NOSABATMO 3:6 - KITAB NU TUMPU ALLA LELE MA'IMAI'

⁶ Aku aiya Tumpu Allah nu mompolee' nu beleyum, Tumpu Allah i Abraham, i Ishak ka' i Yakub”. Lantas i Musa nongkukumbungimo ohupnyo, kalana ia mabuhuk na mondin Tumpu Allah.

NOSABATMO 3:6 ပူးပေါင်းရင်းမြစ်များ

KAJADIAN 12:1

Tumpu notataemo hi Abram, “Pala'imo na lipu' no beleyum, sampoto utusan nu beleyum ka' laigan nu tuuma nu beleyum, lantas mambamo i lipu' anu Ku potiju' hi beleyum.

KAJADIAN 12:7

Tumpu nanintoamo hi Abram ka' notatae hi ia, “Aiyamo na lipu' anu Ku bee'mo hi lee' nu beleyum.” Lantas i Abram nompotinjomo sa'angu' na mezbah ikiijo' bau ponsomban Tumpu anu nanintoamo hi ia.

KAJADIAN 17:3

Lantas tinolodadupumo na i Abram, lapas aijo' Tumpu Allah notataemo,

KAJADIAN 24:12

Lantas posaihon aijo' binalado'amo, “O Tumpu, Tumpu Allah nu tuanku i Abraham, tulungiakon mae, da anu ku lajangakon aiya ko hasinnyo sinaa aiya; kanonongiakon na tuanku i Abraham.

KAJADIAN 26:24

Pihi-pihi aijo' Tumpu nanintoamo hi ia ka' notatae, “Akumo na Tumpu Allah nu tuuma nu beleyum i Abraham. Boli mabuhuk; Ku jagaije na beleyum. Ku balakatije na beleyum ka' mombee'i beleyum lee' manjoo' kalana anu jinanji'-Kumo hi posaihon-Ku i Abraham.”

KAJADIAN 28:13

Ka' i sohipi'nyo tinuminjo na Tumpu ka' notatae, “Akumo na Tumpu, Tumpu Allah anu nu sombah i Abraham ka' i Ishak. Ku bee'mo hi beleyum ka' hi lee' nu beleyum na tano' tampat kinamale'an nu beleyum atina'.

KAJADIAN 28:17

Ia nabuhukmo lantas notataemo, “Palias na tampat aiya okabuhuk! Tantu aiya Laigan nu Tumpu Allah, sabatan daka' nu suluga'.”

KAJADIAN 31:42

De aku madi' jinagaan nu Tumpu Allah nu mompolee'ku, aijo'mo Tumpu Allah anu nu sombah i Abraham ka' i Ishak, tantu kita Babo' nonsaimo aku namba madi' ko apa-apaa anu binoa. Panyo Tumpu Allah nontoamo kasusa'anku ka' kalaja anu binaungkumo, ka' na'utu pihi-pihi ia nontantukanmo kaputusan-Nyo.”

KAJADIAN 32:9

Lapas aijo' i Yakub binalado'amo, “O Tumpu Allah anu nu sombah nu kai'ku i Abraham, ka' tuumangku i Ishak, hongoakon mae na aku! Tumpu nonsaimo aku ninsusule' mae i lipu'ku ka' hi to utu-utusku. Ka' Tumpu nonjanji'mo mompoko ima'imo iwi-iwi' da timbali bau ka'ima'anku.

1 TOMU-TOMUNDO' 18:36

Salatan nonsombahkonmo koloban malom-malom i Elia nongohanimo mezbah aijo' ka' binalado'a, “O Tumpu, Tumpu Allah anu nunu sombah i Abraham, i Ishak, ka' i Yakub, ponyata'mo mae uuka aiya da nusumbu'mo nu aha taalu' Belentomo atina' na Tumpu Allah nu Israel, ka'akumo aiya na posaihon nu belento. Ponyata'mo mae mule' da nusumbu' nu aha taalu' anu ku bau aiya iwi-iwi' palentah mae lengkat hi Belento.

1 TOMU-TOMUNDO' 19:13

Salatan i hongomo i Elia na potatae aijo', kinukubannyomo na ohupnyo nu juba'nyo lantas ia nosabatmo mae i liang aijo' ka' tinuminjomo inganga' nu liang aijo' lantas nohongomo potatae nontaloakon, “Elia, apaa na nubau i aiya!”

NEHEMIA 9:9

Tinoamo nu belento na kasansala'an nu mompolee' mami tempo'nyo naipuan mae anu ihikuhakonmo; ihongomo nu Belento na aha i humang kiijo' i Mesir ka' mule' kiijo' i ambai Teberau.

ESTER 3:4

ka' sansina-sinaa na aha saja' nompokau ia da otulutimo ahi', panyo ia madi' mongka'oho' mohongo-hongo. Ia notatae, “Aku mian nu Yahudi; aku madi' timbali tolodadupu monsosak manusia.” Lantas pinoto'imo nu aha hi Haman, kalana aha kahanda' monsumbu' pa' mosia na ia momputusi i Mordekhai aijo'.

MAZMUR 132:2

Boli okolilimi na ia monsombah hi Belento Tumpu, ka' mule' apaa na anu jinanji'nyomo hi Belento Anu Mahoson hondo, Tumpu i Yakub.

NOSABATMO 15:2

Tumpu anu mahoson nontinjohimo mae aku; Iamo na anu nomposalamatmo mae aku. Iamo na Tumpungku, aku kahanda'mo mompuji' Ia, Tumpu Allah anu nusombah nu mompolee'ku, ku popodaka' na Ia.

NOSABATMO 29:45

Aku jojoongmo hi aha bansa Israel ka' timbalimo Tumpu Allah nu aha.

NOSABATMO 3:16

Lako'mo ka' limu'mo iwi-iwi' na to pola-polaya' nu Israel. Poto'i hi aha taalu' Aku, Tumpu, Tumpu Allah nu mompolee' nu aha Tumpu Allah i Abraham, i Ishak ka' i Yakub, nanintoamo hi beleyum. Poto'imo hi aha taalu' Aku tinokamo hi aha ka' nontoamo mosia na aha okabisa'i nu bansa Mesir.

NOSABATMO 33:20

Ohup-Ku madi' Ku potoa hi belemiu, kalana madi' timbali mian montoa Aku ka' tataap sabole-bole tumuu'.

NOSABATMO 4:5

Notatae na Tumpu, “Obau sumo aijo' da to mia-mian nu Israel palesaya taalu' Aku, Tumpu, Tumpu Allah nu mompolee' nu aha, Tumpu Allah i Abraham, i Ishak, ka' i Yakub nanintoamo hi belemiu.”

YEREMIA 24:7

Aku mosu'an, misa' monggautakon aha. Aku mombee'i hi aha da ko kahanda' mangalati', taalu' Akumo ahi' aijo' na Tumpu. Sahingga aha timbalimo mian anu palesayamo hi beleng-Ku, ka' Aku timbalimo Tumpu Allah nu aha, kalana po' ule'mo mae na aha montuluti Aku buke-buke' na kinyonyoa nu aha.

YEREMIA 31:33

Sumo uuka na palajanjian anu Ku bauje tiba aha mian nu Israel; Atulan-atulan-Ku, Ku po una'mo i uno nu kinyonyoa nu aha, ka' mule' Ku tulismo i uno nu kinyonyoa nu aha. Aku timbalimo Tumpu Allah nu aha ka' mule' aha timbalimo mian anu palesayamo hi beleng-Ku.

YEREMIA 32:38

Aha timbalimo mian anu palesayamo hi Belengku, ka' Aku timbalimo Tumpu Allah nu aha.

YEHEZKIEL 11:20

Sahingga aha montulutimo iwi-iwi na atulan-Ku ka' mule' tulu-tulutanmo ipalentang-Ku iwi-iwi'. Aha timbalimo mian anu palesayamo hi beleng-Ku ka' mule' Aku timbalimo Tumpu nu aha.

ZAKHARIA 8:8

ka' monsule'akonmo mae aha anu lengkat mae i kabete'an, ka' mule' anu lengkat mae i kinsoban, sahingga aha po ule'mo jojoong i Yerusalem. Aha timbalimo mian anu palesayamo hi beleng-Ku ka' Akumo na Tumpu nu aha. Aku mompalentahmo aha ma'i-ma'ima' ka' mule' adin.”

MATIUS 17:6

Salatan anu saja' mombatuki Yesus nohongomo potatae aijo', aha nabuhukmo, sahingga tinolodadupumo i tano'.

MATIUS 22:32

‘Akumo na Tumpu i Abraham, Tumpu i Ishak, ka' Tumpu i Yakub.’ Tumpu aijo' misa' Tumpu nu mian mate. Ia Tumpu nu mian tumuu'!”

MARKUS 12:26

Ka' mongkona mian silaka po'ule' opotumuu', pa' ma'isa toho' nombasa' i uno nu kitab i Musa mongkona kumbung anu i noak aijo'? I uno nu to ayat-ayat aijo' tinulis saba' Tumpu notatae hi Musa, ‘Akumo na Tumpu i Abraham, Tumpu i Ishak, ka' Tumpu i Yakub.’

LUKAS 20:37

Posi i Musa nomponyata'mo mana-manasa mian mate po'ule' opotumuu'. I uno nu tulisannyo mongkona kumbung anu i noak aijo', ia nonsanggo Tumpu, sumo, ‘Tumpu i Abraham, Tumpu i Ishak, ka' Tumpu i Yakub.’

LUKAS 5:8

Salatan i Simon nontoa aijo', ia tinolodadupu nonsombah i ahop i Yesus, ka' notatae, “Pala'imo na aku Tumpu! Kalana aku mian baladosa'!”

SISIKON NU TO RASUL-RASUL 7:32

‘Akumo na Tumpu mompolee' miu; Aku Tumpu i Abraham, i Ishak, ka' i Yakub.’ I Musa ilakatnyomo nu buhuk sahingga madi' daagi' baani na montoa kuhat aijo'.

SISIKON NU TO RASUL-RASUL 7:34

Aku nontoamo ka' nompalahatikanmo ideknyo nu kasansala'an nu mian-Ku i Mesir. Aku nohongomo indi nu aha ka' Aku mambamo mompobebas aha. Uuka aiya, imbo'! Aku monsaimo beleyum minsusule' mokiijo' i Mesir.’

PO'ULE' INGULIT 6:3

Kalana aijo' potombihing to utu-utus, bau na aijo' ima-ima' da belemiu mohumpak ka'ima'an ka' timbali sa'angu' na bansa anu daka' i lipu' anu kaya ka' anu ma'omuk, susumo anu jinanji'mo nu Tumpu Allah nu mompolee'to.

IBRANI 11:16

Panyo aha memang ahi' monginde'i sa'angu' na lipu' anu lebe ma'ima', aijo'mo lipu' anu kiita' i Suluga'. Aijo' na sababnyo Tumpu madi' ma'ambang de aha monsanggo Ia Tumpu nu aha, kalana Tumpu nomposadiamo sa'angu' na kota bau kajojoongan nu aha.

IBRANI 12:21

Apaa na anu tinoamo nu mian Israel haha aijo', talalo ahi' hondo okabangangi sahingga i Musa notataemo, “Aku nabuhukmo ka' i lakatnyomo!”

ANU PINOTO'I HI YOHANES 1:17

Salatan tinoangkumo na Ia, aku dinumaladupu i ahop-Nyo sumo mian anu sinilakamo. Panyo Ia nompotiik lima-Nyo koanan hi belengku ka' notatae, “Boli mabuhuk! Akumo na anu i momonanyo ka' anu imihinyo.

TO MIA-MIAN KOPIAN 13:22

Lantas i Manoah notatae hi bengkele'nyo, “Kita tantu silakamo kalana nontoamo Tumpu Allah!”