NOSABATMO 3:8 - KITAB NU TUMPU ALLA LELE MA'IMAI'

⁸ Kalana aijo' mambamo na Aku mompobebas aha i lima nu mian Mesir ka' momboamo aha mosabat lengkat i lipu' aijo' mamba mokiijo' i sa'angu' na lipu' anu ewa. Tano'nyo kaya ka' molumba', ka' uuka aiya kajojoongan nu aha bansa Kana'an, bansa Het, Amori, Feris, Hewi ka' Yebus.

NOSABATMO 3:8 ပူးပေါင်းရင်းမြစ်များ

KAJADIAN 11:5

Sahingga nintau'mo mae na Tumpu nontoa kota ka' menara anu pinotinjomo nu manusia.

KAJADIAN 11:7

Sahanyo Kita mintatau'mo ka' mompotabuntala' basa' nu aha da aha madi'mo mopaha sumbu' sisik samian ka' samian.”

KAJADIAN 15:13

Tumpu notataemo hi ia, “Inau' lee' nu beleyum saidi' mae timbalimo mian anu jojoong i lipu' nu mian sangga'at; aha timbalimo posaihon ikiijo' mae ka' osansalamo pato atu' na taun na kopinnyo.

KAJADIAN 15:14

Panyo bansa anu mombotuani lee' nu beleyum aijo' Ku hukum, ka' salatan lee' nu beleyum mompala'imo lipu' aijo' aha momboamo manjoo' na halata'.

KAJADIAN 18:21

Mokonyo aijo' Aku kahanda' mamba mokiijo' da opalesa pa' iwi-iwi' na anu opisala'i, anu i hongongkumo aijo' to tu'u kabai madi'.”

KAJADIAN 43:11

Lantas tuuma nu aha notataemo, “De memang tionyo ahi' sumo aijo'mo, yo boa na hasin anu talalo hondo ma'ima' i lipu' aiya o isi i uno nu kalung miu haha aijo' salaku palasen hi gubernur itina': Kismis, juu', lampa-lampa, bua' nu baya'u ka' bua' nu badam.

KAJADIAN 46:4

Ku sangaluije na beleyum mokiijo' i Mesir, ka' po'ule' momboa mae lee' nu beleyum minsusule' mae i lipu' aiya. I Yusuf na montoa beleyum de tokamo na ukun nu beleyum.”

KAJADIAN 50:24

Ia notatae hi to utu-utusnyo, “Ukunku malia'mo, panyo Tumpu Allah saja' monjagai belemiu, molaya' belemiu mosabat lengkat i lipu' aiya, mamba i lipu' anu jinanji'-Nyomo hi Abraham ka' sinumpa'mo sampe-sampe hi Ishak ka' hi Yakub.”

1 TAWARIKH 1:15

Hewi, Arki, Sini,

NEHEMIA 9:8

Tinokan nu Belento na ia tulu-tulutan hi Belento ka' mohongo-hongo. Lantas nombaumo na Belento tiba ia palajanjian anu otaha'imani hondo. Tano' nu Kana'an, Het tiba Amori, tano' Feris, Yebus tiba Girgasi. Iwi-iwi' aijo' Nu bee'mo hi aha salaku bau kajojoongan nu lee'nyo iwi-iwi'. Lapas aijo' ginanapanmo nu Belento na palajanjian aijo' hi ia. Kalana Belento adin ka' mule' totu-totu'u na kinyonyoa.

MAZMUR 12:5

anu motatae, “Jila' mami na bau pongkuasai mami! Maumo pa' apaa timbali otaloakon mami, ka' madi' ko anu moko ala timbali montewa'!”

MAZMUR 12:6

Tumpu notatae, “Mian anu kasiasi binee'anmo kasansala'an, ka' miana nu sinansalamo nongkalakmo. Jadi uuka aiya Aku tinokamo mae mombee'i ka'ima'an da sanangmo na kinyonyoa nu aha anu saja'mo ingindi nu aha.”

MAZMUR 34:8

Malaekat nu Tumpu monjagai mian anu tulu-tulutan, ka' nompobebasmo aha da madi' nu kona nu bahaya.

MAZMUR 91:15

De ia mongkakase mae hi belengku, tionyo Ku taami. De nutokaimo nu kasusa'an tionyo ahi' Ku tulungi na ia; ia tionyo ahi' ku lapasakon da madi' mohumpak balaa' ka' mule' ia Ku bee'imo kaholomatan.

NOSABATMO 12:41

I sinaa pupuusnyomo nu taun ko 430 nyomo aijo' iwi-iwi' na mian anu pinalesayamo hi Tumpu nojonjulumo nompala'imo mae tano' nu Mesir.

NOSABATMO 12:51

I sinaa aijo' tumpu nomboamo iwi-iwi' mian nu Israel nosabatmo nompala'imo Mesir.

NOSABATMO 13:5

Binasumpa' na Tumpu nonjanji'mo hi mompolee' nu belemiu mombee'mo hi belemiu lipu' nu bansa Kana'an, Het, Amori, Hewi, Yebus. De nuboamo nu Tumpu na belemiu i lipu' anu kaya ka' molumba' aijo', sataun toka sataun i bitu'on Abib, belemiu tionyo ahi' mombau lamean aiya.

NOSABATMO 3:17

Ka' tinantukan-Kumo da momboamo aha mosabat mompala'i Mesir, tampat nu aha sinansala, ka' momboamo aha i sa'angu' na lipu' anu kaya ka' molumba', lipu' nu bansa Kana'an, bansa Het, Amori, Feris, Hewi ka' Yebus.

NOSABATMO 34:11

Tuluti na to atu-atulan anu Ku bee' hi belemiu sinaa aiya. Aku nolaa'mo bansa Amori, Kana'an, Het, Feris, Hewi, ka' Yebus da belemiu mambamo mahampate.

NOSABATMO 5:23

Salatanmo pe'e aku nangadap hi tomundo ka' notatae nomboa sanggo nu belento, ia nontampu'unimo nonsakisa bansa aiya. Ka' madi' ko anu binau nu belento apa-apaa nontulungi aha.”

YESAYA 36:17

sampe belemiu ku boamo isa'angu' na lipu' anu momohopokakana lipu' nu belemiu. Ikiijo' mae ko ale' nu anggur anu mimbua' o, alamo nu belemiu ka' mule' ale' nu gandum anu obau labu da okaan nu belemiu.

YESAYA 64:1

Beakmo mae na langit ka' pintatau'mo mae, o, Tumpu, genggomo na bungkutnyo iwi-iwi' da gayu'anmo i ahop nu Belento,

YEREMIA 11:5

De nu baumo nu aha na aijo' iwi-iwi' saba' Kuganapimo ahi' na palajanjian-Ku anu bibinaung-Kumo hi mompolee' nu aha aijo'mo lipu' anu ma'omuk hondo ka' manjoo' na isinyo anu tempo' uuka aiya jinojoonganmo nu aha aijo' Ku bee'mo hi aha.” Aku nontaami, “Ma'ima'mo, Tumpu.”

YEREMIA 2:7

Namba ilipu' anu ma'omuk Aku na nomboa aha da molasaimo hasin nu tano'nyo ka' iwi-iwi' na anu ma'ima ikiijo' mae. Panyo ikiijo' mae tano'-Ku ihumimi'anmo nu aha ka' anung-Ku pinojadimo nu aha susumo sa'angu' na balang anu okahegatimo.

YEREMIA 32:22

Lipu' anu ma'ima' ka' molumba' aiya Nu bee'mo hi aha susumo anu jinanji'mo nu Beleyum hi mompolee' nu aha.

YEHEZKIEL 20:6

Tempo'nyo aijo' Aku nompohosonmo nu sumpa' na momboa aha mosabat lengkat i Mesir mamba ilipu' anu pinile'an-Kumo da bau kajojoongan nu aha. Lipu' aijo' kaya ka' mule' ma'omuk, tano' anu ma'ma hondo isongko-songko na dunia.

IMAMAT 20:24

Tano' anu kaya ka' ma'omuk aijo' jinanji'-Kumo hi belemiu, jadi Ku bee'mo hi belemiu da timbalimo anu nu belemiu. Akumo na Tumpu Allah nu belemiu anu madi'mo nompogalum tiba to bansa-bansa sangga'at.

AMOS 2:10

Belemiu binoang-Kumo mae nosabat lengkat mae i Mesir ka' i laya'-Ku mae nontulu padang bone' anu ewa patompulu' na taun na Kinopinnyo. Tano' nu mian Amori binee'-Kumo hi belemiu da baumo lipu' nu belemiu.

NOMBILANGMO 13:18

Doyoni ima-ima' pa' mosia na lipu' aijo', miannyo manjoo' kabai sangkiding, pa' aha to hoso-hoson kabai mabuhuk.

NOMBILANGMO 13:19

Palesa ima-ima' na lipu' aijo' pa' ma'ima' kabai ma'idek, ka' apaa miannyo jojoong i kampung anu kantoan kabai i uno nu kota anu binauan bentengnyo.

NOMBILANGMO 13:27

Aha nompoto'imo hi Musa, “Kami nondoyonimo ima-ima' lipu' aijo' ka' nontoamo tano'nyo aijo' iwi-iwi' kaya ka' ma'omuk, ka' aiya sangkiding na bua' nu sosu'anon anu lengkat mae ikiijo'.

YOHANES 3:13

Ma'isa toho' ko samian pe'e anu noliba'mo i suluga', ola ahi' Ia anu nintatau' i Dunia aijo'mo Anak nu Mian.

YOHANES 6:38

Kalana Aku nintatau' mae lengkat i suluga', misa' mombau anu posi pongka'oho'ku, panyo pongka'oho'-Nyo nu anu nonsai mae Aku.

PO'ULE' INGULIT 1:25

Lapas aitu aha ninsusule'mo i kita nomboa bua-bua'on anu i humpak nu aha i kijo' mae ka nompoto'i talu lipu anu nu be'akon nu Tumpu Allah aitu talalo maomuk.

PO'ULE' INGULIT 1:7

Uuka mo kijo i da'erah titikup aitumo Bangka'nyo nu Yordan da'erah nu sa bungku-bungkut ka' bangka'nyo da'erah sasu salaitan ka' bangka'nyo da'erah sasu salaitan ka' sonibi nu Ambai Totonga. Lako'mo jojong i tano nu Kanaan ka' bungkutnyo nu Libanon toka-toka kaunyo daka Efrat

PO'ULE' INGULIT 27:3

O tulis i batu haha aijo' apaa na anu pinoto'imo nu atulan haha aiya. De belemiu kiijo'mo i unonyo nu lipu' anu kaya ka' anu ma'omuk anu jinanji'mo nu Tumpu, Tumpu Allah nu mompolee' miu hi belemiu,

PO'ULE' INGULIT 28:11

Belemiu obalakatije da mohumpak anak manjoo'. Potuu'on nu belemiu timbalimo manjoo' ka' isi nu ale'miu molabi-labimo i lipu' anu jinanji'mo nu Tumpu hi mompolee' nu belemiu anu binee'mo hi belemiu.

PO'ULE' INGULIT 6:3

Kalana aijo' potombihing to utu-utus, bau na aijo' ima-ima' da belemiu mohumpak ka'ima'an ka' timbali sa'angu' na bansa anu daka' i lipu' anu kaya ka' anu ma'omuk, susumo anu jinanji'mo nu Tumpu Allah nu mompolee'to.

PO'ULE' INGULIT 7:1

“Tumpu Allah nu belemiu momboamo belemiu mamba i lipu' anu saidi' mae ojojoongimo miu, ka' manjoo' na bansa anu Nu laa' mosabat ikiijo'. I ahop nu mata nu belemiu popitu' na bansa Nu laa' anu lebe daka' ka' lebe mahoson molingkudui belemiu, aijo'mo aha mian nu Het, Girgasi, Amori, Kana'an, Feris, Hewi ka' Yebus.

YOSUA 9:1

Lele nu aha Israel anu saja' untung i pahampatean tinogilelemo hi iwi-iwi' na tomundo i sasu kinsoban Kaunyo nu Yordan – aita' mae i bungkutnyo, i tengke nu bungkutnyo ka' i hatanyo tutuus sonibi nu Ambai anu Totonga'nyo kojo'onnyo toka-toka i Bungkutnyo nu Libanon sasu utara aijo'mo to tomu-tomundo nu aha Het, Amori, Kana'an, Feris, Hewi ka' Yebus.

YOSUA 9:7

Panyo aha mian nu Israel notatae, “Bau apaa na kami mombau palajanjian tiba belemiu? Ugaat kajojoongan nu belemiu ola oha-ohani lengkat i aiya!”