NOSABATMO 3:4 - KITAB NU TUMPU ALLA LELE MA'IMAI'

⁴ Tumpu nontoamo i Musa nongohanimo tampat aijo', lantas Ia notataemo daka-daka' lengkat mae aijo' i totonga' nu hemput aijo', “Musa! Musa!” “Aku aiya”, tinaaman i Musa.

NOSABATMO 3:4 ပူးပေါင်းရင်းမြစ်များ

KAJADIAN 22:1

Ma'isa talalo pinin ilapas na aijo' Tumpu Allah nonguji'mo pa' totu-totu'u i Abraham tulu-tulutan. Tumpu Allah nolagamo, “Abraham!” Lantas tinaamanmo i Abraham, “Apaa, Tumpu.”

KAJADIAN 22:11

Panyo malaekat nu Tumpu notatae daka-daka' hi ia, lengkat mae i langit, “Abraham, Abraham!” Tinaaman i Abraham, “Apaa, Tumpu!”

KAJADIAN 28:16

Lantas i Yakub nobulamo aijo' ikina hoyotannyo ka' notatae, “Daagi' ko Tumpu i tampat aiya, panyo aiyaje ka' sinumbu'ku!”

KAJADIAN 46:2

Salatan i nalomo ia nontoamo, Tumpu Allah notatae hi ia, “Yakub, Yakub!” Tinaamannyo, “Apaa, Tumpu”.

MAZMUR 62:11

Boli montaha'imani anu ola o humpak kalana opakisa hi mian, ka' boli montakabunakon balang anu opahuhuakon. Ka' mule' de kakaya'an nu belemiu mompaka pintuangmo, boli kinyonyoa nu belemiu me saja' kiijo' i halata'.

NOSABATMO 19:3

ka' i Musa nindakomo i bungkutnyo aijo' mamba singkabot tiba Tumpu Allah. Tumpu notatae hi Musa i bungkutnyo aijo' ka' nompokaumo ia da mompoto'i hi aha mian nu Israel lee' mae i Yakub,

NOSABATMO 3:2

Ikiijo' mae malaekat nu Tumpu nanintoamo hi ia i moak nu apu anu noakmo mae i totonga' nu hemput. I Musa nontoa hemput aijo' noakmo, panyo madi' motoyo'.

NOSABATMO 33:12

Daagi' kino sansinaan notataemo na i Musa hi Tumpu, “Tumpu, Belento nompalentahmo aku da molaya' bansa aiya mamba i lipu' anu jinanji'mo nu belento, panyo belento madi' mompoto'i mae ihe na nusai mae nu Belento montulungi aku. O Tumpu, Belento notatae, koonyo nu Belento monsumbu' aku ka' sanang hi belengku,

NOSABATMO 4:5

Notatae na Tumpu, “Obau sumo aijo' da to mia-mian nu Israel palesaya taalu' Aku, Tumpu, Tumpu Allah nu mompolee' nu aha, Tumpu Allah i Abraham, i Ishak, ka' i Yakub nanintoamo hi belemiu.”

IMAMAT 1:1

Lengkat mae aijo' i Kemahnyo, Tumpu nolagamo i Musa ka' nombee'i ia atulan haha aiya,

SISIKON NU TO RASUL-RASUL 10:13

Lantas daagi' kino lewo' notatae hi ia, “Petrus pobulamo! Kolotmo ka' kaanmo!”

SISIKON NU TO RASUL-RASUL 10:3

Daagi' kino sansinaan kila-kila jam totolu' ohanimo mopatas ia nontoa manasa hondo samian na Malaikat nu Tumpu tinoka ka' nolaga ia, “Kornelius!”

SISIKON NU TO RASUL-RASUL 9:4

Ia notua' i tano' lantas nohongo potatae tinoka hi ia, “Saulus, Saulus! Apaa na sababnyo beleyum nonsakisa Aku?”

PO'ULE' INGULIT 33:16

O'amalakon da tano'nyo nupobuke'i nu anu toto ima-ima' hondo, ka' kalana manonong na Tumpu sahingga nohumpak balakat anu notatae aijo' mae i hemput anu i noakmo. O'amalakon da balakat aijo' tudun mae kona hi tulunan i Yusuf, kalana iamo na polaya' nu to utu-utusnyo.

1 SAMUEL 3:10

Lapas aijo' tinokamo na Tumpu ka' tinuminjo i tampat aijo' ka' po ule'mo nolaga, “Samuel, Samuel!” lantas tinaamanmo i Samuel, “Poto'imo mae Tumpu, posaihon nu belento Tumpu, aiya mompotombihing.”

1 SAMUEL 3:4

Tumpu nolagamo i Samuel lantas tinaamanmo i Samuel, “Apaa kita Tuumangku!”

1 SAMUEL 3:6

Lapas aijo' po ule' mule' ilaga nu Tumpu na i Samuel, panyo madi' nu sumbu' i Samuel na anu nolaga aijo' taalu' Tumpu, kalana ma'isa toho Tumpu notatae hi ia. Kalana aijo' ia nobulamo, lantas nambamo hi Eli ka' nompokilawa, “Apaa kita Tuumangku? Kadaka' ilagamo nu belento Tuumangku?” Na koonyo i Eli, “Aku madi' nolaga beleyum, komiu anaku; lako po ule' hoyot.”

1 SAMUEL 3:8

Kinopintolunnyo na Tumpu nolaga i Samuel; lantas nobulamo na i Samuel ka' nambamo hi Eli ka' notatae, “Apaa kita Tuumangku? Kadaka' ilagamo nu belento Tuumangku?” Tempo'nyo aijo' sinumbu'je i Eli taalu' Tumpu na nolaga anak aijo'.