel nombaumo iwi-iwi' susumo anu pinalentahkonmo nu Tumpu hi Musa.

NOSABATMO 39:32 ပူးပေါင်းရင်းမြစ်များ

1 TOMU-TOMUNDO' 6:38

Ka' i bitu'on Bul, aijo'mo na bitu'on ko uwalu'nyo, i taun ko sampulu'nyomo ka' sa'angu' na ia nompalentah, tinimbalimo na Laigan nu Tumpu aijo' anu binau i Salomo, madi' sala' susumo tempo' anu polo'mo tinantukannyo. Laigan nu Tumpu anu binaunyo aijo' pinopitu' na taun na kinopinnyo.

1 TOMU-TOMUNDO' 7:40

I Huram nombau mule' to pamu-pamutu', to siko-sikop, ka' to mangko-mangko'. Noko lapas binau na aijo' iwi-iwi', ningkotmo binau i Tomundo' Salomo apaa na anu opake i Laigan nu Tumpu. Aiya na pakakas anu binaunyomo: Ohi'daka-daka' ohua' Ohua' na ubak nu ohi' anu sumo mangko' anu opokona aita' i ubak nu ohi' aijo' ohu-ohua'. Lante' anu inganyam ka' pinaha pokona aita' i ubaknyo nu ohi' Pato atu na dalima tambaga' anu pinaha pojiji' ahua' na jiji'annyo titikup na lante' anu inganyam ka' pinokona i ubak nu ohi'nyo toto sa'angu'. Sampulu' na kareta Sampulu' na mangko' daka-daka' Gumbang tambaga Sampulu' ka' ohua' na sapi' tambaga anu pinompokokoan gumbang haha aijo' aita' i tonga'nyo. To pamu-pamutu', to siko-sikop ka' to mangko-mangko' Iwi-iwi' na pakakas i Laigan nu Tumpu aijo', anu binau i Huram obee' hi Tomundo' Salomo, tambaga na binau, ka' pinaha gegesan sahingga jinongkilaban.

1 TAWARIKH 28:19

Lantas pinoto'imo i tomundo' Daud, “Iwi-iwi' aijo' i unomo nu tanga'an anu tinulismo susumo anu pinoto'imo nu Tumpu na sonto'nyo hi belengku da obau.”

NOSABATMO 12:28

Lantas aha nambamo ka' nombaumo apaa na anu pinalentahkonmo nu Tumpu hi Musa ka' hi Harun.

NOSABATMO 25:40

Obala'ingati da tengke nu sulu' aijo' obau susumo sonto' anu pinotiju'-Kumo hi beleyum aita' i bawo nu bungkutnyo aiya.”

NOSABATMO 31:7

Kemang-Ku, Peti' Palajanjian ka' kolopnyo ka' iwi-iwi' na pakakas nu Kemah,

NOSABATMO 39:31

Bunga-bunganyo aijo' opokona i sasu ahop nu suluban, susumo anu pinalentahkonmo nu Tumpu hi Musa.

NOSABATMO 39:33

Aha nomboamo Kemah hi Musa tiba iwi-iwi' na posadiaonnyo, to kai-kaitnyo, to kau-kau' balatannyo, to ohi-ohi'nyo ka' paningkokoannyo,

NOSABATMO 40:1

Tumpu notatae hi Musa,

NOSABATMO 40:3

Posoop i unonyo na Peti' Palajanjian anu ko tulisannyo Sampulu' na Pelentah ka' pokona na hude pongkukumbungi i ahopnyo.

NOSABATMO 40:32

de aha minsoopmo i Kemah nu Tumpu kabai mongohanimo mezbah.

NOMBILANGMO 3:31

Aha na mongkalesang Peti' Palajanjian, meja' tengke nu sulu', to mezbah-mezbah, pakakas anu opake nu to ima-imam i Salipi anu Susi', ka' lalanse' anu mongoloti Salipi' anu Susi'. Aha na mongkalesang iwi-iwi' na pakalaja'an apaa na obau i balang haha aijo'.

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

PO'ULE' INGULIT 12:32

Obau iwi-iwi' apaa na anu pinalentahkonkumo hi belemiu boli otuangi kabai oga'ai.

IBRANI 3:2

Ia tulu-tulutan hondo hi Tumpu anu nompile'imo Ia da mombau pakalaja'an aijo' susumo i Musa naipuan mae tinulu-tulutanmo apaa na anu pinokauhakon nu Tumpu obau i Laigan nu Tumpu.

IBRANI 8:5

Pakalaja'an anu nubau nu aha salaku imam aijo' sabenannyo ola sumo sa'angu' na gambalan ka' lolung apaa na anu kiita' i suluga'. Aijo' pinoto'imo nu Tumpu hi Musa naipuan mae, tempo'nyo i Musa kahanda'mo mompotinjo Kemah nu Tumpu. Tumpu Allah notatae sumo uuka hi Musa, “O inau'! Iwi-iwi' aijo' tionyo ahi' nubau montiho sonto' anu pinotinganmo hi beleyum i bawo nu bungkutnyo.”

1 SAMUEL 15:22

Panyo notatae na i Samuel, “Iya na anu talalo nu ka'ima'i nu Tumpu, tulu-tulutan hi Tumpu kabai koloban anu osombahkon? Montuluti Tumpu na lebe ma'ima' nu lingkudui na monsombahkon koloban. Tulu-tulutan hi Tumpu na lebe ma'ima nu lingkudui na lompo'nyo nu domba.