NOSABATMO 33:4 - KITAB NU TUMPU ALLA LELE MA'IMAI'

^4-6 Lapas aijo' Tumpu nonsaimo i Musa da mompoto'i hi bansa Israel, “Belemiu bansa anu panggaga hondo. De Aku mamba tiba belemiu mau mule' ola sasaingoni', memang belemiu Ku silakaimo iwi-iwi'. Pasi'akon na mainan nu belemiu, Ku tantukanje apaa na anu tionyo ahi' Ku bau hi belemiu.” Salatan nohongomopotatae nu Tumpu aijo' aha sinusa'mo hondo sumomo mian anu tinokaanmo nu kasilakaan, lantas pinasi'akonmo nu aha na mainan nu aha. Jadi, salatan nompala'imo Bungkutnyo nu Sinai bansa nu Israel madi'mo nompake mainan.

NOSABATMO 33:4 ပူးပေါင်းရင်းမြစ်များ

NOMBILANGMO 14:39

Pinoko sisik i Musa na potuunon nu Tumpu hi bansa Israel aijo', bansa aijo' sinusa'mo.

YEHEZKIEL 26:16

Montoa uki' nu beleyum anu sinumo atina'mo, sahingga to tomu-tomundo' nu bansa-bansa anu isonibi nu ambai tuminjomo madi'mo sumuhang i tahtanyo ka' nu ukatmo nu aha na baju' pesalin tiba baju' nu aha anu sinujian, lantas sumuhangmo panyo nu lakatmo aijo' itano'. Aha mabuhukmo ahi' hondo sahingga madi'mo tenda na nu oa'i nu aha.

YEHEZKIEL 24:23

Belemiu madi' lumajang de madi' mingkukumbung kabai madi' minsolop kabai madi' tumando' kabai madi' humang. Belemiu ko susa-susa'nyomo kalana dosa-dosa' nu belemiu atina'; belemiu mompaha soso-sosolimo samian ka' samian.

YEHEZKIEL 24:17

Boli sampe hohunsuk nu beleyum ohongomo. Boli lumajang lantas madi' mingkukumbung kabai madi' mompai pisolop salaku mian anu sinusa'mo kalana ko anumo sinilaka.”

NOMBILANGMO 14:1

Sampahu-pahu aha mian Israel lewa'mo moloboo' ka' lewa'mo humang.

ZAKHARIA 7:5

Pinoto'i-Nyo, “Poto'i hi mian anu jojoong i lipu' aiya ka' hi to mia-mian, te puasa' tiba mohangi anu nu bau nu aha i bitu'on ko olima'nyo ka' mule' i kopopitu'nyo anu pitumpu pulu'mo na taun na kopinnyo na lewa' binau, misa' bau poholomati Aku.

ZAKHARIA 7:3

Aha mule' ahi' sinai da mompokilawakon hi to ima-imam ka' hi to nabi-nabi sumo uuka, “Pa daagi' palalu na kami mohangi Laigan nu Tumpu iha-ihansunmo ka' opuasa'akon de kakonamo i bitu'on ko olima'nyomo susumo anu saja'mo obau mami nonotau-taunmo na kopinnyo?”

YUNUS 3:6

Salatan tomundo' nu Ninewe nohongomo lele aijo' ia balomo tinuminjo ingukatnyomo na juba' nu kalaja'annyo ka' nompusokmo hude kalung ka' sinumuhangmo na ia i abu'.

HOSEA 7:14

Aha madi totu tou na balado'a hi edeng-Ku. Kalu aha balado'a aha matimaleo, i tampat kahoyotan, ka tumando susumo anu binau nu mian anu madi palesaya hi beleng-Ku. Kalu aha balado'a mompoita gandum, ka anggur, aha momboyo boyoto butong susumo anu lewa nu bau nu mian anu lewa monsombah pilogot. Aha memang ahi totu touu molawan Aku!

YESAYA 32:11

Sampe tempo uuka aiya kantumuu'an nu belemiu sanang madi'mo nolasai kasusa'an. Panyo uuka aiya nu lakatmo kalana mabuhukmo! Ukatakon na baju' nu belemiu ka' posasa' na hude kalung ikompong nu belemiu.

AYUB 2:12

Panyo daagi' mae jo'o-jo'on na aha nontoa, kinoboli' madi'mo sinumbu' nu aha na ia. Aha singkapmo i humang ka' nolokihis ka' binea-beakmo nu aha na baju' nu aha ka' nonsagakonmo abu' nokiita' i langa ka' aita' i ubak nu aha.

AYUB 1:20

Lantas tinuminjomo na i Ayub ka' binea-beaknyomo na baju' nyo salaku tanda sinusa'mo hondo na kinyonyoanyo. Kiniisnyomo na ubaknyo lantas tinolodadupumo ka' notatae,

EZRA 9:3

Nohongo aijo', aku nompele-pele'mo hondo sahingga binea-beakumo na baju'ku ka' binubutankumo na ubaku ka' jangkutku lantas sinumuhangmo panyo kinyonyoangku talalomo ina'idekan.

2 TOMU-TOMUNDO' 19:1

Tempo'nyo i Tomundo' Hizkia nohongomo lele anu pinotokamo nu aha totolu' na mian aijo', ia nombea-beakmo baju'nyo ka' nompusokmo hude kalung tandanyo ia talalomo sinusa', lantas ia nambamo i Laigan nu Tumpu.

1 TOMU-TOMUNDO' 21:27

Noko lapas na i Elia notatae, i Ahab nombeakmo baju'nyo ka' nompake baju' kalung, da ponsumbu'an ia nompele-pelee'mo ka' ia binapuasa'mo. Maumo ia hoyot mompake ahi' hude kalung. Ka' de ia kolalajang otoa ia susa' hondo na kinyonyoanyo.

2 SAMUEL 19:24

Ka' suele i Mefiboset makumpu i Saul tinokamo da suele molabot i tomundo'. Ia madi'mo toho' nombaso'i tengkenyo, madi'mo toho' nonggunting jangkutnyo ka' madi'mo toho' nombaso'i baju'nyo salatanmo pe'e i Tomundo' Daud nompala'imo Yerusalem, sampe ia po ule'mo ninsusule' mae ma'i-ma'ima' madi' ko anu nompoposia.

IMAMAT 10:6

Lantas i Musa notataemo hi Harun ka' hi to ana-anaknyo sangga'at, aijo'mo i Eleazar ka' i Itamar, “Boli opojohok na ubak nu belemiu tapuhakak ka' boli obeak na baju' nu belemiu salaku tanda taalu' belemiu sinusa'mo ka' nohangimo. De belemiu mombau sumo aijo' belemiu silakamo, ka' iwi-iwi' na aha mian Israel nutambuha'imo nu Tumpu. Panyo iwi-iwi' na aha mian Israel sangga'at timbali mohangi ua-ua'aha aijo' anu pinateanmo nu apu lengkat mae hi Tumpu.

1 SAMUEL 6:19

Panyo kalana aha mian nu Bet-Semes haha aijo' nontoamo apaa na anu i unonu Peti' Palajanjian nu Tumpu, aha pitumpulu' na mian pinateanmo nu Tumpu. Sahingga mian da'isan nohangimo ka' sinusa'mo kalana Tumpu nompotokamo hi aha balaa' anu daka' hondo aijo'.