NOSABATMO 3:7 - KITAB NU TUMPU ALLA LELE MA'IMAI'

⁷ Lantas Tumpu notataemo, “Tinoangkumo na kasansala'an nu mian anu pinalesayamo hi beleng-Ku i Mesir, ka' i hongong-Kumo na aha noloboo'mo mongkakase mae da opobebasmo nu aha to mia-mian anu nonsansalamo aha. Totu-totu'u, sinumbu'-Kumo iwi-iwi' na kasansala'an nu aha.

NOSABATMO 3:7 ပူးပေါင်းရင်းမြစ်များ

KAJADIAN 16:11

Madi'mo daagi' pin beleyum mohampeakonmo samian na anak mo'ane; sanggohi na ia i Ismael, kalana beleyum i humang i hongomo nu Tumpu.

KAJADIAN 18:21

Mokonyo aijo' Aku kahanda' mamba mokiijo' da opalesa pa' iwi-iwi' na anu opisala'i, anu i hongongkumo aijo' to tu'u kabai madi'.”

KAJADIAN 21:17

Tumpu Allah nohongomo potatae i Ismael, ka' lengkat mae aita' i langit Tumpu Allah notataemo hi Hagar, Ia notatae, “Apaa na nu susa' akon Hagar? Boli mabuhuk. Tumpu Allah nohongomo potatae nu anak nu beleyum.

KAJADIAN 29:32

I Lea pinoboamo lantas nohampeakonmo samian na anak mo'ane. Ia notatae, “Tumpu nontoamo mae kasusa'anku, ka' uuka aiya langkai'ku nongka'ima'imo aku.” Lantas sinanggohannyomo na anaknyo aijo' i Ruben.

KAJADIAN 31:12

Malaekat aijo' po'ule' notatae, 'Toa, iwi-iwi' na mee lakinyo anu hau-haunyo mohasi' aijo' buhit, ka' bulitik, ka' belongka'. Sangaja' na Aku nongatunmo susumo aijo' hi beleyum kalana tinoangkumo iwi-iwi' na anu binaumo i Laban hi beleyum.

KAJADIAN 31:42

De aku madi' jinagaan nu Tumpu Allah nu mompolee'ku, aijo'mo Tumpu Allah anu nu sombah i Abraham ka' i Ishak, tantu kita Babo' nonsaimo aku namba madi' ko apa-apaa anu binoa. Panyo Tumpu Allah nontoamo kasusa'anku ka' kalaja anu binaungkumo, ka' na'utu pihi-pihi ia nontantukanmo kaputusan-Nyo.”

2 SAMUEL 22:28

Miana anu madi' ko bubuun oposalamat nu Belento; panyo mian anu ko bubuun na opatundu' ahi' nu Belento.

2 TOMU-TOMUNDO' 13:4

Lantas i Yoahas binalado'amo hi Tumpu, ka' Tumpu nohongomo do'anyo aijo', kalana tinoa nu Tumpu talalomo hondo inguesan na tomundo' nu Siria mongkabisa'i mian nu Israel.

2 TOMU-TOMUNDO' 20:5

da po'ule' minsusule' hi Hizkia, tomundo' nu mian anu pinalesayamo hi Tumpu ka' mompoto'i potunonku sumo uuka, “Aku Tumpu, Tumpu Allah anu nusombah i Daud mompolee' nu beleyum nohongomo do'a nu beleyum ka' nontoamo lolu' nu beleyum. Ku po'alinmo na beleyum hipuan beleyum mambamo i laigan-Ku.

NEHEMIA 9:9

Tinoamo nu belento na kasansala'an nu mompolee' mami tempo'nyo naipuan mae anu ihikuhakonmo; ihongomo nu Belento na aha i humang kiijo' i Mesir ka' mule' kiijo' i ambai Teberau.

MAZMUR 106:44

Panyo ihongomo mae nu Tumpu na aha nolobo', ia nonginau'mo kasusa'an nu aha.

MAZMUR 12:6

Tumpu notatae, “Mian anu kasiasi binee'anmo kasansala'an, ka' miana nu sinansalamo nongkalakmo. Jadi uuka aiya Aku tinokamo mae mombee'i ka'ima'an da sanangmo na kinyonyoa nu aha anu saja'mo ingindi nu aha.”

MAZMUR 142:3

I ahop-Nyo pinoto'ingkumo na kasusa'anku, pinoto'ingkumo na kasusa'anku iwi-iwi' hi Ia.

MAZMUR 145:19

Ia momposanang kinyonyoa nu to mia-mian anu tulu-tulutan; Ia mompotombihing apaa na nu kakase nu aha ka' momposalamatmo aha.

MAZMUR 22:24

Opuji' na Ia, o to mia-mian anu mohongo-hongo Tumpu! Opopodaka' na Ia, iwi-iwi' na mian lee' mae i Yakub! Osombah na Ia, iwi-iwi' na mian lee' mae i Israel!

MAZMUR 34:4

O puji' na Tumpu tiba aku na mompuji' imbo' hingga-hinggat moholomati sanggo-Nyo.

MAZMUR 34:6

Mian anu sinansalamo nontaha'imanimo ia ka' ilame'mo aha madi'mo daagi' mohumpak ambang.

MAZMUR 35:22

Panyo Belento o Tumpu nontoamo; boli ola momohokot o Tumpu, boli matikojo'on hi belengku.

MAZMUR 9:14

Toa mae, na sampobali'ku monsansalamo aku; kalibosiakon mae na aku, o Tumpu, po'uhanakon mae na aku da boli silaka,

NOSABATMO 1:11

Sahingga to mia-mian nu Mesir nohangkatmo anu mompalentah bansa Israel da molio jalan monsusa'i kantumuu'an nu aha, obee'i kalaja ka' opakisa mokalaja totu-totu'u. Aha pinakisamo nu tomundo Mesir da mombau to kota-kota Pitom ka' Raamses da bau puso nu ponguna'an balang.

NOSABATMO 1:8

Lapas aijo' samian na tomundo anu sala'je i hangkat madi' monsumbu' i Yusuf, nontampu'unimo nompalentah i Mesir.

NOSABATMO 22:23

De belemiu mongkabisa'i aha, Aku, Tumpu mohongomo aha de aha momoitamo mae tulung hi beleng-Ku.

NOSABATMO 33:13

Desumo aijo', yo poto'imo mae mosia na tanga'an nu Belento o Tumpu, da ku bau apaa na anu opalentahkon nu Belento ka' saja' momposanang kinyonyoa nu Belento. Ka' suele o inau' mae saba' bansa aiya pinile'anmo nu Belento, belentomo na tumpu-Nyo.”

NOSABATMO 5:10

To ponga-pongatun nu aha bansa Mesir ka' to mando-mandon nu aha Israel haha aijo' nosabatmo lantas nompoto'imo mian nu Israel haha aijo', “I Tomundo nompalentahkonmo da belemiu madi'mo obee'i haat.

NOSABATMO 5:6

Sinaa uuka to ponga-pongatun nu aha bansa Mesir ka' to mando-mandon nu aha bansa Israel nohumpakmo palentah hi tomundo,

YESAYA 63:9

Iamo ahi' na kinona nu kasusa'an nu aha, Tumpu madi' nonsai mian kabai anu mombolosakon, posi Iamo ahi' na nompobebas aha kalana liibos ka' kalibosan-Nyo. Ia saja' ahi' monjagai aha daagi' pe'e naipuan mae.

NOMBILANGMO 20:16

ka' kami nongkakasemo hi Tumpu nomoita tulung. Ia nohongomo poitaon mami ka' nonsaimo mae samian na malaekat. Malaekat aijo' nolaya'mo mae kami nosabat i tano' nu Mesir. Uuka aiya kami kiijo'mo i Kades, sa'angu' na kota kiijo' i potempasan nu da'erah nu belento Tuanku.

SISIKON NU TO RASUL-RASUL 7:34

Aku nontoamo ka' nompalahatikanmo ideknyo nu kasansala'an nu mian-Ku i Mesir. Aku nohongomo indi nu aha ka' Aku mambamo mompobebas aha. Uuka aiya, imbo'! Aku monsaimo beleyum minsusule' mokiijo' i Mesir.’

IBRANI 4:15

Imam Daka'to anu talasanggo aijo' misa' imam anu madi' moko ala mongoa'i apa-apaa na anu madi' opoko ala o oa'into. Panyo Ia sinobanmo i uno nu iwi-iwi' na han, pokakana sumo kita; ola Ia madi' nombau dosa'.

1 SAMUEL 9:16

“Dodop subu-subu kila-kila sumo uuka aiya Ku saimo mae na samian aha tulunan mae nu bansa Benyamin monsingkaboti beleyum. Hangkatmo na ia da timbali polaya' ka' obalakati, ka' odudu'i lanya' susumo anu saja'mo obau de mohangkatmo tomundo' hi aha mian nu Israel, anu pinalesayamo hi beleng-Ku, Iamo na momposalamat mian anu pinalesayamo hi beleng-Ku da bolimo nu poposia nu aha mian Filistin. Tinoang-Kumo na kasansala'an nu aha mian anu pinalesayamo hi beleng-Ku ka' nohongomo aha i humang nomoita tulung.”