NOSABATMO 32:10 - KITAB NU TUMPU ALLA LELE MA'IMAI'

¹⁰ Boli soba-soba monggagakon anu Ku palentahkon. Aku pinusamo hi aha ka' nonsilakaimo aha. Panyo beleyum ka' lee' nu beleyum Ku potimbalimo sa'angu' na bansa anu daka'.”

NOSABATMO 32:10 ပူးပေါင်းရင်းမြစ်များ

KAJADIAN 12:2

Ku ponjoo'je na lee' nu beleyum ka' aha timbalije bansa anu daka'. Ku balakatije na beleyum ka' mompotimbali sanggo nu beleyum talasanggo, sahingga beleyum timbalije balakat.

MAZMUR 106:23

Sahingga Tumpu kinoniatmo da opateimo na mian anu palesayamo hi Ia, panyo tinewa'mo i Musa mian anu pinile'an-Nyomo aijo'. I Musa na nombisalai aha poti-potimbiha', sahingga Tumpu madi'mo pinusa.

NOSABATMO 22:24

Pusamo na Aku ka' Ku pateimo na belemiu i uno nu pahampatean, sahingga to bengke-bengkele' nu belemiu balumo, ka' to ana-anak nu belemiu unonmo.

NOSABATMO 32:11

I Musa nongkakasemo hi Tumpu Allahnyo, ia notatae, “O Tumpu kadaka' Belento mombaumo sumo aijo' hi aha? Te misa' Belento nomposalamatmo aha lengkat mae i Mesir nu kakuasa'an ka' kahosonan anu daka'?

NOSABATMO 32:19

Salatan i Musa ingohanimo kiijo' i pinombauan Kemah, tinoanyomo na sapi' mosoni' aijo' ka' to mia-mian hau-haunyo monsalelei sahingga ia notambuha'mo. Ikiijo'mo, i tengke nu bungkutnyo aijo', na i Musa nonsapahakon batu anu binoanyo mae aijo' sahingga nohimpunyumo toto sahintik.

NOSABATMO 33:3

Belemiu mambamo mokiijo' i tano' anu kaya ka' molumba'. Panyo Aku madi' mamba tiba belemiu da belemiu madi' Ku silakai i tonga' nu jalan, kalana belemiu te bansa anu panggaga hondo.”

YEREMIA 11:14

Kalana aijo' Yeremia bolimo mondo'akon aha kabai momoita tulung hi beleng-Ku da otulungi na aha! De aha nutokaimo nu kasusa'an ka' momoitamo mae tulung hi beleng-Ku, saba' Aku madi'mo ahi' mohongo-hongo aha.”

YEREMIA 14:11

Tumpu notataemo mae hi belengku, “Bolimo mae momoita hi belengku da otulungi na mian haha aijo'.

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

YEREMIA 7:16

Tumpu notatae, “O Yeremia boli mondo'akon mian haha aiya. Boli momoita tulung kabai mondoa'kon aha; boli mae montetengakon hi beleng-Ku kalana Aku madi' mohongo apaa na anu opoita nu belemiu atina'.

YEHEZKIEL 20:13

Panyo ipadang tampat anu kaho bone'nyo aijo' suele ahi' aha madi' mohongo-hongo mae Aku. Aha nolanggaimo iwi-iwi na palentah-Ku ka' madi'mo daagi' nontalima atulan-Ku, anu nompatikolomo tukoonyo mian anu montuluti aijo' tataap tumuu'. Aha talalomo nohumimi'i sinaa nu Sabat. Kalana aijo' ipadang tampat anu kaho bone'nyo Aku sabenannyo mompotudunmo ahi' tambuha'-Ku hi aha ka' monsilakaimo aha.

NOMBILANGMO 14:12

Ku silakaimo na aha nu panyakit anu molele! Panyo beleyum Ku potimbalimo Tuuma nu sa'angu' na bansa anu lebe daka' ka' lebe mahoson molingkudui aha!”

NOMBILANGMO 16:21

“Pala'i na mian haha aijo'; Ku pateimo na aha uuka aiya.”

NOMBILANGMO 16:22

Panyo i Musa ka' i Harun tinolodadupu nonsombah ka' notatae, “O Tumpu Allah, Belentomo na anu nombee'i mae kantumuu'an hi iwi-iwi' na anu tumuu'. De ola samian na anu baladosa', pa' Belento montambuha'imo mian iwi-iwi'?”

PO'ULE' INGULIT 9:14

Boli soba-soba mongewa Aku. Ku silakaimo na aha, sahingga aha madi'mo daagi' o'inau'. Panyo beleyum Ku potimbalimo Tuuma nu sa'angu' na bansa anu lebe da'isan ka' lebe mahoson molingkudui aha.’

PO'ULE' INGULIT 9:19

Ku kabuhuk na tambuha' nu Tumpu anu tala-talalomo hondo hi belemiu sahingga belemiu kahanda'mo sinilakan-Nyo, panyo uuka aiya Tumpu daagi' nohongo aku.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.