NOSABATMO 32:8 - KITAB NU TUMPU ALLA LELE MA'IMAI'

⁸ Aha nombaumo anu madi' pinalentahkon-Ku. Aha nombaumo patong sapi' mosoni' na tinutuk, lantas sinombahnyomo ka' nonsombahkonmo koloban hi ia. Koonyo nu aha aijo'mo na pilogot nu aha anu nomboamo mae aha nosabat lengkat mae i Mesir.

NOSABATMO 32:8 ပူးပေါင်းရင်းမြစ်များ

1 TOMU-TOMUNDO' 12:28

Salatan tinimbalimo na han aijo', ia nombaumo ohua' na patong nu sapi' mosoni' na binau, lantas pinoto'inyomo hi mian da'isan, “O bansa Israel! Sukupmo na kopinyo belemiu saja' mamba i Yerusalem monsombah Tumpu. Uuka aiya, aiyamo na to pilo-pilogot nu belemiu anu nomboamo mae belemiu nosabat lengkat mae i Mesir.”

NEHEMIA 9:18

Aha nombaumo bapilogotan binau nu aha susumo sapi'. Lantas pinoto'imo nu aha, ‘Aiyamo na Tumpu Allah nu belemiu anu nomboamo mae belemiu lengkat i Mesir nonombotuanimo.’ O Tumpu Allah Belento ingalumo nu aha!

MAZMUR 106:19

I Bungkutnyo nu Sinai aha nonsuangmo mosoni' binau susumo anak nu sapi', ka' nonsombahmo patong anu sinuangmo aijo'.

MAZMUR 78:36

Panyo aha ola nombaleko'i Ia, anu, nutaeakon nu aha madi' ko anu totu'u.

NOSABATMO 20:23

Boli belemiu mombau to pato-patong salaka kabai mosoni' da osombah nu belemiu bau pombolosi Aku.

NOSABATMO 22:20

Ihe na monsombahkon koloban hi to pilo-pilogot sangga'at anu misa' hi beleng-Ku, Tumpu, tionyo ahi' obee'i hukuman opatei.

NOSABATMO 32:4

I Harun nongalamo anti-anting haha aij'o, lantas pinoki tutuknyomo ka' pinoki baunyomo sa'angu' na patung susumo sapi'. Bansa aijo' notatae, “O Israel, aiyamo na pilogoto anu nolaya'mo mae kita nosabat lengkat mae i Mesir!”

NOSABATMO 34:15

Boli mombau palajanjian tiba bansa nu lipu' aijo' kalana de aha monsombahmo ka' monsombahkonmo koloban hi to pilo-pilogot nu aha, aha mongendeimo belemiu, ka' obatukimo nu belemiu.

YESAYA 46:6

Mian mombuka'mo dompetnyo ka' mombulokmo mosoni'nyo, lantas montimbangmo salakanyo nu timbangan. Ia montamboimo tukang mosoni' da obaui patong anu bau bapilogotan, lantas nu sombahmo na patong anu pinoki baunyomo.

YEREMIA 31:32

Panyo palajanjian aijo' misa' susumo palajanjian anu binaung-Kumo tiba mompolee' nu aha tempo'nyo aha ilaya'-Kumo namba nosabat lengkat mae i Mesir. Maunyomo ahi' Aku sumomo salaku langkai' nu aha, panyo aha madi' ahi' nontoongi palajanjian-Ku tiba aha.

IMAMAT 17:7

Bansa Israel tionyo ahi' saja' tulu-tulutan hi Tumpu ka' madi' timbali mongkolot binatang iyaya mae na pongale'an anu osombahkon hi to tomi-tominuat anu ma'idek. Atulan aijo' tionyo ahi' otuluti sampe toka sidu-sidutu'.

PO'ULE' INGULIT 32:17

Aha nonsombahkon koloban hi tomi-tominuat anu ma'idek anu misa' Tumpu Allah, hi to pilo-pilogot anu madi' nusumbu' nu aha, to pilo-pilogot anu sala'je sinumbu' nu aha, anu madi' nu akui nu mompolee' nu aha.

PO'ULE' INGULIT 9:12

Lantas Tumpu notataemo hi belengku, ‘Pintatau'mo lia-lia', kalana bansa nu beleyum anu binoa mae nu beleyum nosabat lengkat mae i Mesir nombaumo anu ma'idek. Aha nolempangmo madi'mo nontuluti palentah-ngKu, ka' nombaumo patong da osombah.’

PO'ULE' INGULIT 9:16

Tinoangku na belemiu nolangkasakonmo palentah nu Tumpu Allah nu belemiu. Belemiu binaladosa'mo hi Tumpu kalana nombaumo sa'angu' na patong sapi' logam na tinutuk.

YOSUA 22:15

Sahingga tinokamo na aha kiijo' i kajojoongan nu tulunan nu bansa Ruben, Gad tiba tulunan nu bansa Manasye i da'erah Gilead.

TO MIA-MIAN KOPIAN 2:17

Panyo aha madi' montapali polaya' haha aijo'. Aha nonsombahmo to pilo-pilogot sangga'at, ka' madi'mo nohongo-hongo Tumpu. Aha madi'mo nontuluti sonto' nu mompolee' nu aha anu tulu-tulutan hi palentah nu Tumpu iwi-iwi'.

TO MIA-MIAN KOPIAN 8:24

Panyo lapas aijo' i Gideon po'ule' mule' notatae, “Ola sa'angu' na ku poita; anti-anting anu pinahuhuakon nu belemiu hi sampobali', na sabole-bole obee' mae miu iwi-iwi' hi belengku.” (Mian nu Midian biasanyo minganti-anting mosoni'; pokakana sumo to mia-mian sangga'at anu jojoong i padang bone'.)