NOSABATMO 33:3 - KITAB NU TUMPU ALLA LELE MA'IMAI'

³ Belemiu mambamo mokiijo' i tano' anu kaya ka' molumba'. Panyo Aku madi' mamba tiba belemiu da belemiu madi' Ku silakai i tonga' nu jalan, kalana belemiu te bansa anu panggaga hondo.”

NOSABATMO 33:3 ပူးပေါင်းရင်းမြစ်များ

2 TOMU-TOMUNDO' 17:14

Panyo Israel ka Yehuda madi' mongka'oho' mohongo. Aha talalo panggaga susumo mompolee' nu aha anu madi' palesaya hi Tumpu, Tumpu Allah nu aha.

MAZMUR 78:8

da aha madi'mo susumo mompolee' nu aha anu mongka'ima'i saja' motomuhuk ka' mingkalakuan palagenta; tulunan anu madi' totu-totu'u palesaya ka' madi' tulu-tulutan hi Tumpu.

NOSABATMO 13:5

Binasumpa' na Tumpu nonjanji'mo hi mompolee' nu belemiu mombee'mo hi belemiu lipu' nu bansa Kana'an, Het, Amori, Hewi, Yebus. De nuboamo nu Tumpu na belemiu i lipu' anu kaya ka' molumba' aijo', sataun toka sataun i bitu'on Abib, belemiu tionyo ahi' mombau lamean aiya.

NOSABATMO 23:21

O intomakon ka' otuluti na ia. Boli moto idek hi ia kalana ia Aku na nonsai ka' ia madi' mongampuni kasala'an nu belemiu.

NOSABATMO 3:17

Ka' tinantukan-Kumo da momboamo aha mosabat mompala'i Mesir, tampat nu aha sinansala, ka' momboamo aha i sa'angu' na lipu' anu kaya ka' molumba', lipu' nu bansa Kana'an, bansa Het, Amori, Feris, Hewi ka' Yebus.

NOSABATMO 3:8

Kalana aijo' mambamo na Aku mompobebas aha i lima nu mian Mesir ka' momboamo aha mosabat lengkat i lipu' aijo' mamba mokiijo' i sa'angu' na lipu' anu ewa. Tano'nyo kaya ka' molumba', ka' uuka aiya kajojoongan nu aha bansa Kana'an, bansa Het, Amori, Feris, Hewi ka' Yebus.

NOSABATMO 32:14

Sahingga Tumpu nombee'imo tanga'annyo ka' madi'mo daagi' nompotoka balaa' anu tinanga'an-Nyomo da mongkona bansa aijo'.

NOSABATMO 34:9

Ia notatae, “O Tumpu, de Belento totu-totu'u mongkanonongi aku, ku poita da sana-sanang pe'e mae na belento Tumpu monsangalui kami. Bansa aijo' memang panggaga hondo, panyo ampuniakon mae na ka'idekan ka' dosa' mami ka' alapakon na kami salaku mian anu pinalesayamo hi Belento.”

YESAYA 48:4

Ku sumbu' na beleyum panggaga ahi' hondo madi' hondo mohongo-hongo.

YEREMIA 11:5

De nu baumo nu aha na aijo' iwi-iwi' saba' Kuganapimo ahi' na palajanjian-Ku anu bibinaung-Kumo hi mompolee' nu aha aijo'mo lipu' anu ma'omuk hondo ka' manjoo' na isinyo anu tempo' uuka aiya jinojoonganmo nu aha aijo' Ku bee'mo hi aha.” Aku nontaami, “Ma'ima'mo, Tumpu.”

YEHEZKIEL 20:6

Tempo'nyo aijo' Aku nompohosonmo nu sumpa' na momboa aha mosabat lengkat i Mesir mamba ilipu' anu pinile'an-Kumo da bau kajojoongan nu aha. Lipu' aijo' kaya ka' mule' ma'omuk, tano' anu ma'ma hondo isongko-songko na dunia.

IMAMAT 20:24

Tano' anu kaya ka' ma'omuk aijo' jinanji'-Kumo hi belemiu, jadi Ku bee'mo hi belemiu da timbalimo anu nu belemiu. Akumo na Tumpu Allah nu belemiu anu madi'mo nompogalum tiba to bansa-bansa sangga'at.

YUNUS 3:10

Tumpu nontoamo palabuatan nu aha; Ia montoa aha nombabali'imo kalakuan nu aha anu ma'i-ma'idek aijo'. Sahingga Ia nombali'imo kaputusan-Nyo ka' madi'mo sinida na nohukum aha.

YUNUS 3:4

I Yunus ninsoopmo i kota' aijo' ka' salatan ilumajang sinansinaamo ia nontampu'unimo binalakothab, “Pinoto'inyo daagi patompulu' na sinaa Ninewe hansunmo!”

NOMBILANGMO 13:27

Aha nompoto'imo hi Musa, “Kami nondoyonimo ima-ima' lipu' aijo' ka' nontoamo tano'nyo aijo' iwi-iwi' kaya ka' ma'omuk, ka' aiya sangkiding na bua' nu sosu'anon anu lengkat mae ikiijo'.

NOMBILANGMO 14:12

Ku silakaimo na aha nu panyakit anu molele! Panyo beleyum Ku potimbalimo Tuuma nu sa'angu' na bansa anu lebe daka' ka' lebe mahoson molingkudui aha!”

NOMBILANGMO 14:8

De Tumpu monsitujuimo kita. Ia momboamo kita mokiijo' ka' mombee'mo tano'nyo iwi-iwi' anu kaya ka' ma'omuk.

NOMBILANGMO 16:13

Ma'isa sanang na beleyum nomboamo mae kami nosabat lengkat i tano' nu Mesir anu molumba' aijo' ka' mompatei kami i padang bolaa aiya? Sabole-bole mule' beleyum mompalentah kami?

NOMBILANGMO 16:21

“Pala'i na mian haha aijo'; Ku pateimo na aha uuka aiya.”

NOMBILANGMO 16:45

“Lako' pala'i na mian haha atina'. Ku silakaimo na aha i tampat atina'!” Ua-ua'aha aijo' tinolodadupumo ka' nonsombah

SISIKON NU TO RASUL-RASUL 7:51

Palias hondo na ko panggaganyo na to Utu-utus ka' talalo susa' na mohongo Tumpu! Bihing miu mabongon hondo madi' mohongo potatae nu Tumpu! Komiu pokakana tiba mompolee' miu; saja' panggaga hi Roh nu Tumpu!

PO'ULE' INGULIT 4:24

kalana Tumpu Allah nu belemiu sumo apu montoyo'i. Ia madi' mongka'oho' opokakanakon sumo pa' apaa.

1 SAMUEL 2:30

Aku Tumpu Allah nu Israel, naipuan mae binalajanji'mo da belemiu salaigan ka' belemiu sa'angu' na tulunan mombau anu Ku palentahkon timbali imam sampe toka sidu-sidutu'. Panyo uuka aiya madi'mo Ku ka'ima'i na anu sumo aijo'! Kalana anu mongadati Aku suele Ku adati, panyo anu mongambangi Aku suele Ku ambangi.