NOSABATMO 3:21 - KITAB NU TUMPU ALLA LELE MA'IMAI'

²¹ Ku potimbalije na mian nu Mesir da mongkanonongi belemiu, sahingga de tokamo na tempo'nyo mian anu pinalesayamo hi Belengku mambamo, belemiu mamba madi' ola lima sampulu'.

NOSABATMO 3:21 ပူးပေါင်းရင်းမြစ်များ

KAJADIAN 15:14

Panyo bansa anu mombotuani lee' nu beleyum aijo' Ku hukum, ka' salatan lee' nu beleyum mompala'imo lipu' aijo' aha momboamo manjoo' na halata'.

KAJADIAN 39:21

Panyo Tumpu nontulungimo i Yusuf ka' saja' mongkalibosi ia, sahingga kapala nu talungku' nongkanonongimo ia.

1 TOMU-TOMUNDO' 8:50

Ampuniakon na dosa' nu aha iwi-iwi' ka' kalakuan nu aha anu ma'idek hi Belento, ka' potimbali na sampo bali' nu aha iwi-iwi' ka' mombau han anu ma'ima' hi aha.

NEHEMIA 1:11

Potombihingakon mae na do'angku ka' do'a nu posaihonto iwi-iwi' sangga'at, anu mongka'oho' moholomati belento. Tulungiakon mae o Tumpu sinaa aiya da posaihon nu belento aiya nukalibosi mae i tomundo.” Tempo'nyo aitu kalajangku anu nu inum i tomundo memongulus.

MAZMUR 105:37

Lapas aijo' bansa Israel sinabatakon-Nyomo ka' binoa-Nyomo aha nomboa mosoni' ka' salaka; iwi-iwi' na aha mahoson ka' madi' ko anu masakit.

MAZMUR 106:46

Binalakatan-Nyomo na aha da kinalibosanmo nu mian iwi-iwi' anu nomboamo aha i lipu' nu aha.

NOSABATMO 11:2

Kalana aijo' basale'mo tiba bansa Israel; pokau na aha momoita mainan mosoni' ka' salaka hi anu mompaha ohani laigan nu aha.”

NOSABATMO 11:3

Nupotimbalije nu Tumpu na mian nu Mesir da mongkanonongi aha mian nu Israel. Ka' i Musa timbalimo mian anu talalo hondo o'angga'i nu aha anu ko pangkatnyo ka' songko-songko na layat nu Mesir.

NOSABATMO 12:35

Aha suele nombaumo apaa na anu pinoto'imo i Musa, aijo'mo momoita mainan mosoni' ka' salaka, ka' baju' nu aha mian Mesir.

NOSABATMO 12:36

Tumpu nompotimbalimo mian nu Mesir da mongkanonongi aha mian nu Israel, sahingga aha nombee'mo iwi-iwi' apaa na anu pinoitamo nu aha mian nu Mesir. Tiba jalan anu sumo aijo' mian nu Israel nomboamo kakaya'an nu aha mian nu Mesir nosabat nompala'imo lipu' aijo'.

AMSAL 16:7

De beleyum momposanang kinyonyoa nu Tumpu; iwi-iwi' na sampo bali' nu beleyum Nu potimbali sangalu nu beleyum.

SISIKON NU TO RASUL-RASUL 7:10

ka' nolapasakonmo ia i iwi-iwi' na kasusa'annyo. Tumpu nombee'imo ia kapandean tempo'nyo ia nangadap hi Firaun tomundo nu Mesir, sahingga i Firaun nompotimbali ia Gubernur i lipu' Mesir ka' nongkuasaimo Laigan Daka' i Firaun.

PO'ULE' INGULIT 15:13

Posaihon anu pinobebasmo aijo' madi' timbali ola opojohok mamba ola lima sampulu'.