NOSABATMO 32:31 - KITAB NU TUMPU ALLA LELE MA'IMAI'

³¹ Lantas i Musa po'ule' mule' namba nangadap hi Tumpu ka' notatae, “Bansa aijo' nombaumo dosa' anu daka' hondo. Aha nombaumo pilogot mosoni' na binau.

NOSABATMO 32:31 ပူးပေါင်းရင်းမြစ်များ

EZRA 9:15

O Tumpu, Tumpu Allah Israel, belento adin panyo maumo sumo aitu opobee' ahi' nu Belento na kami tumuu'. O akui mami na kasala'an mami hi belento; kami madi'mo ko hak toka mangadap hi ahop nu Belento.”

NEHEMIA 9:18

Aha nombaumo bapilogotan binau nu aha susumo sapi'. Lantas pinoto'imo nu aha, ‘Aiyamo na Tumpu Allah nu belemiu anu nomboamo mae belemiu lengkat i Mesir nonombotuanimo.’ O Tumpu Allah Belento ingalumo nu aha!

NEHEMIA 9:33

Kaputusan nu Belento adin, Belento nohukumo kami anu binaladosa'mo; Belento sabole-bole ahi' monginau' kami, maumo kami saja'mo nongoa'i kasansala'an.

NOSABATMO 20:23

Boli belemiu mombau to pato-patong salaka kabai mosoni' da osombah nu belemiu bau pombolosi Aku.

NOSABATMO 20:4

Boli belemiu mombau patong anu sumo apa-apaa aita' i langit, i dunia kabai i uno nu uee i aluk nu dunia.

NOSABATMO 32:30

Dodododopnyo i Musa notataemo hi bansa aijo', “Belemiu nombaumo dosa' anu daka' hondo. Panyo uuka aiya aku po'ule'mo mindako i bungkutnyo aijo' mangadap hi Tumpu; o'amalakon mae da aku mohumpak ka'ampunan nu dosa' nu belemiu.”

NOSABATMO 34:28

Patompulu' na sinaa ka' patompulu' na pihi na i Musa jinojoongmo ikiijo' tiba Tumpu, ka' tempo'nyo aijo' ia madi'mo nongkaan ka' madi'mo nonginum. Onyi' nu potatae nu palajanjian aijo', aijo'mo Sampulu' na Palentah nu Tumpu Allah anu tinulisnyomo i kobakan nu batu.

DANIEL 9:11

Songko-songko na Israel nolanggaimo iwi-iwi' na atulan nu Belento ka' madi' mongka'oho' mompotombihing potatae nu Belento. Kami binaladosa'mo hi Belento kalana aijo' binee'anmo mae nu belento kutuk na kami susumo anu tinulismo i Kitab i Musa posaihon nu Belento.

DANIEL 9:5

Kami binaladosa'mo ka' mule' nombaumo palabuatan anu ma'idek ka' mule' nombaumo kasala'an. Kami noto muhukmo ka' mule' nolanggaimo palentah nu Belento ka' mule' madi'mo nontuluti iwi-iwi na atulan nu Belento.

DANIEL 9:8

To tomu-tomundo' mami, to pola-polaya' tiba aha mompolee' mami nonombaumo hahan anu moko ambang ka' mule' binaladosa'mo hi Belento o, Tumpu.