NOSABATMO 39:30 - KITAB NU TUMPU ALLA LELE MA'IMAI'

³⁰ Suele obunga-bungai nu mosoni' anu madi' ko galo'nyo, pontandai saba' aha tinantukanmo mokalaja samata-mata hi Tumpu. I bunga-bunganyo haha aijo' tinulismo na potatae; “Samata-mata mokalaja hi Tumpu”.

NOSABATMO 39:30 ပူးပေါင်းရင်းမြစ်များ

NOSABATMO 26:36

Bau na lalanse' anu opake i sabatan nu Kemah hude lenan anu ma'ima' hondo anu tinonun tiba laken mobilu' ka' mingkamumu' ka' momea', ka' sinujian bau pombunga-bungai.

NOSABATMO 39:29

ka' pombutu' hude lenan anu ma'ima' hondo, laken mobilu', mingkamumu' ka' momea' na obau, obunga-bungai nu suji'an susumo anu pinalentahkonmo nu Tumpu hi Musa.

NOSABATMO 39:31

Bunga-bunganyo aijo' opokona i sasu ahop nu suluban, susumo anu pinalentahkonmo nu Tumpu hi Musa.

ZAKHARIA 14:20

I sinaa aijo' iwi-iwi' na dio-dio anu opoko na i baju' nu ajahan otulisimo nu tulisan; “Samata-mata obee'mo hi Tumpu”. To kuho-kuhon anu daagi' i Laigan nu Tumpu oholomatimo sumo to mangko-mangko' anu opake de mombaumo palasombahan i ahop nu mezbah.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

2 KORINTUS 5:21

I Kristus madi' baladosa', panyo Tumpu nompotimbalimo Ia bau pontokong dosa'to, da kita nompo'ule' na'ima' tiba Tumpu Allah kalana nosa'angu'mo tiba i Kristus.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

IBRANI 1:3

Iamo na mompotoa katalasanggoan nu Tumpu anu talalo hondo ko angga'nyo; Iamo na gambalan nu butong nu Tumpu anu manasa hondo. Iamo suele na mompotuu' kahosonan nu songko-songko na dunia aiya nu potatae-Nyo anu talalo hondo matangkas na kuasanyo. Noko lapas na Ia nontokong mian da madi'mo nukona nu hukuman nu dosa' na aha, Ia sinumuhangmo i kasuhangan kiita' i suluga' hingga-hinggat tiba Tumpu Anu Matangkas na kuasanyo.

IBRANI 7:26

Jadi, i Yesus aijo'mo na Imam Daka' anu opalaluinto. Ia susi'; hi Ia madi' ko anu i humpak na kasala'an kabai pa' dosa' apaa. Ia gina'atakon nompala'i to mia-mian anu baladosa', ka' i liba'akon nokiita' i tampat anu lebe matangkas moliu-liu langit.

ANU PINOTO'I HI YOHANES 5:10

Beleyum nompotimbalimo aha sa'angu' na bansa da timbali samata-mata bau to ima-imam, da aha mompojalan palentah nu Tumpunto, ka' mompalentah dunia aiya.”