NOSABATMO 34:9 - KITAB NU TUMPU ALLA LELE MA'IMAI'

⁹ Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

NOSABATMO 34:9 ပူးပေါင်းရင်းမြစ်များ

MAZMUR 135:4

Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

MAZMUR 25:11

O Tumpu, ampuniakon mae na aku susumo anu jinanji'mo nu Belento, kalana dinaka'mo hondo na kasala'anku.

MAZMUR 28:9

Posalamatakon mae na mian anu palesayamo hi Belento, o Tumpu, balakatiakon mae na to mia-mian anu Belentomo na tumpunyo. Jadimo ahi' susumo samian na polaya' aijo' hi aha, ka'jagaiakon na aha sampe toka sidu-sidutu'.

MAZMUR 33:12

Mohumpak kantumuu'an ma'ima' na bansa anu mongakui Tumpu salaku Tumpunyo, mohumpak kantumuu'an ma'ima' na mian anu pinile'an-Nyomo ka' Iamo na tumpu-Nyo!

MAZMUR 78:62

Tinambuha'an-Nyomo na mian anu palesayamo hi Ia, mian anu binaumo pusaka'nyo, ka' pinojohok-Nyomo na aha da pinatean nu bajak.

MAZMUR 94:14

Kalana Tumpu madi' hondo mompala'i mian anu palesayamo hi Ia; ia madi' ola mompojohok anu tinimbalimo pusaka'Nyo.

NOSABATMO 19:5

Uuka aiya de belemiu tulu-tulutan hi beleng-Ku ka' mohongo-hongomo palajanjian-Ku, belemiu Ku potimbalimo mian anu palesayamo hi beleng-Ku. Songko-songko na dunia aiya Aku na tumpunyo, panyo belemiu akumo na tumpunyo anu talalo Ku kalibosi,

NOSABATMO 32:9

Ku sumbu' na bansa aijo' talalo hondo panggaga.

NOSABATMO 33:12

Daagi' kino sansinaan notataemo na i Musa hi Tumpu, “Tumpu, Belento nompalentahmo aku da molaya' bansa aiya mamba i lipu' anu jinanji'mo nu belento, panyo belento madi' mompoto'i mae ihe na nusai mae nu Belento montulungi aku. O Tumpu, Belento notatae, koonyo nu Belento monsumbu' aku ka' sanang hi belengku,

NOSABATMO 34:7

Aku saja' mongkalibosi momada-madala na lee' ka' mongampuni kasala'an tiba dosa'; panyo mian anu ko sala'nyo madi' ko madi'nyo sabole-bole Ku hukum, ka' Ku hukum mule' na to ana-anaknyo ka' to maku-makumpunyo toka-toka i lee' ko totolu'nyo ka' ko opatnyo kalana dosa' nu tu'anyo nu aha.”

YESAYA 48:4

Ku sumbu' na beleyum panggaga ahi' hondo madi' hondo mohongo-hongo.

YEREMIA 10:16

Tumpu Allah i Yakub na madi' ahi'susumo pilogot haha aijo'; Ia na nompotimbali iwi-iwi na apaa. Sanggo-Nyo aijo'mo Tumpu Anu Mahakuasa; Ia nompile'imo Israel da timbalimo mian anu palesayamo hi Ia.

MIKHA 7:18

Madi' ko Tumpu anu sumo Belento, o, Tumpu anu mongampuni dosa' nu mian anu pinile'anmo nu Belento aijo'mo mian anu daagi' tinontuha'. Madi' sampemo sidu-sidutu' na Belento motambuha'; panyo ola ahi' belento sanang na mompotoa kanonongan nu Belento anu madi' ko batasnyo aijo'.

ZAKHARIA 2:12

Daagi' minsan na Yehuda po ule' timbali Tumpu, na tumpu-Nyo itano'-Nyo anu susi' ka' mule' Yerusalem timbalimo kota' anu talalo hondo Nu kanonongi.

NOMBILANGMO 14:19

Uuka aiya Tumpu, kalana daka' na kalibosan nu Belento ka' Belento sabole-bole montoongi janji' nu Belento, ku kakase ampuniakon mae na dosa' nu mian haha aiya susumo Belento nongampunimo aha salatanmo pe'e aha nompala'i mae tano' nu Mesir.”

MATIUS 28:20

O' ajan na aha mohongo-hongo iwi-iwi' apaa na anu Pinalentahkon-Kumo hi komiu. Ka' o inau', Aku saja' monjagai komiu sampe sinaa imihinyo mae.” 110

PO'ULE' INGULIT 32:9

Panyo lee' mae i Yakub aiya na pinile'anmo nu Tumpu ingala-Nyomo bau bagi-Nyo.

PO'ULE' INGULIT 4:20

Panyo belemiu bansa anu pinosalamat-Nyomo lengkat mae i Mesir, tampat belemiu nongoa'i sansala anu taha-tahahumo. Belemiu binoa-Nyomo mae nosabat lengkat i lipu' aijo' da timbalimo bansa-Nyo susumo balu-balu'nyo belemiu uuka aiya.

PO'ULE' INGULIT 9:18

Lantas daagi' minsan na aku dinumaladupu i ahop nu Tumpu aita' i bungkutnyo kinopinnyo pinatompulu' na sinaa ka' pinatompulu' na pihi, madi' nongkaan kabai nonginum. Aijo' binaungku kalana belemiu nombaumo dosa' hi Tumpu, kalana nombaumo apaa na anu moko pa'idek Ia sahingga Ia notambuha'mo.

PO'ULE' INGULIT 9:26

ka' binalado'a sumo uuka: O Tumpu Anu Matangkas na kuasanyo, boli osilakai na mian anu kitamo Tumpu na tumpunyo aiya. Bansa anu pinobebasmo nu belento ka' i laya'mo mae nu belento nosabat mae lengkat i Mesir tiba kahosonan ka' kakuasaan Nu belento anu daka'.

PO'ULE' INGULIT 9:29

Panyo inau', Tumpu, saba' aha aiya bansa anu pinile'anmo nu Belento da timbalimo mian anu pinalesayamo hi Belento, ka' binoamo mae nu Belento lengkat i Mesir tiba kahosonan ka' kakuasa'an nu Belento anu daka'.”