NOSABATMO 32:32 - KITAB NU TUMPU ALLA LELE MA'IMAI'

³² Sana-sanang pe'e mae na mongampuni dosa' nu aha; de madi', yo alinimo na sanggongku i kitab nu to mia-mian anu tumuu'?”

NOSABATMO 32:32 ပူးပေါင်းရင်းမြစ်များ

2 SAMUEL 18:33

Nohongo aijo' i tomundo' sinusa'mo hondo ka' nolibosmo lantas ia noliba'mo no kiita iloteng nu sabatan daka' nu kota' itampat anu lewa' kasuhangan ka' lewa'mo hangi ka' nontando'i, “O, anaku! Anaku Absalom! Absalom anaku! Sahanyo aku na sinilaka pinombolosi beleyum, anaku! Absalom anaku!”

MAZMUR 139:16

Nutoa nu Belento na aku tempo'nyo aku daagi' kandu-kandung hitinangku, iwi-iwi' tinulismo i uno nu kitab nu Belento; iwi-iwi' na sinaa polo'mo tinantukan mau ma'isa pe'e ko anumo sa'angu' na tinampu'unankumo pinotimbali.

MAZMUR 56:8

Pa' daagi' mule' ko kasalamatan na aha anu lewa'mo mombau anu ma'idek? Tambuha'imo na aha ka' silakai-Mo, o!

MAZMUR 69:28

Bakas da kasala'an nu aha mompaka pintuangmo boli mompototu'u aha.

NOSABATMO 32:10

Boli soba-soba monggagakon anu Ku palentahkon. Aku pinusamo hi aha ka' nonsilakaimo aha. Panyo beleyum ka' lee' nu beleyum Ku potimbalimo sa'angu' na bansa anu daka'.”

YESAYA 4:3

Batu-batu mian anu daagi' tinasisa i Yerusalem, ka' mule' aha to mia-mian anu pinile'anmo nu Tumpu da oposalamat, osanggohimo sinusi'mo.

YEHEZKIEL 13:9

Aku mohukumo belemiu, o, to nabi-nabi anu nontaloakonmo kila-kila'an anu leko' samata-mata ka' sola' mompotutugakon iwi-iwi na anu tinoa! Belemiu madi'mo timbali mombee'i kaputusan i uno nu rapat-rapat nu aha mian anu palesayamo hi beleng-Ku. Sanggo nu belemiu ogarismo i uno nu daftar nu aha mian Israel ka' mule' belemiu madi'mo daagi' minsusule' itano' kinahampean nu belemiu. Sahingga nu sumbu'je nu belemiu taalu' Akumo ahi' na Tumpu Anu Matangkas na Kuasanyo.

DANIEL 12:1

Malaekat nu nompusok baju' lenan aijo' po ule' mule' notatae, “Tempo'nyo aijo' tokamo mae na malaekat anu daka' na kuasanyo i Mikhael anu monjagai bansa nu belemiu. Lapas aitu tokamo na tempo' nu kasusa'an anu madi' ko'anu pokakana salatanmo pe'e kino to bansa-bansamo, panyo iwi-iwi' na mian anu atina' hi bansa nu belemiu anu sanggonyo tinulismo i uno nu kitab nu Tumpu Allah, atina na oposalamat.

AMOS 7:2

Kihi-kihi' haha aijo' boli' nongkaanmo iwi-iwi' na anu sinu'an i tano'. Lantas aku notatae, “Tumpu Anu Matangkas na Kuasanyo, ampuniakon na mian anu palesayamo hi Belento Aha talalo ise' ka' lupe, mosia na timbali aha moko ala montahan?”

MALEAKHI 3:16

Lantas aha to mia-mian anu mongkabuhuk Tumpu notatae hi samian ka' samian. Nu hongo nu Tumpu ka' mule' nu palahatikan apaa na anu nu taloakon nu aha. To mia-mian anu moholomati Ia ka' mule' mongkabuhuk Ia otulismo na sanggo-Nyo, i sa'angu' na kitab anu bau pontulisan anu kiita i ahop-Nyo.

MALEAKHI 3:17

Tumpu Anu Daka' na Kuasanyo notataemo, “Aha timbalimo mian anu palesayamo hi beleng-Ku. Toka isinaanyo Aku momputusimo aha timbalimo. Aku na Tumpunyo ka' Ku kalibosimo. Kukanonongimo na aha, susumo samian na tuuma mongkanonongi anak anu tulu-tulutan hi Ia.

NOMBILANGMO 11:15

De Tumpu saja' mombau aku sumo aiya, paya'mo na aku; sahanyo pateimo mae na aku lia-lia' da aku madi'mo mongoa'i kasansala'an anu sumo aiya.”

NOMBILANGMO 11:25

Lantas Tumpu nintatau'mo mae i kundom ka' notataemo hi Musa. Tumpu nongalamo sambagian na kakuasa'an anu binee'-Nyomo hi Musa lantas binee'-Nyomo hi aha pitumpulu' na polaya' aijo'. Salatan Roh nu Tumpu aijo' nintatau'mo hi aha, nontampu'unimo na aha lewa' notatae susumo nabi, panyo madi' pinin.

NOMBILANGMO 14:19

Uuka aiya Tumpu, kalana daka' na kalibosan nu Belento ka' Belento sabole-bole montoongi janji' nu Belento, ku kakase ampuniakon mae na dosa' nu mian haha aiya susumo Belento nongampunimo aha salatanmo pe'e aha nompala'i mae tano' nu Mesir.”

LUKAS 10:20

Mau mule' sumo aijo', boli bilahi kalana to roh-roh ma'idek mohongo-hongomo komiu. Sahanyo komiu bilahi kalana sanggoum tinulismo i suluga'.”

LUKAS 23:34

Lantas i Yesus binalado'a, “Tuuma, ampuniakon na aha! Madi' sinumbu' nu aha pa' apaa na anu binau nu aha.”

ROMA 9:3

kalana to Utu-utusku anu sa'a-sa'angu' na bansa tiba aku. Kalana monginau' aha, aku sanaang na nukutuki nu Tumpu ka' oga'atakon hi Kristus.

PO'ULE' INGULIT 25:19

Mokonyo aijo' de Tumpu Allah nu belemiu mombee'mo lipu' aijo' hi belemiu ka' iwi-iwi' na sampobali' nu belemiu anu kiijo' mae montikubi belemiu madi'mo mompoposia belemiu iwi-iwi' na mian nu Amalek aijo' tionyo ahi' opatei miu sahingga aha madi'mo lewa' o inau'. Boli okolilimi!”

PO'ULE' INGULIT 29:20

Tumpu madi' mongampuni mian anu susumo aijo'. Panyo ola ahi' mohumpakmo tambuha' nu Tumpu anu taha-tahahumo, ka' iwi-iwi' na balaa' anu tinulismo i kitab aiya mongkonamo ia, sahingga ia nupateimo nu Tumpu.

PO'ULE' INGULIT 9:14

Boli soba-soba mongewa Aku. Ku silakaimo na aha, sahingga aha madi'mo daagi' o'inau'. Panyo beleyum Ku potimbalimo Tuuma nu sa'angu' na bansa anu lebe da'isan ka' lebe mahoson molingkudui aha.’

FILIPI 4:3

Toka hi sangalungku anu momo' hongo-hongo ku poita suele da kita Utus montulungi ua'-ua'aha na boune aijo'. Aha nokalajamo totu-totu'u tiba aku, nombebakon Lele Ma'ima' anu lengkat mae hi Tumpu; pokakana sumo i Kelemen ka' iwi-iwi' mian sangga'atan anu nokalajamo hingga-hinggat tiba aku. Sanggo nu aha haha aijo' daagi'mo i uno nu Kitab nu Mian Tumuu'.

ANU PINOTO'I HI YOHANES 17:8

Binatang aijo' naipuan mae toho'mo tinumuu', panyo uuka aiya madi'mo daagi' tinumuu'. Madi'mo pin na ia mosabatmo mae lengkat i keles kapatean ka' mambamo monsolok kapatean. To mia-mian anu tumuu' i dunia, anu sanggonyo madi' tinulis i uno nu Kitab nu Mian Tumuu' ma'isa pe'e dunia pinotimbali, tantu bangangmo de montoamo binatang aijo'. Kalana binatang aijo' naipuan mae toho'mo tinumuu'. Tempo' uuka aiya ia madi'mo daagi' tinumuu', panyo ia po'ule'je lubat.

ANU PINOTO'I HI YOHANES 21:27

Panyo mian anu mombau hahan anu pahengas kabai mian anu baleko' – o ala kodo-kodo' mau mule' apaa na anu mahenyu, madi' hondo-hondo minsoop i unonyo. Anu minsoop ola ahi' mian anu sanggonyo kiijo' tuli-tulis i uno nu Kitab nu Mian anu Tumuu', Kitab Anak nu Domba aijo'.

ANU PINOTO'I HI YOHANES 22:19

Ka' de mian mongga'ai apa-apaa na potatae haha aiya anu saidi' mae jadi, apaa na anu pinoto'imo nu Tumpu, saba' Tumpu Allah suele mongga'aije bahagiannyo anu tinulismo i uno nu kitab aiya – aijo'mo bahagian lengkat i kau' kantumuu'an, ka' lengkat i Kota Susi' aijo'.

ANU PINOTO'I HI YOHANES 3:5

Hi aha anu inguntungmo i uno nu kasabalan opopakeje na juba' mopute'. Sanggo nu aha madi'mo ohapus i Kitab nu Mian Tumuu'. Ka' i ahop nu Tuumang-Ku ka' to mala-malaikat-Nyo Ku Akuije na aha atina', Akumo na tumpu-Nyo.