NOSABATMO 30:34 - KITAB NU TUMPU ALLA LELE MA'IMAI'

³⁴ Tumpu notatae hi Musa, “Ala to pia-piangkuka na ngangahan nu lampa opokakanakon na konjoo'nyo, aijo'mo damak, kubangnyo nu tima, pulutnyo nu rasa mala ka' kamangian anu madi' ko galo'nyo.

NOSABATMO 30:34 ပူးပေါင်းရင်းမြစ်များ

NOSABATMO 37:29

I Bezaleel suele nombaumo lanya' anu opake monsombah Tumpu tiba kamangian anu madi' ko galo'nyo ka' manohong hondo opogalo' sumo lanya' anu manohong hondo.

IMAMAT 2:15

Gandum aijo' tionyo ahi' odudu'i nu lanya' nu zaitun ka' okakambuhi nu kamangian.

NOSABATMO 30:23

“Ala na to lampa-lampa anu ma'ima' hondo, anom na kilo na mur anu mingue, totolu na kilo na kayu manis, totolu' na kilo na tumba' anu manohong, ka' anom na kilo na kau' teja.

NOSABATMO 25:6

lanya' pongisi sulu, lampa-lampa ponggalo'i lanya' anu opake i adat nu agama da ponggalo'i dupa opapui da manohong.

MATIUS 2:11

Aha ninsoop i uno nu laigan aijo', ka' nontoa Anak aijo' tiba i Maria, tina-Nyo. Aha tinolodupu ka' nonsombah Anak aijo', lantas nombukai tampat halata' nu aha, ka' nonsombahkon hi ia mosoni', kamangian, ka' mur.

NYANYIAN ANU TALASANGGO 3:6

Pa' aijo' anu tinoka lengkat i padang anu mateges; susumo tibuk nu apu anu butolu? Nohongnyo sumomo mur ka' kamangian, tiba iwi-iwi' na bada' anu manohong lengkat mae hi mian anu badagang.

NEHEMIA 13:5

I Elyasib nombee'mo hi Tobia sa'angu' na salipi' anu daka' anu sabenannyo oposadia samata-mata pongisian gandum anu sinombahkonmo hi Tumpu, ka' mule' kamangian, pakakas anu opake i Laigan nu Tumpu, ka' mule' palasombahan mo da obee' hi to ima-imam, anu ingalana sambahagian na gandum, anggur, ka' i sampulu' na lanya' nu zaitun bahagian ka' obee' hi to mia-mian nu Lewi, to mia-mian anu mompahaikakon musik ka' anu monjagai Sabatan Daka' Laigan nu Tumpu.

IMAMAT 24:7

O'una'i kamangian anu madi' ko galo'nyo hi toto sa'angu' na susunnyo da bau pontandai saba' roti aijo' koloban kaanon anu obee' hi Tumpu.

IMAMAT 5:11

De mian anu ko sala'nyo madi' moko ala momposadia tomonsi' sapatau behenyo tiba lakinyo kabai tomonsi' malapati' bau koloban pongampuni dosa', ia tionyo ahi' momboamo labu sa'angu' na kilogram. Labu aijo' madi' timbali ogalo'i nu lanya' nu zaitun kabai tiba kamangian, kalana koloban aijo' te koloban bau pongampuni dosa', misa' koloban kaanon anu osombahkon.

IMAMAT 2:1

De komian momboa koloban kaanon anu osombahkon hi Tumpu, koloban aijo' tionyo ahi' labu anu ma'ima' hondo, anu odudu'i nu lanya' nu zaitun ka' okakambuhi nu kamangian.

NOSABATMO 30:33

Mian anu mombau lanya' susumo aijo' kabai anu mompake misa' imam, madi'mo timbali minsoop mian anu pinalesayamo hi beleng-Ku.”

NOSABATMO 30:35

Opake na aijo' iwi-iwi' de mombaumo kamangian anu opogogalo'akon da manohong. O'una'i timuson da kamangian aijo' tataap ma'ima ka' madi sampa ma'idek ka' timbali opake monsombah Aku.

NOSABATMO 31:11

lanya' anu opake de mokalajamo ka' kamangian anu ponohongi Salipi' Susi'. Iwi-iwi' aijo' tionyo ahi' nubau nu aha pokakana susumo apaa na anu pinotiju'-Kumo hi aha.”

NOSABATMO 35:15

mezbah tampat pompapuan kamangian tiba kau' polembanan, lanya' anu opake de monsombahkonmo apa-apaa, kamangian anu manohong, lalanse' anu opake i sabatan nu Kemah,

IMAMAT 16:12

ia tionyo ahi' mongalamo tampat nu apu anu aijo' i mezbah ka' o isimo buke-buke' nu oba nu apu ka' uangkakup na kamangian anu nahutemo lantas oboamo i Salipi' anu Susi' hondo.

YESAYA 43:23

Beleyum madi'mo mae nomboa domba bau koloban nu beleyum anu opotunu, madi'mo noholomati Aku nu palasombahan nu beleyum. Padahan Aku madi' nombee'i tanggungan hi beleyum anu okolobanakon, kabai nonsusa'imo beleyum ka' nontuntutmo kamangian.

NOSABATMO 30:7

Sansina-sinaa salatan subu-subumo de i Harun tokamo mae momposadia sulu', ia tionyo ahi' mompapui kamangian anu manohong i mezbah aijo'.