NOSABATMO 30:1 - KITAB NU TUMPU ALLA LELE MA'IMAI'

¹ Tumpu notatae mule' hi Musa, “Bau sa'angu' na mezbah tampat pompapuian kamangian, kau' akasia na o ala.

NOSABATMO 30:1 ပူးပေါင်းရင်းမြစ်များ

1 TOMU-TOMUNDO' 6:20

Salipi'nyo aijo' ko mantannyo, ko bolanyo ka' ko tangkasnyo pokakana, osio' na meten. Mezbah i ahop nu Salipi' anu Susi' Hondo aijo' kau' lontio' Libanon na binau. I sabatan pinsoopan i salipi' aijo' pinaha pokalayo'an lante' mosoni' songko-songko na unonyo nu Laigan nu Tumpu aijo' tibamo Salipi' anu Susi' Hondo ka' mezbahnyo i lapisan nu mosoni' anu madi' ko galo'nyo.

1 TOMU-TOMUNDO' 7:48

I Tomundo' Salomo suele noki bau to paka-pakakas sangga'at anu mosoni' na obau da opake i Laigan nu Tumpu. Aiya na pakakas haha aijo' anu binaumo: Mezbah Meja' pompo'una'an roti anu osombahkon hi Tumpu Allah Sampulu' na tengke nu sulu' anu opokoko i ahop nu salipi' anu Susi' Hondo. olima' i sasu selatan ka' olima' i sasu utara To bunga-bunga To sulu-sulu' To dada-dadapit To pato-patongko, pakakas bau pompoho' sulu' To mangko-mangko' To lea-lean pompotimpasan oba. To lea-lean pompotimpasan kamangian To hense-hensel anu opake i tumban nu Salipi' Anu Susi' hondo ka' to saba-sabatan anu sasu sambiha'nyo i Laigan nu Tumpu.

1 TAWARIKH 28:18

ka' anu obau kareta pomposake'an to pato-patong nu malaekat, tiba polipiknyo, nanimboka aita' i Peti' Palajanjian nu Tumpu.

1 TAWARIKH 6:49

I Harun lee'nyo kalajanyo nu aha mompapui kamangian, monsombahkon koloban anu opotunu i mezbah, mombau apa-apaa na anu o kalaja i Salipi' anu Susi' hondo, ka' monsombakon koloban bau pongalini dosa' nu aha mian nu Israel. Iwi-iwi' aijo' nubau nu aha susumo anu pinotiju'mo i Musa posaihon nu Tumpu aijo'.

2 TAWARIKH 26:16

Salatan i Tomundo Uzia dinaka'mo na kakuasaannyo, ia sinombongmo ka' aijo'mo na nonsaduakon sahingga ia sinilakamo. Ia nolanggaimo palentah nu Tumpu Allahnyo kalana nompinsopimo Laigan nu Tumpu ka' nompapuimo kamangian i mezbah i tampat nu kamangian.

NOSABATMO 30:10

Sataun minsan na i Harun tionyo ahi' mombau kalaja momposusi' mezbah tiba jalan mompipi'i tanduknyo opa-opat nu baso' aijo'mo baso' nu potuu'on anu kinolobanakonmo pongampuni dosa'. Han aijo' tionyo ahi' obau sataun toka sataun sampe toka sidu-sidutu'. Mezbah aijo' tionyo ahi' susi' songko-songko samata-mata opake bau kapalaluan-Ku.”

NOSABATMO 30:2

Ko daka'nyo nu mezbah aijo' tionyo ahi' sulapa' opat, ko mantannyo ka' ko bolanyo pokakana 45 sentimeten, ko tangkasnyo 90 sentimeten. I pasu'nyo opa-opat pokonai anu susumo tanduk anu jadimo sa'a-sa'angu' tiba mezbah aijo'.

NOSABATMO 31:8

aijo'mo meja' ka' posadiaonnyo, tengke nu sulu' mosoni' madi' ko galo'nyo na binau ka' posadiaonnyo, mezbah pompauian kamangian,

NOSABATMO 35:15

mezbah tampat pompapuan kamangian tiba kau' polembanan, lanya' anu opake de monsombahkonmo apa-apaa, kamangian anu manohong, lalanse' anu opake i sabatan nu Kemah,

NOSABATMO 39:38

mezbah mosoni', kamangian anu manohong, lalanse' nu sabatan nu Kemah,

NOSABATMO 40:5

Pokoko na mezbah mosoni' tampat pompapuan kamangian i ahop nu Peti' Palajanjian, ka' pokonamo na lalanse' i Sabatan nu Kemah.

YEHEZKIEL 41:22

Kotangkasnyo sa'angu' ka' mintonga' na meten, ka' kobolanyo sa'angu' na meten. Pasu'nyo iwi-iwi', salonyo tiba pimpi'nyo te kau' na binau. Mo'ane aijo' notataemo mae hi belengku, “Aiyamo na meja' anu i ahop nu katokaan nu Tumpu.”

IMAMAT 4:18

Sambahagian mule' tionyo ahi' osapuakon i tanduk haha aijo' anu pinaha pokona i pasu'nyo nu mezbah anu bau pompauan kamangian i uno nu Kemah ka' labinyo tionyo ahi' odudu'akon i paningkokoan nu mezbah tampat pompotunuan koloban anu kiijo' i ahop nu sabatan nu Kemah.

IMAMAT 4:7

Sambagian na baso' aijo' tionyo ahi' o sapuakon i tanduk haha aijo' anu pinaha pokona i pasu'nyo nu mezbah bau pompapuan kamangian anu manohong i uno nu Kemah, ka' labinyo tionyo ahi' odudu'akon i paningkokoan nu mezbah anu bau pompotunuan koloban anu aijo' i sabatan nu Kemah.

NOMBILANGMO 3:31

Aha na mongkalesang Peti' Palajanjian, meja' tengke nu sulu', to mezbah-mezbah, pakakas anu opake nu to ima-imam i Salipi anu Susi', ka' lalanse' anu mongoloti Salipi' anu Susi'. Aha na mongkalesang iwi-iwi' na pakalaja'an apaa na obau i balang haha aijo'.

NOMBILANGMO 4:11

Lapas aijo' tionyo ahi' oposabutmo nu aha na hude mobilu' sambotu' aita' i mezbah mosoni' aijo', ka' mongkukubi nu kilit anu ma'ima' hondo santake, lantas opokonamo na kau' bau polembanan mezbah aijo'.

IBRANI 9:4

I uno nu salipi' aijo' daagi' ko mezbah mosoni' na binau bau pompapuian kamangian, ka' daagi' mule' ko Peti' Palajanjian. Peti' aijo' i lapisan songko-songko nu mosoni'. I uno nu Peti' aijo' daagi' ko kuhon mosoni', isinyo manna, tokon i Harun anu ninsumpemo, ka' ohua' na kobakan nu batu bau pinontulisan; anu kiijo' tuli-tulis sampulu' na palentah nu Tumpu.

ANU PINOTO'I HI YOHANES 8:3

Samian na malaikat sangga'at, anu nomboa sa'angu' na tampat pompapuan kamangian, mosoni' na tinutuk, tinoka ka' tinuminjo i ahop nu mezbah. Ia binee'an manjoo' hondo na kamangian da okakambuhakon i anu osombahkon aijo' i mezbah anu mosoni' na tinutuk ka' iwi-iwi' na do'a nu mian anu pinalesayamo hi Tumpu Allah suele nu kona nu kamangian aijo' anu o sombahkon i mezbah mosoni' na tinutuk anu aijo' i ahop nu kasuhangan.