NOSABATMO 36:2 - KITAB NU TUMPU ALLA LELE MA'IMAI'

² I Musa nolagamo i Bezaleel, i Aholiab ka' iwi-iwi' na mian anu nohumpakmo kapandean lengkat mae hi Tumpu tiba anu sinanangmo na kinyonyoa montulungi, lantas nompokaumo aha da montampu'unimo mokalaja.

NOSABATMO 36:2 ပူးပေါင်းရင်းမြစ်များ

1 TAWARIKH 28:21

Kalaja anu mongulus anu monsombah i Laigan nu Tumpu binagi-bagimo hi aha to ima-imam ka' hi aha mian nu Lewi. To mia-mian anu pande na mokalaja anu nu sumbu' totu-totu'u na mombau, toto samian sanang na kinyonyoanyo montulungi beleyum, ka' to pola-polaya' tiba mian da'isan montuluti palentah nu beleyum.”

NOSABATMO 25:2

“Pokau na aha mian nu Israel momboa anu osombahkon hi beleng-Ku. Ihe na anu tolotuka' na kinyonyoanyo, tionyo ahi' momboa anu osombahkon

NOSABATMO 25:40

Obala'ingati da tengke nu sulu' aijo' obau susumo sonto' anu pinotiju'-Kumo hi beleyum aita' i bawo nu bungkutnyo aiya.”

NOSABATMO 28:3

Laga na tukang ka'ut iwi-iwi' anu binee'an-Kumo kapandean. Pokau na aha mombaui baju' i Harun da ia mokalaja samata-mata mombau anu Ku palentahkon salaku imam.

NOSABATMO 31:6

I Oholiab, anak i Ahisamakh lengkat mae i bansa tulunan i Dan, pinile'an-Kumo suele da montulungi ia. Ku bee'i suele kapandean anu talalo hondo hi to tuka-tukang anu pande, da aha moko ala mombau mau mule' pa' apaa na anu Ku palentahkon:

NOSABATMO 35:10

“Iwi-iwi' na anu pande monsumbu' mombua apa-apaa itina' hi belemiu tionyo ahi' toka mae mombau iwi-iwi' apaa na anu pinalentahkonmo nu Tumpu aijo'mo:

NOSABATMO 35:2

Anom sinaa na mokalaja, panyo sinaa ko ipitunnyo aijo' sinaamo pilawean, sinaa daka' anu ponsombanmo Tumpu. Ihe na mokalaja i sinaa nu Sabat tionyo ahi' mohumpak hukuman opatei.

NOSABATMO 36:1

I Bezaleel, i Aholiab ka' iwi-iwi' na anu monsumbu' mombau apa-apaa, anu nohumpakmo kapandean lengkat mae hi Tumpu, nonsumbu'mo mosia na mombau Kemah nu Tumpu. Aha mombau iwi-iwi' aijo' tionyo ahi' susumo anu pinalentahkonmo nu Tumpu.”

NOSABATMO 36:3

I Musa nombee'mo hi aha iwi-iwi' na anu i limu'mo nu aha mian Israel anu opake mokalaja mombau Kemah nu Tumpu. Panyo aha bansa Israel daagi' saja' sabole-bole momboa anu osombahkon hi Musa sansina-sinaa daagi' subu.

SISIKON NU TO RASUL-RASUL 14:23

Ka' i toto sa'angu' na jama'at, i Paulus ka' i Barnabas nohangkatmo to pola-polaya' nu to jama-jama'at aijo'. Lantas binalado'a ka' binapuasa', aha nompotalima to pola-polaya' aijo' hi Tumpu anu nupalesaya nu aha aijo'.

KOLOSE 4:17

Ka' poto'i hi Arkhipus, “Sabole-bole obau na kalaja anu binee'mo hi komiu salaku bau pontuluti palentah nu Tumpu.”

IBRANI 5:4

Madi' ko samian anu mosi hangkat posi butongnyo timbali Imam Daka'. Mian timbali Imam Daka' de Tumpu na molaga ia da mompojalan palentah aijo' – pokakana sumo i Harun.