NOSABATMO 32:1 - KITAB NU TUMPU ALLA LELE MA'IMAI'

¹ Salatan bansa Israel nontoa i Musa pininmo hondo madi'mo sampa ninsusule' mae lengkat i bungkutnyo dagi' sabole-bole kiita' mae, aha sinihukmo hi Harun ka' notataemo hi ia, “Kita madi' monsumbu' pa' apaa na anu tinimbalimo hi Musa, mian anu nomboamo mae kita nosabat lengkat mae i Mesir; jadi bauimo mae na kami pilogot anu molaya' kami.”

NOSABATMO 32:1 ပူးပေါင်းရင်းမြစ်များ

KAJADIAN 19:14

Lantas i Lot nambamo nompahakabot ua'aha na dohoi nu anaknyo, anu ua'aha aijo', ka' nompoto'i, “Sampamo posabatpala'imo na tampat aiya, kalana nuhopu'imo nu Tumpu.” Panyo aha nonsangka i Lot ola basedu'.

KAJADIAN 21:26

I Abimelekh notatae, “Aku madi' nonsumbu' pa' ihe na nombau han aijo'. Ma'isa toho mae pinoto'i nu beleyum hi belengku, u'ukaje aiya na aku nohongo mongkona han aijo'”.

KAJADIAN 39:8

I Yusuf madi' mongka'oho' sahingga ia notataemo hi ia, “Momoita ampun, hi belento bengkele' nu tomundo, i tuan Potifar nompotoongmo iwi-iwi' na halata'nyo hi belengku. Ia madi' mo daagi' palalu mompotutugakon apa-apaa i laigan aiya.

KAJADIAN 44:15

Lantas notataemo na i Yusuf, “Apaamo na anu binaumo nu belemiu aiya? Madi' osumbu' nu belemiu na mian anu susumo aku aiya daagi' ko ilimu' anu madi' otoa, timbali monsumbu' hahan anu ma'idek anu binaumo nu belemiu?”

KAJADIAN 44:4

Aha ma'isa majo'on lengkat i kota aijo', tempo'nyo aijo' i Yusuf notataemo hi kapala nu anu mongulus laigannyo, “Lia-lia' loloi' na mian haha kiijo'. De osampamo, taloakon hi aha, 'Kadaka' komiu nombalosimo ka'ima'an nu ka'idekan?

MAZMUR 106:19

I Bungkutnyo nu Sinai aha nonsuangmo mosoni' binau susumo anak nu sapi', ka' nonsombahmo patong anu sinuangmo aijo'.

NOSABATMO 13:21

De sinaa Tumpu lumajang momona i ahop nu aha nu hohungi nu kundom, ka' de pihimo Ia na mamba momona aijo' hi aha i jingka apu mompotiju' jalan. Sahingga aha timbali lumajang sinaa ka' pihi.

NOSABATMO 14:11

Notataemo na aha hi Musa, “Pa' kiijo' mae i Mesir madi' ko polamunan sahingga beleyum nomboamo mae kami da mate i tampat aiya? Toa misa' mingahenmo ma'idek na palabuatan nu beleyum atina'!

NOSABATMO 16:3

Aha notataemo, “Sahanyo kami pinateanmo nu Tumpu i Mesir. Ikiijo' mae kami daagi' moko ala sumuhang mongkaan ponoha' ka' roti sampe mobosu. Panyo belemiu nomboamo mae kami no'uuka da kami iwi-iwi' matemo nu ohop.”

NOSABATMO 20:23

Boli belemiu mombau to pato-patong salaka kabai mosoni' da osombah nu belemiu bau pombolosi Aku.

NOSABATMO 24:12

Lapas aijo' Tumpu notataemo hi Musa, “Tokamo mae hi beleng-Ku aita' i bungkutnyo. I kiita' mae Ku bee'je hi beleyum ohua' na batu anu tinulisan-Kumo nu atulan-Ku iwi-iwi'. Iwi-iwi' na atulan aijo' Ku bee' da bau pompokinde'i bansa aijo'.”

NOSABATMO 24:18

Lantas i Musa balomo nindako sampe ia ninsoopmo i uno nu kundom aijo'. Pinatompulu' na sinaa ka' pinatompulu' na pihi, na i Musa jinojoongmo i kiita' mae.

NOSABATMO 32:11

I Musa nongkakasemo hi Tumpu Allahnyo, ia notatae, “O Tumpu kadaka' Belento mombaumo sumo aijo' hi aha? Te misa' Belento nomposalamatmo aha lengkat mae i Mesir nu kakuasa'an ka' kahosonan anu daka'?

NOSABATMO 32:22

Tinaaman i Harun, “Boli otambuha'i mae na aku, posi beleyum nonsumbu'mo mosia na kojunjuhi'nyo na mian haha aiya mombau anu ma'idek.

NOSABATMO 32:23

Aha notatae hi belengku, 'Kita madi' monsumbu' pa' apaamo na anu tinimbali hi Musa, mian anu nomboamo mae kita lengkat i Mesir, jadi bauimo mae na kami pilogot anu timbali molaya' kami.'

NOSABATMO 32:7

Sahingga Tumpu notataemo hi Musa, “Pintudunmo lia-lia' kalana bansa nu belemiu i laya'mo nosabat mae lengkat i Mesir, nombaumo anu ma'idek.

NOSABATMO 33:3

Belemiu mambamo mokiijo' i tano' anu kaya ka' molumba'. Panyo Aku madi' mamba tiba belemiu da belemiu madi' Ku silakai i tonga' nu jalan, kalana belemiu te bansa anu panggaga hondo.”

YEHEZKIEL 20:8

Panyo aha madi' montuluti Aku ka' madi' mongka'oho' mohongo Aku. Aha madi' mongka'oho' mongalin iwi-iwi na patong nu aha anu okahegati aijo' ka' mule' madi' ahi mongka'oho' belenti na monsombah pilogot haha aijo' anu lengkat mae i Mesir. Tempo'nyo aha daagi' kiijo' mae, Aku sabenannyo mompotudunmo ahi' tambuha'-Ku hi aha.

HOSEA 12:13

I Yakub mompolee'to nopalaimo namba i Mesopotamia, lantas da timbali mohumpak bengkele' ia nomoitamo da bau posaihon hi aha mian anu kiijo' mae ka' lewa'mo nolaya' domba nu mian aijo'.

MIKHA 6:4

Belemiu binoang-Kumo nosabat nompala'i Mesir ka' pinolapas-Kumo da madi'mo binotuanan; Aku nonsaimo i Musa, i Harun tiba Miryam da molaya' belemiu.

NOMBILANGMO 14:22

saba' mian haha aiya madi'mo daagi' ko samian pe'e na anu daagi' tumuu' minsoop i lipu' anu jinanji'-Kumo hi mompolee' nu aha. Kalana aha madi' mongka'oho' tulu-tulutan hi beleng-Ku ka' saja' monsoba-soba Aku. Padahan aha nontoamo jingkang-Ku anu jongkilaban ka' anu okabangangi, anu binaung-Kumo i Mesir ka' i padang bola.

MATIUS 24:43

O inau' na aiya! De tumpu nu laigan monsumbu' jam sangkuka pihi na anu montomang toka, ia madi' timbali hoyot, da anu montomang aijo' madi' minsoop i laigannyo.

MATIUS 24:48

Panyo de posaihon aijo' ma'idek, ia motatae i uno nu kinyonyoanyo,

SISIKON NU TO RASUL-RASUL 17:29

Jadi, kalana kita to ana-anak-Nyo, kita madi' timbali monsangka Tumpu pokakana sumo patong mosoni' na binau kabai salaka kabai batu anu binau pokakana sumo kapandean nu mian.

SISIKON NU TO RASUL-RASUL 19:26

Uuka kita Utus nontoamo ka' pinosi hongomo apaa na anu binau i Paulus aijo'. Ia notatae tukoonyo, to pilo-pilogot anu binau nu mian, misa' hondo-hondo pilogot. Ka' ia kino hasinnyomo, nompotimbali da'isan na mian palesaya i ajalannyo, misa' ola aiya i Efesus, panyo ohani songko-songkomo na tano' nu Asia suele.

SISIKON NU TO RASUL-RASUL 7:40

Aha notatae hi Harun, ‘Baui mae na kami pilogot, da pilogot haha aijo' na molaya' kami. Kalana kami madi'mo nonsumbu' pa' apaa na anu tinimbalimo hi Musa anu nomboa mae kami nosabat lengkat i Mesir!’

PO'ULE' INGULIT 31:8

Tumpu na momboa ka' montulungi beleyum. Ia madi' ola mompojohok belemiu sahingga belemiu mompele-pele'mo kabai mompala'i beleyum. Kalana aijo' boli mabuhuk kabai bata-bata.”

PO'ULE' INGULIT 9:1

“Potombihing mae to Utu-utus! Sinaa aiya belemiu motaapmo i Kaunyo Yordan da monjojoongimo da'erah nu to bansa-bansa anu lebe daka' ka' lebe mahoson molingkudui belemiu. To kota-kota nu aha anu toto daka-daka' tiba pagannyo mesen anu matangkas toka-toka i langit.

PO'ULE' INGULIT 9:9

Aku nindakomo i bungkutnyo aijo' da montalima batu palajanjian anu binau nu Tumpu tiba belemiu. Kinopinnyo pinatompulu' na sinaa ka' pinatompulu' na pihi na aku jinojoong i bungkutnyo aijo' madi' nongkaan kabai nonginum.

YOSUA 7:13

Uuka aiya pobulamo Yosua! Posusi' na aha mian nu Israel ka' pokau mae na aha sabole-bole mamba mae hi beleng-Ku. Palentah na aha da sabole-bole toka mae dodop kalana Aku Tumpu Allah nu aha Israel mompoto'imo sumo uuka hi aha: 'O, to mia-mian nu Israel, to bala-balang anu pinalentahkon-Kumo hi belemiu da ohopu'i sambagian daagi' itina' hi belemiu. De ma'isa pe'e o alin nu belemiu na balang haha aijo', belemiu madi' moko ala mongahopi mompahampateakon sampobali'!'

2 PETRUS 3:4

nu potatae sumo uuka, “Tukoonyo Tumpu nonjanji'mo toka! Uuka iya na Ia? To tutuuma mompolee'to sinilakamo, panyo iwi-iwi na apa-apaa daagi' ahi' pokakana sumo salatanmo pe'e dunia pinotimbali!”