NOSABATMO 32:5 - KITAB NU TUMPU ALLA LELE MA'IMAI'

⁵ Lantas i Harun nompotinjomo sa'angu' na mezbah i ahop nu sapi' mosoni' aijo' ka' nombebakonmo, “Dodop daagi' ko lamean bau pongadati Tumpu.”

NOSABATMO 32:5 ပူးပေါင်းရင်းမြစ်များ

1 TOMU-TOMUNDO' 21:9

Sumo uuka na isi nu sulat aijo', “Bebakon hi mian iwi-iwi' da bapuasa' ka' palentah na aha da sihuk! I tampat kasihukan aijo' bee'i kasuhangan anu talasanggo hondo.

2 TOMU-TOMUNDO' 10:20

I Yehu nompalentahkonmo sumo uuka: “Osanggo na sinaa sa'angu' bau samata-mata ponsombah Baal!” Sahingga tinantukanmo nu mian na sinaanyo aijo',

2 TOMU-TOMUNDO' 16:11

Sahingga i Uzia nombaumo sa'angu' na mezbah tinihonyo susumo sonto' ka' sukatannyo anu tinalimanyomo aijo' ka' ma'isa pe'e i Ahas ninsusule' mae mezbah aijo' pinotimbalinyomo.

NOSABATMO 10:9

Tinaaman i Musa, “Kami iwi-iwi' mau anu daagi' to oli-olitau mau anu motu'amo. Oboa mami iwi-iwi' na anak mami, iwi-iwi' na sapi', domba ka' mee' mami, kalana kami tionyo mombau sa'angu' na lamean daka' bau pompopodaka' Tumpu.”

NOSABATMO 12:14

Sinaa aijo' tionyo ahi olame'akon nu belemiu salaku sinaa daka' pongadati Tumpu. Jadi tionyo ahi saja' olame'akon na sinaa aijo' sataun toka sataun.”

NOSABATMO 17:15

Lantas i Musa nompotinjomo sa'angu na mezbah ka' sinanggohannyomo “Tumpu aijo'mo na nompo untung aku Nahampate.”

NOSABATMO 32:4

I Harun nongalamo anti-anting haha aij'o, lantas pinoki tutuknyomo ka' pinoki baunyomo sa'angu' na patung susumo sapi'. Bansa aijo' notatae, “O Israel, aiyamo na pilogoto anu nolaya'mo mae kita nosabat lengkat mae i Mesir!”

NOSABATMO 32:6

Dodododopnyo subu-subu hondo, to mia-mian nu Israel nomboamo tino pia-piangkuka na potuu'on anu otunui bau koloban, ka' tino pia-piangkuka mule' na bau koloban mompodame. Aha sinumuhangmo ka' nongkaanmo ka' nonginumo lantas tinuminjomo ka' binasana-sanangmo.

HOSEA 8:11

Lebe manjoo' na mezbah anu nu bau nu mian Israel da pongalini dosa' panyo mompaka panjoo' mule' ahi' na tampat nu aha pombauan dosa'!

HOSEA 8:14

Aha mian nu Israel nombaumo iwi-iwi' laigan nu tomundo' panyo aha madi'mo nonginau' anu nompotimbalimo aha. Aha mian nu Yehuda nomponjoo'mo kota' anu ko bentengnyo panyo Ku tau'akonmo mae na apu da mompapui iwi-iwi' na laigan nu tomundo' haha aijo' tiba iwi-iwi' na kota' nu aha sampe mingkot.”

IMAMAT 23:2

mosia na atulannyo molame'akon agama, anu tionyo obebakon salaku sinaa anu Olame'akon monsombah Tumpu.

IMAMAT 23:21

Toka i sinaa aijo' belemiu tionyo ahi' sihukmo da monsombahmo Tumpu ka' madi'mo timbali mombau kalaja anu maboat. Atulan aijo' tionyo ahi' otuluti nu lee' nu belemiu sampe toka sidu-sidutu', maumo pa' iya mae na kajojoongan nu aha.

IMAMAT 23:37

Aijo'mo na sinaa molameanakon agama anu tinantukanmo nu Tumpu ka' anu tionyo ahi' obebakon nu belemiu. I sinaa molameanakon lamean aijo', belemiu tionyo ahi' mongadati Tumpu ka' sihukmo da monsombahmo ka' monsombahkonmo koloban kaanon, koloban anu opotunu, koloban anu obee' hi Tumpu, koloban binatang ka' koloban anggur konjoo'nyo sainsampa' anu opalalui sansina-sinaa.

IMAMAT 23:4

Aiyamo na sinaa anu olame'akon anu pinotataapmo nu Tumpu ka' tionyo ahi' obebakon i tempo'nyo anu tinantukanmo.

1 KORINTUS 5:8

Jadi imbo' da kita molame'akon bau-bauonto aijo' nu roti anu madi' ko raginyo, aijo'mo roti anu monggambanakon kabelesi'an ka' iwi-iwi' anu nuka'ima'i nu kinyonyoa nu Tumpu. Boli kita molame'akon bau-bauon nu Paskah aijo' nu roti anu ko raginyo pininmo, aijo'mo ragi nu dosa' tiba ka'idekan.

1 SAMUEL 14:35

Lantas pinotinjomo i Saul na mezbah da bau ponsomban Tumpu; aijo'mo na mezbah anu momona binaunyo.