NOSABATMO 32:12 - KITAB NU TUMPU ALLA LELE MA'IMAI'

¹² De Belento monsilakaimo aha nutaloakonmo nu mian Mesir tukoonyo nu aha belento nolaya' mae bansa aijo' nosabat nolengkat mae i Mesir da opatei na aha i bungkutnyo ka' monsilakai aha iwi-iwi'. Boli sumo aijo'.

NOSABATMO 32:12 ပူးပေါင်းရင်းမြစ်များ

KAJADIAN 6:6

Ia nompele-pele'mo na nombau aha ka' nompojoong aha i dunia. Ia talalomo hondo nompele-pele',

1 TOMU-TOMUNDO' 8:51

Aha mian anu pinalesayamo hi Belento anu binoamo mae nu belento nosabat lengkat i Mesir lipu' anu pinonsansala'an aha.

EZRA 10:14

De timbali da to pola-polaya mami na jojoong pe'e i Yerusalem mongulus palakala aijo'. Lantas toto samian anu jojoong kota' mami, anu ko bengkele'nyo bansa nu aha salipu'an, atina' na toka mae i sa'angu' na tempo' anu otantukan, tiba to pola-polaya' nu aha, ka' to mia-mian kopian nu aha i kota' nu aha toto samian.

MAZMUR 106:45

Kalana nonginau' aha, ia tinonginau'mo i palajanjian-Nyo ka' nongkalibosimo aha kalana daka' hondo na kalibosan-Nyo.

MAZMUR 74:18

Inau'akon mae mosia na anu monsampobali' mae kami nongalumo Belento, o, Tumpu, bansa anu madi' monsumbu' Belento nompisala'imo sanggo nu Belento.

MAZMUR 78:38

Panyo Tumpu mongkalibosi ka' mongampuni mian anu palesayamo hi Ia, ka' madi'mo nompatei aha. Saja'mo ia nongintim tambuha'-Nyo, ka' madi' ahi' mompotudun pusanyo.

MAZMUR 85:3

Belento nongampuni dosa' iwi-iwi' nu mian anu palesayamo hi Belento; ingampunanmo nu Belento na kasala'an nu aha iwi-iwi'.

MAZMUR 90:13

O, Tumpu, sampe toka hipian na Belento motambuha'? Po'ule'mo mae toka ka' kalibosiakonmo mae na to posa-posaihon nu Belento haha aiya.

NOSABATMO 32:14

Sahingga Tumpu nombee'imo tanga'annyo ka' madi'mo daagi' nompotoka balaa' anu tinanga'an-Nyomo da mongkona bansa aijo'.

NOSABATMO 33:13

Desumo aijo', yo poto'imo mae mosia na tanga'an nu Belento o Tumpu, da ku bau apaa na anu opalentahkon nu Belento ka' saja' momposanang kinyonyoa nu Belento. Ka' suele o inau' mae saba' bansa aiya pinile'anmo nu Belento, belentomo na tumpu-Nyo.”

YESAYA 64:7

Madi'mo ko anu balado'a hi Belento, kabai mongkakase da otulungi nu Belento kalana pinosulukmo nu Belento na ohup nu Belento da madi' otoa mami, ka' mule' nompojohokmo kami da osilakaimo nu dosa' mami.

YESAYA 64:8

Panyo Belentomo ahi' na Tuuma mami, kami tano' ponto na pinotimbali, ka' Belentomo ahi' na nontali' ka' Belento na nompotimbali.

YEREMIA 28:16

Kalana aijo' posi Tumpu ahi' na nompoto'imo mae tukoo-Nyo beleyum Nu pateimo da madi'mo daagi' ko anu i dunia aiya. Taunmo aiya na beleyum silakamo, kalana beleyum nompokaumo bansa aiya da madi'mo montuluti Tumpu.”

YEHEZKIEL 20:14

Panyo aijo' madi' binaung-Ku kalana monginau' kaholomatan nu sanggong-Ku, da sanggong-Ku boli mae o'alu nu to bansa-bansa anu nontoa mae Aku nomboa mae aha Israel nosabat lengkat mae i Mesir.

YEHEZKIEL 20:22

Panyo aijo' madi' binaung-Ku kalana monginau' da sanggong-Ku boli mae o'alu nu to bansang-bansang anu nontoa mae Aku nomboa mae aha Israel nosabat lengkat mae i Mesir.

YEHEZKIEL 20:9

Panyo aijo' madi' binaung-Ku da sanggong-Ku boli mae o'alu nu to bansa-bansa itampat kajojoongan nu aha. Kalana i ahop nu bansa haha aijo' Aku nombebakonmo tukoong-Ku bansa Israel Ku sabatakonmo lengkat i Mesir.

YOËL 2:17

Pokau na to ima-imam anu montuluti palentah nu Tumpu, haangmo atina' i olot nu mezbah ka' i gandalia i ahop, ka' motatae, “Kalibosi na mian anu palesayamo hi Belento boli opojohok na anu nu belento dumo timbali anu moko ambang.” Sahingga to bansa-bansa sangga'at monsindin ka' motatae, “Iya mae na Tumpu nu aha?”

AMOS 7:3

Tumpu nombabali'imo tanga'an-Nyo ka' notatae, “Anu tinoa nu beleyum aijo' madi'mo daagi' jadi.”

AMOS 7:6

Tumpu nombabali'imo tanga'an-Nyo ka' motatae, “aiya mule' madi' ahi' timbali.”

YUNUS 3:9

Ihe na monsumbu' Tumpu mombabali'imo niat-Nyo ka' madi'mo daagi motambuha' sahingga kita madi'mo silaka!”

ZAKHARIA 8:14

Tumpu Anu Daka na Kuasanyo notataemo, “Tempo'nyo mompolee' nu belemiu nonsaduakonmo Aku da pinusa, tinantukan-Kumo da opiboatimo na mohukum aha. Aku madi'mo mombabali'i katantuan-Ku aiya, panyo osidahimo ahi'.

NOMBILANGMO 14:19

Uuka aiya Tumpu, kalana daka' na kalibosan nu Belento ka' Belento sabole-bole montoongi janji' nu Belento, ku kakase ampuniakon mae na dosa' nu mian haha aiya susumo Belento nongampunimo aha salatanmo pe'e aha nompala'i mae tano' nu Mesir.”

NOMBILANGMO 16:21

“Pala'i na mian haha aijo'; Ku pateimo na aha uuka aiya.”

PO'ULE' INGULIT 13:17

Pakakas haha aijo' anu kinutukanmo madi'mo timbali opo'una' da bau pakakas miu, panyo tionyo ahi' o ideimo hondo totu-totu'u. Da madi'mo Tumpu motambuha' ka' Ia mongkalibosimo belemiu. Ia mongkanonongimo belemiu ka' mompotimbalimo belemiu bansa anu daka' susumo anu jinanji'-Nyomo hi mompolee' nu belemiu,

PO'ULE' INGULIT 32:36

Tumpu momposalamatmo mian anu pinalesayamo hi Ia ka' mongkalibosimo to posa-posaihon-Nyo, de Nu toamo na aha madi'mo moko ala mombau apa-apaa ka' madi'mo ko kahosonan.

PO'ULE' INGULIT 9:28

De mian nu Belento o hopu'imo nu Belento, saba' mian nu aha Mesir motataeje tukoonyo nu aha Belento madi' moko ala momboa bansa nu Belento mokiijo' i lipu' anu jinanji'mo nu belento hi aha, ka' Belento nomboamo mae aha i padang bola, da opatei na aha, kalana belento nongka'idekimo aha.

YOSUA 7:26

Lapas aijo' tinabuhanmo nu aha nu batu jonjoo' na tampat aijo' sampe sinaa aiya daagi' ko anu ikiijo'. Mokonyo aijo' tampat kiijo' daagi' osanggohi Bangka'nyo nu Kasusa'an. Sahingga Tumpu madi'mo notambuha'.

YOSUA 7:9

Mian nu Kana'an ka' iwi-iwi' mian sangga'at i da'erah aiya mohongomo apaa na anu jinadimo aijo'. Aha montumbuhimo mae ka' mompateimo kami iwi-iwi'! Lantas apaamo na anu obau nu belento Tumpu da kita sabole-bole ahi' o angga'i?”

1 SAMUEL 12:22

Tumpu binasumpa'mo, tukoonyo, Ia madi' mompala'i belemiu kalana tinantukan-Nyomo da belemiu opotimbalimo mian anu palesayamo hi Ia.