NOSABATMO 32:6 - KITAB NU TUMPU ALLA LELE MA'IMAI'

⁶ Dodododopnyo subu-subu hondo, to mia-mian nu Israel nomboamo tino pia-piangkuka na potuu'on anu otunui bau koloban, ka' tino pia-piangkuka mule' na bau koloban mompodame. Aha sinumuhangmo ka' nongkaanmo ka' nonginumo lantas tinuminjomo ka' binasana-sanangmo.

NOSABATMO 32:6 ပူးပေါင်းရင်းမြစ်များ

NOSABATMO 32:5

Lantas i Harun nompotinjomo sa'angu' na mezbah i ahop nu sapi' mosoni' aijo' ka' nombebakonmo, “Dodop daagi' ko lamean bau pongadati Tumpu.”

AMOS 2:8

I tampat-tampat pogalejaan, mian haha aiyo' hoyot tiba baju' anu nu ala nu aha hi mian kasiasi pinombayan samaya'. I Laigan nu Tumpu, aha monginum anggur anu ingala hi mian anu ko samaya' hi aha.

AMOS 8:10

Iwi-iwi' na lamean nu belemiu Ku bali'i timbali mohangi anu silaka, ka' nyanyian nu belemiu timbalimo montando'i. Ku bauje na belemiu mongkiis bulu nu ubakum ka' mompake hude kalung pontandai molibosmo. Belemiu timbalimo susumo tina tuuma anu mohangi anaknyo anu sa'a-sa'angu'nyo sinilakamo. Sinaa aijo' kapupusannyo talalo hondo mompopolibos.”

NOMBILANGMO 25:2

To bou-boune ikiijo' lewa'mo nonsale'i da mamba i lamean monsombahkon koloban bau pongadati pilogot nu aha. Mian nu Israel suele nongkaanmo koloban aijo' ka' nonsombahmo pilogot nu aha mian Moab.

1 KORINTUS 10:7

Tiba mule' kita boli monsombah pilogot sumo anu binaumo nu sambagian na mian aijo' hi aha. I uno nu Kitab nu Tumpu tinulismo, “Saba' bansa aijo' nontampu'unimo mongkaan ka' monginum, ka' lewa'mo nonsalelei nonsombah pilogot.”

ANU PINOTO'I HI YOHANES 11:10

Anu jojoong i dunia lame'mo kalana sinilakamo na ua'aha na sakisi aijo'. Aha molame'akonmo ka' paim paka-pakatuanmo palasen, kalana ua'aha na nabi aijo' nompotokamo mae manjoo' na kasansala'an hi mian iwi-iwi' i dunia.