NOSABATMO 32:25 - KITAB NU TUMPU ALLA LELE MA'IMAI'

²⁵ Sinumbu'mo i Musa taalu' i Harun nompojohokmo bansa Israel susumo ajahan nolapasmo i uno nu pangkunnyo, sahingga aha tinimbalimo anu saja' okokojoi nu sampobali' nu aha.

NOSABATMO 32:25 ပူးပေါင်းရင်းမြစ်များ

KAJADIAN 3:10

Mo'ane aijo' nontaami, “I hongongkumo na Belento i taman, aku nabuhukmo, jadi aku naninsulukmo kalana langgo.”

1 TOMU-TOMUNDO' 12:28

Salatan tinimbalimo na han aijo', ia nombaumo ohua' na patong nu sapi' mosoni' na binau, lantas pinoto'inyomo hi mian da'isan, “O bansa Israel! Sukupmo na kopinyo belemiu saja' mamba i Yerusalem monsombah Tumpu. Uuka aiya, aiyamo na to pilo-pilogot nu belemiu anu nomboamo mae belemiu nosabat lengkat mae i Mesir.”

1 TOMU-TOMUNDO' 14:16

Nu pala'imo nu Tumpu na Israel kalana i Yerobeam binaladosa'mo sahingga nonsaduakonmo suele Israel binaladosa'mo.”

2 TAWARIKH 28:19

Kalana tomundo nu Yehuda i Ahas nohikumo Tumpu, ka' madi'mo nompalentah mian da'isan susumo anu pantas ahi' nu bau, sahingga Tumpu nompotokamo mae kakuasa'an i Yehuda.

NOSABATMO 32:26

Sahingga tinuminjomo na ia i ahop nu sabatan daka' nu Kemah ka' noloboo', “Ihe na mongka'ima'i Tumpu sabole-bole toka mae aiya!” Sahingga tinokamo mae na tulunan nu bansa Lewi sinihukmo hi Musa,

AMSAL 29:18

Bansa anu madi' nohumpak pangajalan lengkat mae hi Tumpu, timbali bansa anu saja' mombau kahengge'an. Mohumpak kabilahian kantumuu'an namian anu tulu-tulutan hi atulan nu Tumpu.

YESAYA 47:3

Da nu toa nu mian na beleyum ilanggo'mo, o, alumo ka' opopo ambangmo. Ku balosakonmo na idek nu kinyonyoang-Ku hi beleyum, ka' madi'mo daagi' ko samian na Ku pobebas.”

YEREMIA 5:5

Sahanyo aku mamba hi aha to pama-pamalentah ka' mompoto'i hi aha. Tantu nu sumbu' nu aha apaa na nu kahanda'i tiba nu tuntut nu Tumpu Allah hi aha.” Panyo aha iwi-iwi' suele madi' ahi' mongka'oho' nu palentah nu Tumpu; aha madi' mongka'oho' montuluti Ia.

YEHEZKIEL 16:63

Ku ampunimo na kasala'an nu beleyum iwi-iwi', panyo beleyum na madi' ahi' mongkolilimi ka' beleyum ma ambangmo na montaloakon maumo pa' apaa. Aku, Tumpu Anu Matangkas na Kuasanyo notataemo.”

DANIEL 12:2

Manjoo' na anu sinilakamo anu aijo' hi aha panyo po ule'mo opotumuu'; sambagian na molasai kantumuu'an anu sampe toka sidu-sidutu' ka' sambagian mule' na molasaimo kasansala'an ka' apa-apaa na anu okabuhuk hondo, sampe toka sidu-sidutu'.

HOSEA 2:3

De ia tataap masala', Ku ukatakonmo na baju'nyo da ia langgo' susumo ia salaje i hampeakon. Ku pojadije na ia susumo tano' anu kinuunmo, ka' nategesmo, ia natemo nu megot.

MIKHA 1:11

Belemiu mian anu jojoong i Safir, lako'mo i tampat pomboan ka' pompojoongan bolimo pilenje mibaju' ka' pa'ambangmo! Aha mian nu Zaanan madi'mo baani na mosabat lengkat i kota' nu aha. Kihis nu mian anu jojoong i Bet-Haezel momposumbu' hi belemiu saba' ikiijo' mae madi'mo ko anu montulungi.

ROMA 6:21

Tempo'nyo aitu ka'untungan apaa na anu tinalima miu i hahan uuka aiya oka'ambangakon miu na o bau? Bauon haha aijo' ola momboa i kapatean!

PO'ULE' INGULIT 9:20

Tumpu notambuha'mo hondo suele hi Harun, sahingga kahanda'mo Nu patei, panyo aku nondo'akonmo ia.

ANU PINOTO'I HI YOHANES 16:15

“Potombihing mae! Aku toka mae sumo anu montomang! Mohumpak ka'ima'an na mian anu tataap mosadia ka' monjaga baju'nyo, sahingga ia madi' langgo' na lumajang, ka' ma'ambangmo i ahop nu mian da'isan!”