NOSABATMO 38:21 - KITAB NU TUMPU ALLA LELE MA'IMAI'

²¹ Aiyamo na daputan nu pakakas anu opake i Kemah nu Tumpu tampat anu pompo'una'an ohua' na batu tiba Sampulu' na Palentah nu Tumpu Allah. Daputan aijo' binau kalana pinalentahkon i Musa ka' tinulis nu aha to mia-mian nu Lewi anu mokalaja nu atun i Itamar anak i Imam Harun.

NOSABATMO 38:21 ပူးပေါင်းရင်းမြစ်များ

SISIKON NU TO RASUL-RASUL 7:44

Kemah katokaan nu Tumpu hi mian ola kiijo' hi mompolee'to i padang bone'. Kemah aijo' binau kalana palentah nu Tumpu hi Musa ka' mombatuki sonto' anu pinotoa nu Tumpu Allah hi Musa.

2 TAWARIKH 24:6

Kalana aitu i laganyomo na i Imam Yoyada, polaya' nu aha, ka' pinoto'inyomo, “Te misa' i Musa posaihon nu Tumpu nompokaumo mian da'isan da mombayan hasin bau pongongkosi Kemah nu Tumpu? Uuka aiya kadaka' to mia-mian nu Lewi haha aijo' madi' o sekeli nu Belento Tuuma da molimu' hasin hi mian da'isan i Yehuda ka' i Yerusalem?” (

NOMBILANGMO 10:11

I taun ko ohua'nyomo salatan bansa Israel nompala'imo mae Mesir, i tanggan uampulu' bitu'on ko ohua'nyo, noliba'mo na kundom madi'mo nohohungi Kemah nu Tumpu.

NOMBILANGMO 9:15

I sinaa pompotinjoanmo Kemah nu Tumpu, tinokamo na kundom nohohungi Kemah aijo'. Salatan pe'e nalomo sangkutnyo tinoka daagi' subu, kundom aijo' otoa sumo apu.

NOMBILANGMO 1:53

Panyo to mia-mian nu Lewi tionyo ahi' mombau kemah kajojoongan nu aha montikubi Kemah-Ku. Aha tionyo ahi' monjagai da boli ko mian anu mongohani, sahingga monsaduakonmo Aku pusa ka' mohukumo aha mian Israel.”

NOMBILANGMO 1:50

Pokau na aha mongkalesang Kemah-Ku, tiba posadiaonnyo iwi-iwi'. Kalaja nu aha aijo'mo molemban Kemah-Ku tiba posadiaonnyo ka' mongkalesang. Aha tionyo ahi' mompotinjo kemah kajojoongan nu aha montikubi Kemah-Ku.

NOMBILANGMO 18:2

To utu-utus nu beleyum tulunan nu bansa Lewi tionyo ahi' nu ala da bau pontulungi apaa na anu nu kalaja ka' apaa na anu nu kalaja nu to ana-anak nu beleyum.

NOSABATMO 6:23

I Korah kino anak aha totolu' na mo'ane: I Asir, i Elkana ka' i Abiasaf. Aha aijo'mo na mompolee' mae nu aha sa'anakan i Korah.

ANU PINOTO'I HI YOHANES 21:3

Lantas aku nohongomo potatae lengkat mae i kasuhangan aijo' notatae mae daka-daka', “Tempo' uuka tampat kajojoongan nu Tumpu tibamo mian! Ia tumuu'mo tiba aha, ka' aha timbalimo mian anu palesayamo hi Ia. Tumpu jojoongmo tiba aha, ka' timbalimo Tumpu nu aha.

ANU PINOTO'I HI YOHANES 11:19

Sahingga tinontuhea'mo na Laigan nu Tumpu i suluga' ka' kinantoaanmo na Peti' Palajanjian kiijo' i unonyo. Lantas tinokamo na kilat moto-moto taaman ka' onyi' nu gohung dolu-dolundungan, ka' pinoka-pokalapitmo, tiba luulu' ka' ujan eis anu mabohos hondo.

2 PETRUS 1:13

De aku daagi' tumuu', ku oa'i pantas na saja' mompotuka' belemiu i hahan aijo'.

IBRANI 9:11

Panyo i Kristus tinokamo salaku Imam Daka' lengkat mae i hahan anu ma'ima' anu polo-polo'mo daagi'. Kemah nu Tumpu anu pokalaja'an-Nyo salaku Imam Daka' aijo'mo na kemah anu lebe talasanggo ka' lebe ma'ima'. Aijo' misa' binau nu mian; alati'nyo misa' anu nolengkat mae i dunia anu pinotimbali aiya.

IBRANI 8:2

Ia mompojalan pangkatnyo salaku Imam Daka' i Salipi' anu Susi', aijo'mo i uno nu Kemah nu Tumpu anu Susi', anu pinotinjo nu Tumpu, misa' pinotinjo nu mian.

2 KORINTUS 5:1

Kalana osumbu' mami de laigan – aijo'mo butong – anu ojojoonginto i dunia aiya o tataki, Tumpu montoukaije kita sa'angu' na laigan i suluga', anu binaumo nu Tumpu ka' anu montahan pin sampe toka sidu-sidutu'.

MATIUS 17:4

Lantas i Petrus notatae hi Yesus, “Kita Tumpu, ma'ima' hondo na kita jojoong i aiya. De Tumpu mongka'ima'i da ku potinjo totolu' na tampat jojoongan i aiya: Sa'angu' anu nu Kita Tumpu, sa'angu' anu i Musa, ka' sa'angu' mule' anu i Elia.”

MAZMUR 15:1

Tumpu, ihe na timbali jojoong sasaingoni' i Kemah nu Belento ka' jojoongi bungkutnyo nu Belento anu susi'.

AYUB 26:1

Panyo i Ayub notatae, “Pande hondo na beleyum montulungi mae aku anu madi'mo mahoson ka' anu madi'mo moko ala mombau apa-apaa!

AYUB 22:23

Po'ule'mo balatobat hi Tumpu ka' bolimo beleyum mindaka-daka' na kinyonyoa, ka' hahan anu ma'idek i uno nu laigan nu beleyum bolimo daagi' nu bau.

AYUB 11:4

De beleyum na mompotutugakon potatae nu beleyum atina' madi' sala'; de beleyum na mongoa'i beleyum belesi' hi ahop nu Tumpu Allah.

1 TAWARIKH 6:3

I Amran kino anak mo'ane ua'aha; aijo'mo: i Harun, tiba i Musa, ka' boune samian aijo'mo i Miryam. I Harun kino anak mo'ane aha opat: i Nadab, i Abihu, i Eleazar tiba Itamar.

NOMBILANGMO 24:5

Palias na ko ima'nyo na to kema-kemah nu belemiu o Yakub, ka' to tampa-tampat kajojoongan nu belemiu, o Israel!

NOSABATMO 40:3

Posoop i unonyo na Peti' Palajanjian anu ko tulisannyo Sampulu' na Pelentah ka' pokona na hude pongkukumbungi i ahopnyo.

NOSABATMO 26:33

Pokona na hude aijo' i pongkaitnyo anu pinaha pojiji'mo i aluk nu atop nu Kemah aijo'. I hikunyo nu hude aijo', aijo'mo na tionyo ahi' pompo'una'an Peti' Palajanjian anu isinyo ohua' na batu. Hude aijo' na bau pongoloti Salipi' Susi' tiba Salipi' anu Talalo hondo Susi'.

NOSABATMO 25:16

Lantas i uno nu peti' aijo' na pompo'isian nu beleyum ohua' na batu anu ko tulisannyo palentah anu Ku bee'je hi beleyum.

ANU PINOTO'I HI YOHANES 15:5

Lapas aijo' aku nontoamo Laigan nu Tumpu i suluga' tinontuhea'mo, ka' Kemah nu Tumpu kiijo' i unonyo.

NOSABATMO 38:20

Panyo totokolonnyo nu Kemah ka' pagannyo tambaga na bianu.

NOSABATMO 38:22

I Bezaleel anak i Uri, makumpu i Hur lengkat mae i tulunan bansa Yehuda, nombaumo iwi-iwi' apaa na anu pinalentahkonmo nu Tumpu.