NOSABATMO 34:4 - KITAB NU TUMPU ALLA LELE MA'IMAI'

⁴ Lantas i Musa po'ule' nompa'at ohua' na batu, ka' dodododopnyo subu-subu hondo binoanyomo tinoka i Bungkutnyo nu Sinai susumo anu pinalentahkonmo nu Tumpu hi ia.

NOSABATMO 34:4 ပူးပေါင်းရင်းမြစ်များ

NOSABATMO 19:20

Tumpu nintatau'mo aita' i bawo nu Bungkutnyo nu Sinai, ka' nolagamo i Musa da mokiita'mo i bawo nu bungkutnyo aijo'. Lantas i Musa nindakomo,

NOSABATMO 19:3

ka' i Musa nindakomo i bungkutnyo aijo' mamba singkabot tiba Tumpu Allah. Tumpu notatae hi Musa i bungkutnyo aijo' ka' nompokaumo ia da mompoto'i hi aha mian nu Israel lee' mae i Yakub,

NOSABATMO 32:16

Posi Tumpu Allah na mombau batu aijo' ka' nontulis palentah haha aijo'.

NOSABATMO 34:1

Lapas aijo' Tumpu notataemo hi Musa, “Pompa'at ohua' na kobakan nu batu susumo anu u'utu mae. I batu aijo' Ku tulisje na potatae susumo i batu anu tinumpakonmo nu beleyum aijo' da nobiha'.

PO'ULE' INGULIT 10:1

“Lapas aijo' Tumpu notataemo hi belengku, ‘O Musa, pa'at ohua' na kobakan nu batu sumo anu momonanyo, ka' bau mule' sa'angu' na peti' kau' da ponguna'an, lantas tokamo mae hi belengKu aita' i bungkutnyo.

PO'ULE' INGULIT 10:3

Lantas binaungkumo na peti' kau' akasia na binau ka' nompa'atmo ohua' na batu susumo anu momonanyo ka' binoamo nokiita' i bungkutnyo.