NOSABATMO 3:18 - KITAB NU TUMPU ALLA LELE MA'IMAI'

¹⁸ Mian anu pinalesayamo hi beleng-Ku, mohongomo potatae nu beleyum. Lapas aijo' beleyum hingga-hinggat tiba to pola-polaya' nu aha Israel, tionyo ahi' mambamo mangadap hi tomundo Mesir, ka' mompoto'i hi ia: 'Tumpu, Tumpu Allah nu mian Ibrani tinokamo nompopia butongnyo hi kami. Uuka aiya pobee'mo mae na kami mambamo kojo'onnyo tolun sinaa na molajangi mokiijo' i padang bola monsombahkon koloban hi Tumpu, Tumpu Allah mami.' ”

NOSABATMO 3:18 ပူးပေါင်းရင်းမြစ်များ

KAJADIAN 12:1

Tumpu notataemo hi Abram, “Pala'imo na lipu' no beleyum, sampoto utusan nu beleyum ka' laigan nu tuuma nu beleyum, lantas mambamo i lipu' anu Ku potiju' hi beleyum.

KAJADIAN 14:13

Panyo samian na anu noko ala nalai anu madi' binoa nu sampobali' nu aha nonsisikmo iwi-iwi' apaa na anu jinadimo aijo' hi Abram, mian nu Ibrani aijo'. I Abram jojoong koko kau' anu ko balakatnyo tampat ponsomban anu i Mamre, mian nu Amori. I Mamre ka' to utu-utusnyo aijo'mo, i Eskol ka' i Aner atina'mo na to sanga-sangalu anu nosa'angu'mo tiba i Abram.

KAJADIAN 15:1

Lapas aijo', i Abram nontoamo ka' nohongomo Tumpu notatae hi ia, “Boli mabuhuk, Abram, Ku jagai na beleyum da boli ko balaa montokai mae ka' mombee'imo tambo anu daka' hi beleyum.”

KAJADIAN 17:1

Salatan umun i Abram siniompulu'mo ka' osio' na taun, Tumpu nanintoamo hi ia ka' notatae, “Akumo na Tumpu Allah Anu Daka' hondo na kuasanyo. Otuluti na Aku ka' saja' obau na pongka'oho'-Ku.

KAJADIAN 48:3

Notatae na i Yakub hi Yusuf, “Tumpu Allah Anu Daka' hondo na kuasanyo nanintoamo hi belengku kiijo' mae i Lus, i tano' nu Kana'an, ka' nombalakatimo aku.”

2 TAWARIKH 30:12

I Yehuda suele Tumpu Allah nokalajamo ka' nomposa'angu'mo kinyonyoa nu mian da'isan da totu-totu'u tulu-tulutan hi pongka'oho' nu Tumpu Allah aijo'mo montuluti palentah i tomundo ka' to mia-miannyo anu ko pangkatnyo.

MAZMUR 110:3

De tokamo na sinaanyo beleyum mongkuasaimo, i bungkutnyo anu susi', layat nu beleyum sanang na mamba mahampate. Sumomo dondu'ok daagi' subu, to oli-olitau tokamo mae hi beleyum.

NOSABATMO 10:3

Lantas i Musa ka' i Harun nambamo nangadap hi tomundo ka' nompoto'i hi ia, “Tumpu, Tumpu Allah nu aha bansa Ibrani notataemo, 'Sampe toka hipian na kopinnyo na belento madi' mongka'oho' tulut hi beleng-Ku? Pobee'mo na mian anu pinalesayamo hi beleng-Ku mamba, da aha timbali monsombah Aku.

NOSABATMO 17:5

Notataemo na Tumpu hi Musa, “Laga mae to pia-piangkuka na polaya' ka' lumajangmo hingga-hinggat tiba aha aijo', belemiu na mamba momona. Boa suele na tokon anu pinake nu beleyum ponsapahi Kaunyo nu Nil.

NOSABATMO 19:1

Lapas aijo' aha bansa Israel nompala'imo Rafidim, ka' i tanggal sa'angu' bitu'on ko totolu'nyo salatan aha nompala'imo mae Mesir, aha tinokamo i padang bola Sinai. Aha nombaumo kemah i tengke nu Bungkutnyo Sinai,

NOSABATMO 25:22

I tampat aijo' na kasingkabotan-Ku tiba beleyum, ka' aita' mae i kolopnyo i olot nu ohua' na anu sumo malaekat aijo', beleyum Ku bee'ije to atu-atulan-Ku da opake hi bansa Israel.”

NOSABATMO 3:12

Tinaaman nu Tumpu Allah, “Ku tulungije na beleyum. Ka' de bansa aijo' nu boamo mosabat lengkat i Mesir, belemiu monsombahmo hi beleng-Ku i bungkutnyo aiya. Aijo'mo na pontoan taalu' aku nonsaimo beleyum.”

NOSABATMO 3:16

Lako'mo ka' limu'mo iwi-iwi' na to pola-polaya' nu Israel. Poto'i hi aha taalu' Aku, Tumpu, Tumpu Allah nu mompolee' nu aha Tumpu Allah i Abraham, i Ishak ka' i Yakub, nanintoamo hi beleyum. Poto'imo hi aha taalu' Aku tinokamo hi aha ka' nontoamo mosia na aha okabisa'i nu bansa Mesir.

NOSABATMO 30:36

Sambagian na kamangian aijo' tionyo ahi' o uja' sampe sumo labu. Boa mae na aijo' i Kemang-Ku ka' kakambuhakon i ahop nu Peti' Palajanjian. Kamangian aijo' tionyo ahi' o'anggap balang anu susi' anu samata-mata obee' hi beleng-Ku. Boli mombau kamangian anu opogogalo'akon tiba ngangahan nu lampa anu susumo aijo' suele, anu oposi pake nu belemiu.

NOSABATMO 30:6

Pokoko na mezbah aijo' i sasu sambiha'nyo nu hude anu i ahop nu Peti' Palajanjian, i tampat kasingkabotan-Ku tiba beleyum.

NOSABATMO 4:1

Lantas i Musa nontaamimo Tumpu, “Panyo mosia de bisuannyo to mia-mian nu Israel madi' mongka'oho' palesaya ka' madi' mongka'oho' montapali potataengku? Apaa na anu tionyo ku bau de maluannyo aha motatae koonyo nu aha Tumpu madi' nanintoa hi belengku?”

NOSABATMO 4:23

ka' beleyum Ku palentahmo da mompobee' anak-Ku aijo' mambamo da ia timbali monsombah Aku. Panyo beleyum madi' mompobee'. Uuka aiya ku pateimo na anak nu beleyum anu tumpenyo.' ”

NOSABATMO 4:24

I sa'angu' na tampat pinombauan nu aha kemah aijo' tempo'nyo aha namba aijo'. Tumpu tinokamo hi Musa ka' ka oho'mo mompatei ia.

NOSABATMO 4:31

Sahingga pinalesayamo na aha, ka' salatan aha nohongomo taalu' Tumpu daagi' monginau' bansa Israel ka' nontoamo iwi-iwi' na kasansalan nu aha, aha dinumaladupumo ka' nonsombahmo.

NOSABATMO 5:1

Lapas aijo' i Musa ka' i Harun nambamo nangadap hi tomundo Mesir ka' nompoto'i, “Sumo uuka na palentah nu Tumpu, Tumpu Allah Israel, 'Pobee' mae na bansang-Ku mamba da aha timbali monsombah beleng-Ku kiijo' mae i padang bola.' ”

NOSABATMO 5:3

I Musa ka' i Harun notatae, “Tumpu Allah mian nu Ibrani nanintoamo hi kami. Pobee'mo mae na kami mamba i padang bola kojo'onnyo tolun sinaa na lumajang da monsombahkonmo koloban hi Tumpu, Tumpu Allah mami. De madi' obau mami na aijo', kami Nu pateimo nu panyakit kabai mahampate.”

NOSABATMO 7:16

Poto'i hi tomundo aijo': Tumpu, Tumpu Allah nu aha mian Ibrani nonsaimo mae aku mompotoka hi belento Tuanku da mompobee'mo miannyo anu pinalesayamo hi Ia, mambamo momsombah Ia i padang bolaa. Panyo sangkutnyo uuka aiya belento Tuanku madi' mongka'oho' mohongo-hongo.

NOSABATMO 8:1

Lantas Tumpu notataemo hi Musa, “Lako'mo mamba mangadap hi tomundo ka' potoka hi ia na potuunon-Ku aiya: 'Pobee'mo na mian anu pinalesayamo hi beleng-Ku da mambamo monsombah Aku.

NOSABATMO 8:20

Tumpu notatae hi Musa, “Lako' dodop subu-subu hondo singkaboti na i tomundo hau-haunyo ia mokaiyongmo i kaunyo, ka' potokakon hi ia na potataeng-Ku aiya: 'Pobee'mo mae na mian anu pinalesayamo hi beleng-Ku mambamo monsombah Aku.

NOSABATMO 8:23

Madi' pokakana na Aku mombau mian anu pinalesayamo hi beleng-Ku tiba layat nu beleyum. Anu okabangangi aijo' timbalimo dodop.' ”

NOSABATMO 9:1

Tumpu notatae hi Musa, “Lako'mo mamba mangadap hi tomundo, ka' poto'i hi ia taalu' Tumpu, Tumpu Allah nu aha mian Ibrani, nompoto'imo: 'Pobee'mo mae na mian anu pinalesayamo hi beleng-Ku da mambamo na aha monsombah Aku.

NOSABATMO 9:13

Tumpu notatae hi Musa, “Lako' dodop subu-subu hondo mangadap hi tomundo, ka' potoka hi ia taalu', Tumpu, Tumpu Allah nu aha mian Ibrani nompoto'imo mae, 'Pobee'mo na mian anu pinalesayamo hi beleng-Ku da aha mambamo mae monsombah hi beleng-Ku.

YESAYA 64:5

Belento molalabot mian anu hodi' na kinyonyoanyo ka' anu tumuu' montuluti pongka'oho' nu Belento. Belento nontambuha'imo kami panyo kami tataap ahi' baladosa' memang naipuan pe'e mae kami sinala'mo.

YEREMIA 2:2

da mombebakon lele aiya hi aha iwi-iwi' mian nu Yerusalem, “O Israel Ku inau' hondo na tulu-tulutan nu beleyum tempo'nyo beleyum daagi' olitau; talalo hondo na beleyum mongka'ima'i mae tempo'nyo kita salaje notuang. Namba ipadang tampat anu mateges binatukan nu beleyum na Aku notulu daerah anu madi' ko sosu'anonnyo.

YEREMIA 2:6

Aku madi'mo pinajulian; Aku na nontakamo aha ijalan, ka' nomboamo aha nosabat lengkat mae i Mesir nontulu padang tampat anu bone'on, daerah anu kinunmo ka' kaho lingkobaknyo, ka'mule' nanggasmo ka' okabuhukmo – padang tampat anu madi'mo ojojoongi ka' madi'mo daagi' otului!

YEREMIA 26:5

Belemiu tionyo mule' ahi' mompotombihing apaa na anu nu poto'i nu posaihon-Ku, to nabi-nabi anu sabole-bole saja' Ku palentah mamba hi belemiu. Panyo belemiu madi' ka'oho' mompotombihing aha.

NOMBILANGMO 17:4

Boa na tokon haha aijo' i Kemah-Ku, ka' opotimpas i ahop nu Peti' Palajanjian, tampat-Ku biasa singkabot tiba belemiu.

YOSUA 1:17

Kami tulu-tulutanmo hi belento, susumo kami suele tinulu-tulutanmo hi Musa. O amalakon da Tumpu Allah nu belemiu saja' monsangalui susumo Ia nonsangaluimo i Musa!