NOSABATMO 37:1 - KITAB NU TUMPU ALLA LELE MA'IMAI'

¹ I Bezaleel nombaumo Peti' Palajanjian kau' akasia na binau, ko mantannyo 110 sentimeten, ko bolanyo ka' ko tangkasnyo pokakana 66 sentimeten.

NOSABATMO 37:1 ပူးပေါင်းရင်းမြစ်များ

1 TAWARIKH 2:20

Anak mo'ane i Hur sanggonyo i Uri ka' makumpunyo sanggonyo i Bezaleel.

NOSABATMO 26:33

Pokona na hude aijo' i pongkaitnyo anu pinaha pojiji'mo i aluk nu atop nu Kemah aijo'. I hikunyo nu hude aijo', aijo'mo na tionyo ahi' pompo'una'an Peti' Palajanjian anu isinyo ohua' na batu. Hude aijo' na bau pongoloti Salipi' Susi' tiba Salipi' anu Talalo hondo Susi'.

NOSABATMO 31:7

Kemang-Ku, Peti' Palajanjian ka' kolopnyo ka' iwi-iwi' na pakakas nu Kemah,

NOSABATMO 37:2

Sasu unonyo ka' sambiha'nyo i lapisan nu mosoni' anu madi' ko galo'nyo, lantas pinokonanmo bingkainyo mosoni' duhu-duhuknyo.

NOSABATMO 40:3

Posoop i unonyo na Peti' Palajanjian anu ko tulisannyo Sampulu' na Pelentah ka' pokona na hude pongkukumbungi i ahopnyo.

PO'ULE' INGULIT 10:3

Lantas binaungkumo na peti' kau' akasia na binau ka' nompa'atmo ohua' na batu susumo anu momonanyo ka' binoamo nokiita' i bungkutnyo.

IBRANI 9:4

I uno nu salipi' aijo' daagi' ko mezbah mosoni' na binau bau pompapuian kamangian, ka' daagi' mule' ko Peti' Palajanjian. Peti' aijo' i lapisan songko-songko nu mosoni'. I uno nu Peti' aijo' daagi' ko kuhon mosoni', isinyo manna, tokon i Harun anu ninsumpemo, ka' ohua' na kobakan nu batu bau pinontulisan; anu kiijo' tuli-tulis sampulu' na palentah nu Tumpu.