NOSABATMO 33:9 - KITAB NU TUMPU ALLA LELE MA'IMAI'

⁹ Salatan i Musa ninsoopmo, tudunmo mae na kundom i sabatan nu Kemah. I kundom aijo' Tumpu motataemo hi Musa.

NOSABATMO 33:9 ပူးပေါင်းရင်းမြစ်များ

MAZMUR 99:7

Aita' mae i kundom Ia notataemo mae hi aha, aha tulu-tulutan hondo hi iwi-iwi' na atulan ka' palentah-Nyo.

NOSABATMO 31:18

Noko potatae tiba i Musa aita' i Bungkutnyo nu Sinai, Tumpu Allah nombee'mo hi ia ohua' na kobakan nu batu anu tinulisanmo nu Tumpu Allah iwi-iwi' na palentah-Nyo.

YEHEZKIEL 3:22

Ku oa'i na kahosonan nu Tumpu tinokamo ka' ihongongkumo na Ia nontaloakon hi belengku, “Pobulamo ka' lako'mo mamba ibangka'nyo. Ikiijo'je mae na Aku basisik hi beleyum.”

NOMBILANGMO 11:17

Aku mintatau'je mae ka' motatae hi beleyum i tampat atina' ka' sambagian na kuasa anu binee'-Kumo hi beleyum, Ku bee'mo hi aha. Sahingga timbalimo na aha montulungi beleyum mongkalesang hingga-hinggat bansa aiya, ka' bolimo ola posi beleyum na mongkalesang.

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

NOSABATMO 34:3

Boli ko samian anu mombatuki beleyum kabai jojoong mau mule' pa' iya mae na bagian nu bungkutnyo aijo'. To sapi-sapi' ka' to domba-domba boli opojohok mongotot i tengke nu bungkutnyo aijo'.”

NOSABATMO 33:11

Tumpu tiba i Musa nompaha ahop susumo mian basisik tiba sangalunyo. Lapas aijo' i Musa minsusule'mo i kemah kajojoongannyo. Panyo i Yosua anak i Nun anu daagi' olitau, anu saja' montulungi kalaja' i Musa, na sajojoongnyo ahi' i Kemah aijo'.

NOSABATMO 25:22

I tampat aijo' na kasingkabotan-Ku tiba beleyum, ka' aita' mae i kolopnyo i olot nu ohua' na anu sumo malaekat aijo', beleyum Ku bee'ije to atu-atulan-Ku da opake hi bansa Israel.”

KAJADIAN 18:33

Noko lapas binasisik tiba i Abraham, Tumpu nambamo, i Abraham suele ninsusule'mo i laigannyo.

KAJADIAN 17:22

Noko taloakon sumo aijo', Tumpu Allah nompala'imo i Abraham.

NOSABATMO 33:8

De i Musa mokiijo'mo i Kemah aijo', mian nu Israel haha aijo' tuminjomo i ahop nu sabatan nu Kemah nu aha ka' mompalahatikan i Musa sampe ia minsoopmo.

NOSABATMO 33:10

Salatan mian nu Israel montoamo kundom i sabatan nu Kemah nu Tumpu, aha iwi-iwi' tolodadupumo toto samian i sabatan nu kemah toto samian.

NOSABATMO 34:5

Sahingga nintatau'mo mae na Tumpu i uno nu kundom: Ia tinuminjomo tiba i Musa i tampat aijo' ka' nonsanggomo sanggonyo anu susi' aijo'mo Tumpu.

PO'ULE' INGULIT 31:14

Lapas aijo' Tumpu notataemo hi Musa, “Beleyum tumuu' madi'mo daagi' pin. Jadi lagamo mae na i Yosua ka' boa mae na ia i Kemah-Ku, da Ku bee'i pokinde' na ia.” Sahingga nambamo na i Musa ka' i Yosua nokiijo' i Kemah nu Tumpu,

PO'ULE' INGULIT 31:15

ka' Tumpu nanintoamo hi aha aijo' i totonga' nu kundom koko sabatan nu Kemah.

NOMBILANGMO 7:89

De i Musa minsoopmo i Kemah nu Tumpu da basisikmo tiba Tumpu, ia mohongomo potatae nu Tumpu anu montaloakon hi ia lengkat mae aita' i kolop nu Peti' Palajanjian i olotnyo nu patong nu malaekat.