NOSABATMO 32:4 - KITAB NU TUMPU ALLA LELE MA'IMAI'

⁴ I Harun nongalamo anti-anting haha aij'o, lantas pinoki tutuknyomo ka' pinoki baunyomo sa'angu' na patung susumo sapi'. Bansa aijo' notatae, “O Israel, aiyamo na pilogoto anu nolaya'mo mae kita nosabat lengkat mae i Mesir!”

NOSABATMO 32:4 ပူးပေါင်းရင်းမြစ်များ

1 TOMU-TOMUNDO' 12:28

Salatan tinimbalimo na han aijo', ia nombaumo ohua' na patong nu sapi' mosoni' na binau, lantas pinoto'inyomo hi mian da'isan, “O bansa Israel! Sukupmo na kopinyo belemiu saja' mamba i Yerusalem monsombah Tumpu. Uuka aiya, aiyamo na to pilo-pilogot nu belemiu anu nomboamo mae belemiu nosabat lengkat mae i Mesir.”

1 TOMU-TOMUNDO' 12:32

Lapas aitu imam haha aijo' pinaha pojoongmo i Yerobeam i Betel mokalaja kiijo' mae ka' ia suele nonsombahkonmo koloban hi sapi' mosoni' haha aijo' anu binaunyomo aijo'. Lantas tinantukannyomo de tangganmo sampulu' ka' olima' bitu'on ko ualu'nyomo, aijo'mo na sinaa daka' nu mian Israel, pokakanamo sumo sinaa daka' hi aha mian nu Yehuda. Toka sinaa aijo' i Yerobeam mambamo i Betel ka' monsombahkonmo koloban olame'akon sinaa daka' anu tinantukannyomo.

2 TOMU-TOMUNDO' 10:20

I Yehu nompalentahkonmo sumo uuka: “Osanggo na sinaa sa'angu' bau samata-mata ponsombah Baal!” Sahingga tinantukanmo nu mian na sinaanyo aijo',

2 TOMU-TOMUNDO' 10:29

Kalana aitu koonyo nu Tumpu hi Yehu sumo uuka, “Iwi-iwi' na anu pinalentahkon-Kumo hi beleyum mongkona lee' i Ahab binaumo nu beleyum. Kalana aijo' Aku balajanji' to maku-makumpu nu beleyum sampe toka-toka i lapisan anu ko opatnyomo na lee' nu beleyum aijo' na timbali bau tomundo' nu Israel.” Panyo i Yehu madi' talalo buke-buke na kinyonyoanyo montuluti atulan nu Tumpu, Tumpu Allah nu Israel. Ia nontulutimo apaa na anu binaumo i Yerobeam anu nonsaduakon mian nu Israel binaladosa'mo kalana nonsombahmo sapi' mosoni' anu pinotinjonyo i Betel tiba kiijo' i Dan.

2 TAWARIKH 11:15

I Yerobeam nosi hangkatmo to ima-imam anu mokalaja i iwi-iwi' na tampat ponsomban pilogot ka' monsombahmo to tinu-tinumpu ka' patong sapi' anu pinosi baunyo.

2 TAWARIKH 13:8

Jadi uuka aiya osangka nu belemiu, belemiu moko alamo mongewa kakuasa'an anu binee'mo nu Tumpu hi lee' i Daud, kalana suludadu nu beleyum manjoo' ka' belemiu ko to sapi-sapi' mosoni' anu pinotimbalimo i Yerobeam pilogot nu belemiu.

NEHEMIA 9:18

Aha nombaumo bapilogotan binau nu aha susumo sapi'. Lantas pinoto'imo nu aha, ‘Aiyamo na Tumpu Allah nu belemiu anu nomboamo mae belemiu lengkat i Mesir nonombotuanimo.’ O Tumpu Allah Belento ingalumo nu aha!

NOSABATMO 20:2

“Akumo na Tumpu Allah nu belemiu anu nomboamo mae belemiu nosabat lengkat i Mesir tampat nu belemiu binotuanan.

NOSABATMO 20:23

Boli belemiu mombau to pato-patong salaka kabai mosoni' da osombah nu belemiu bau pombolosi Aku.

NOSABATMO 20:4

Boli belemiu mombau patong anu sumo apa-apaa aita' i langit, i dunia kabai i uno nu uee i aluk nu dunia.

NOSABATMO 28:9

Ala na batu dalima ohua'. Lio na samian anu pande na montutuk mosoni' ka' pande na montulisi batu aijo' sanggo nu to ana-anak i Yakub anu sampulu' ka' ohua', otampu'uni hi utus tu'a, sa'angu' na batu anom na sanggo. Lantas ohua' na batu mainan aijo' tionyo ahi' opokona i bikoangnyo mosoni' ka' opokona i ponsegoti bikoang nu evod salaku bau pontandai sampulu' ka' ohua' na lee' mae nu tulunan Israel. Tiba jalan anu sumo aijo' i Harun momboamo sanggo nu aha i bikoangnyo, sahingga Aku, Tumpu, saja' monginau' aha.

NOSABATMO 32:1

Salatan bansa Israel nontoa i Musa pininmo hondo madi'mo sampa ninsusule' mae lengkat i bungkutnyo dagi' sabole-bole kiita' mae, aha sinihukmo hi Harun ka' notataemo hi ia, “Kita madi' monsumbu' pa' apaa na anu tinimbalimo hi Musa, mian anu nomboamo mae kita nosabat lengkat mae i Mesir; jadi bauimo mae na kami pilogot anu molaya' kami.”

NOSABATMO 32:24

Aku nompokaumo aha da mombee' mae anti-anting mosoni', lantas aha nombee'mo mae hi belengku. Iwi-iwi' na anti-anting haha aijo' sinuangkumo, lantas tinimbalimo sapi' aiya!”

NOSABATMO 32:3

Sahingga aha toto samian nompasi'akonmo anti-anting mosoni' ka' binoamo hi Harun.

NOSABATMO 32:35

Lantas Tumpu nompotokamo mae balaa' hi mian haha aijo' kalana aha nompakisamo i Harun nombau patong mosoni' aijo'.

NOSABATMO 32:5

Lantas i Harun nompotinjomo sa'angu' na mezbah i ahop nu sapi' mosoni' aijo' ka' nombebakonmo, “Dodop daagi' ko lamean bau pongadati Tumpu.”

NOSABATMO 32:7

Sahingga Tumpu notataemo hi Musa, “Pintudunmo lia-lia' kalana bansa nu belemiu i laya'mo nosabat mae lengkat i Mesir, nombaumo anu ma'idek.

NOSABATMO 32:8

Aha nombaumo anu madi' pinalentahkon-Ku. Aha nombaumo patong sapi' mosoni' na tinutuk, lantas sinombahnyomo ka' nonsombahkonmo koloban hi ia. Koonyo nu aha aijo'mo na pilogot nu aha anu nomboamo mae aha nosabat lengkat mae i Mesir.

YESAYA 30:22

Iwi-iwi na patong bapilogotan nu belemiu anu ilapisan nu salaka tiba mosoni' saidi' mae o, alinmo nu belemiu susumo duhehe ka' motatae, “Lako' pala'imo na aku!”

YESAYA 46:6

Mian mombuka'mo dompetnyo ka' mombulokmo mosoni'nyo, lantas montimbangmo salakanyo nu timbangan. Ia montamboimo tukang mosoni' da obaui patong anu bau bapilogotan, lantas nu sombahmo na patong anu pinoki baunyomo.

YEHEZKIEL 23:8

Ia me saja' nasala' susumo anu sola'mo binaunyo i Mesir u'utu mae pipinontampu'unannyomo ia madi'mo pinarawan. Daagi' pe'e ise-ise' ia sola'mo sinampoduhus ka' sola'mo binau salaku mian anu saja' masala'.

HOSEA 10:5

Mian anu jojoong kiijo' i kota Samaria mabuhukmo; aha tiba to ima-imam anu mongulus sapi' mosoni' kiijo' i Betel molibosmo ka' lewa'mo humang kalana kaholomatan nu pilogot nu aha aijo' imadi'anmo.

HOSEA 13:2

Sampe uuka aiya to mia-mian nu Efraim haha aijo' daagi saja mobau dosa' kalana aha nombaumo iwi-iwi' na patong salaka da osombah – patong anu tinanga'an nu akan nu mian ka' binau nu lima nu manusia. Aha notatae, “Sombahkonmo na koloban hi patong haha aiya!” Madi' minsoop i akan na mian mongooki patong anak nu sapi'!

SISIKON NU TO RASUL-RASUL 17:29

Jadi, kalana kita to ana-anak-Nyo, kita madi' timbali monsangka Tumpu pokakana sumo patong mosoni' na binau kabai salaka kabai batu anu binau pokakana sumo kapandean nu mian.

SISIKON NU TO RASUL-RASUL 7:41

Lantas tempo'nyo aitu aha nombau sa'angu' na patong anak nu sapi', lapas aitu aha nonsombahkonmo koloban i patong aijo' ka' nombau-bauon ponsombah anu pinosi bau nu aha aijo'.

1 KORINTUS 10:7

Tiba mule' kita boli monsombah pilogot sumo anu binaumo nu sambagian na mian aijo' hi aha. I uno nu Kitab nu Tumpu tinulismo, “Saba' bansa aijo' nontampu'unimo mongkaan ka' monginum, ka' lewa'mo nonsalelei nonsombah pilogot.”

PO'ULE' INGULIT 9:16

Tinoangku na belemiu nolangkasakonmo palentah nu Tumpu Allah nu belemiu. Belemiu binaladosa'mo hi Tumpu kalana nombaumo sa'angu' na patong sapi' logam na tinutuk.

TO MIA-MIAN KOPIAN 8:24

Panyo lapas aijo' i Gideon po'ule' mule' notatae, “Ola sa'angu' na ku poita; anti-anting anu pinahuhuakon nu belemiu hi sampobali', na sabole-bole obee' mae miu iwi-iwi' hi belengku.” (Mian nu Midian biasanyo minganti-anting mosoni'; pokakana sumo to mia-mian sangga'at anu jojoong i padang bone'.)

TO MIA-MIAN KOPIAN 8:27

Mosoni' haha aijo', binau i Gideon sa'angu' na patong bapilogotan lantas pino'una'nyomo i kampungnyo, aijo'mo i Ofra. Aha mian nu Israel iwi-iwi' mamba mokiijo' monsombah patong bapilogotan sahingga aha madi'mo daagi' nontapali Tumpu Allah. Ka' aijo' tinimbalimo salaku sumo so'o hi Gideon tiba hi aha sa'anakan.